2 KORIN 9:10 - OTSAO BAIBEL (BSI)

¹⁰ Khünak tuita ang ali angkya tsaxli ilaxle sax angkya sütle fakya a Zang changle. Ikhoma Zange nang ang nange küi-thwomkya tsuak tang tsaxli koxüi, ilaxle opün tsong-lo ang koxüi, üntoxle ija ningle chingcha aho ang nang tsuluakya tokhange huanuma puamün ang koxüi.

2 KORIN 9:10 ပူးပေါင်းရင်းမြစ်များ

ISAIA 55:10

“Ku zangwün a jun hia zangwat ningle changpu oja zangdingkho tokhange chaxwannu ashan ang dütpuix. Ibue tsaxsa-hikha lai ang tomle ilaxle küi angkya hia sax angkya hanpakma oziak fale.

2 KORIN 9:6

Hidaole alikya mixe tsaxziak hidaole wüi kopüi; aluile alikya mixe tsaxziak aluile kopüi, lükya kax texle ataklax.

HOSIA 10:12

Kue thüi: ‘Hünzom hanpakma haxzün khutlax, ilaxle ku to jop-tole changkya mohiman ma kopkya puamün hünzome zütlax. Ija a, ku, hünzom Jowanpa hato mongchat angkya hanpak changle, ilaxle ku nguilaxle hünzom ang mohiman thokle koxüi.’

HWON-NWOT-JAONO 11:6

Nange anopningle tamchu hansongechu küi-thwomle changlax, ikoxlechu ija müile tsongüi hia chitsongüi tamchu mixe küi-thwomkya füi ataxle chimüimüiüi nange müntik.

FILIPI 4:17

Kue hingho pongse tsukya tata chichangle, hünzome chingcha ahokya to bole olap naxtüi le texpu.

WANWÜNKAX 11:18

Otsingtomtata ma chichang-chizangkya khünakbue olüi chemchu münkop, ikoxlechu nange sukya mwot mokle jangchang, nange olüi kop angkya jao changpu.

1 THESALONIKA 3:12

Jowanpa-e hünzom mongkün tata hanpak ang naxachang ilaxle khünaknu nok hanpakma sütsong-sütsong naxtsong ilaxle hünzom to künkya kwom mongkün tukuxle naxachang.

MATHI 6:1

“Khünake naxngün le hwom miksho ma otsao mwot chimok angkya bama hünzom khünlax. Iningkya mwot hünzome noknu thüntho ma mokle jangchang thüiningle, zangkangting tokya hünzom Hopae fa angkya hingho hünzom ang chemchu müntüi.

FILIPI 1:11

Zang fuazang hia achuak achenkya tüi angkya hanpakma, Khrista-e tix alai tho angkya otsingtsing müikya olie hünzom tsün awangle ngohüi.

PONGWANG LAIPEX 47:19

Kwom zi ang taxtom, tütali le thüichu hwonhüi! Kwom haxtokbu münlaxle dan taxtox. Kwom khünak tamchu kwom haxtokbu shaklax ilaxle kwom ang süt wüi fahüi. Kwom wanghom da ang achangüi ilaxle kwom haxtok a chix kux angwüi naxngo. Kwom ozün ma ngo ang tsax wüi laxhüi üntoxle kwom haxtok ma sai ang tsaxli wüi laxhüi.”

EFISIA 5:9

Chemthüikoxle müikya Otsao Chasa ilaxle otsingtsing oli pangwüi a zangngai oziak changle.

1 THESALONIKA 4:10

Changle, otsing tomtata ma Mesidonia angkya tüinao hwom to ile hume daoa. Idaile tüinaohom, kwome hünzom ang ifüi sütsexle mok hüi thüipu.

2 KORIN 9:12

Hünzome mokkya mwottho Ija makhange khünaknu chitüi chinang pongthapkya tata chichangle khünaknue Zang ang münchong fale zangjop angkya alai hule.

GALATIA 3:5

Zange hünzom ang Chasa kox ilaxle hünzom khama ohünotün mwot mokkya a hünzome wanlom lwot tokya khoma hia hünzome Kaxho Müikya atatlaxle ija to ongkya khoma changpuix?