2 KORIN 9:8 - OTSAO BAIBEL (BSI)

⁸ Nang hanpakma khütle tüikya komle atak apong laxle ngaxchu mwot müikya mok ang ziato lyemle tüi angkya hanpakma, Zange nang ang okhonguikya boma ngaxchu onüi kox ang thoüi.

2 KORIN 9:8 ပူးပေါင်းရင်းမြစ်များ

EFISIA 3:20

Chix owae kem ang zong mwot makhange keme ju-lomkya chichangba ajang apangkya thak to moktsuak angkya tüipuix,

WANWÜNKAX 10:22

Nang hakpa-luapa ang achangkya a Jowanpa mohiman makhange changpu. Azongle mwot mokle changkya tokhange nange sisile tüi-nangkya mix ang achang tsuaküi.

MALAKI 3:10

Zangshwom-Hom to hünzome bünfong anguile apüihüi, ikoxtix ikhama süt okhonguile tüingoüi. Kue zangkangting fülom daplaxle müikya oli pangwüi okhonguile hünzom ang thokle chikox hia koxkox, ku to thwontsingle anohu.

HAGAI 2:8

Chaxwannu angkya hun hia khop pangwüi ku kux changpu.

WANWÜNKAX 28:27

Chitüi-chinang khünak ang laxkox, jangchangba nange chemtuechu nuaklom-khüntho le müntüi. Nange chitüi-chinang khünak zongto nang mik achikle jangchang, nang to thuakzom angkya mix huanuma tüiüi.

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

WANWÜNKAX 3:9

Nang haxtok ma puamünkya kha angkya sümüikya Jowanpa ang to apüile koxle makhange chix achuak-achen kox.

TITA 3:14

Otsing tomtata ma othang odang apongkya to asun azu angkya bama, kem khünakbue müikya mwot mokle ma hanpak ashix angkya awanle kop angkya oli changle.

2 KORIN 8:7

Khrista tokya mongong, Kaxho Müikya apuk-apuakya, otsingtsing tsingwankya, mwottho tha ang tsukya ilaxle hünzome kwom to mongkünkya, ibu pangnu lom ma wüi hünzom mixtho thoma tüile. Idaile, kue ija khristan mongkün chakzun mwottho machu hünzom wüi mixtho thoma naxsüt le texpu.

1 KORIN 15:58

Idaile, kutüi-kunaohom, shingmongle ajonglax ilaxle zaxhun ma ahamkox. Jowanpa mwottho ma nange mokkya chemlichu muato münmax le nange awan angkya daile, Jowanpa hanpakma chak ojao chingaile mwot mokkox.

2 KORIN 9:11

Kwom makhange ataile fakya hünzom hinghobu hanpakma khünaknue Zang naxachuak ang, othuithuima chingcha ang tsuluakya tüitsuak tang okhonguile chixe ahak alua ang koxüi.

2 KORIN 8:2

Hwome kaile toxdaokya sikngünbu füi hwom ozya ma lüjao wanle ano daokya changle; ikoxlechu ibukuxle hwom chitüi chinang le maxkox ngaxchu hwom ma mongmüi chongle tüikya khoma chakzun ma hwom ozya lyemle mongtsukya tüi.

WANWÜNKAX 11:24

Khünak züizüie hwom ngun-syen jansuma ashixle ikoxchu hwom sisile ahak-aluale. Züizüia huanuma khünzai, ikoxchu sümax-sümax.

2 PUKAX-PANGAO 25:9

Amaziah-e ajepa ma atüi: “Ikoxle kue hwom mün to koxdaokya khopbu a chemle changüi?” Ajepae lan: “Jowanpa nang ang ithak to lyemle kox ang thoüi!”

TITA 3:8

Ija kax a otsing tomtata changle. Ija bama nange onüi khünzule namwünbae le kue texpu, ikoxletix opange Zang to mongong laxpuix hwome müikya tamchu nok zongto wüi mwot ma hüikya müikya mwot mok ang hanpak fa angkya bama hwom mong ma kakle texüi.

EFISIA 2:10

Kem chemle tüipuix ija a Zang chakzing changle, ilaxle Khrista ma kem notom makhange chixe kem müikya mwot mokle ozün ma ngo ang zingpu. Ija a, kem Ija ma aham angkya hexo le Zange acha achwonle thomdaokya changle.

1 PITAR 4:10

Pangnusae wüi, malom-malom hinghobu twon ang mankya khünak tuita lailaile, Zang tokhange tamsüile kopkya hingho hünzome tata fün amüi ang twonkox.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

2 KORIN 8:19

Chix a noke awankya mix tata le chichangle kwom füi tomle aham angkya hanpakma müimüithom chito khange zünle kopkya mix tuita changle. Kwome saile hüikya mongkün ngunsai to chixe humeüi, ilaxle ijaetix Jowanpa Jisu Khrista fuazangkya tüiüi ilaxle chitüi chinangkya khristan üitho to fongsele tsukya kwom mong ahoüi.

KOLOSI 1:10

Ifüima hünzome chix mong amüi angkyakya mokle Jowanpa mongtex ma ngo ang thoüi. Hünzome tsün ma müikya mwot pangnu li mokle alai ilaxle hünzom Zang tsingwankya ma tsongüi.

WANGSHEMBU MWOT 9:36

Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

2 THESALONIKA 2:17

othuithuima müikya zangwün ang hia müikya mwot mok ang hünzom mong naxchong tamchu atsak azong le naxfa.

2 TIMOTHI 3:17

ikoxletix Zang thothakya mix asukya ang achangüi ilaxle müikya mwot pangwüi mok ang zongmo apongle changüi.

2 KORIN 13:3

Khrista-e ku makhange zangwünkya changlax ma ang hünzome lomkya pangwüi hünzom ang faüi. Chixe hünzom füi asax amok pongma, chix shonaikya le münchang; itülüi, hünzom khato chixe chix tsakzong ahole.

FILIPI 4:11

Tamchu ku to chihu-chimele le makya kax münchang, chemthüikoxle ku ma chem tüilaxpuix ija füi mongtex ma shale ngo angkya kue tsing laxle ngopu.

2 TIMOTHI 2:21

Owawae ma ibu ochax pangnu tokya atsaole jangzingba, chix a khütkhaxkya tuke twonüi, chemthüikoxle chix atsaole thomkya tamchu hopupa mwot to thapkya, müikya mwot pangnu to twon ang achwonle thomkya changle.