2 KORIN 8:7 - OTSAO BAIBEL (BSI)

⁷ Khrista tokya mongong, Kaxho Müikya apuk-apuakya, otsingtsing tsingwankya, mwottho tha ang tsukya ilaxle hünzome kwom to mongkünkya, ibu pangnu lom ma wüi hünzom mixtho thoma tüile. Idaile, kue ija khristan mongkün chakzun mwottho machu hünzom wüi mixtho thoma naxsüt le texpu.

2 KORIN 8:7 ပူးပေါင်းရင်းမြစ်များ

2 THESALONIKA 1:3

Kwomtüi kwomnaohom, othuithuima kwome hünzom hanpakma Zang ang münchong fa angkya changle. Ile mok angkya kwom zongma sukya mwot changle, chemthüikoxle mongong namwüi chongle hüile ilaxle hünzome tata to mongkünkya mong süchong süchongle chongle.

2 KORIN 9:8

Nang hanpakma khütle tüikya komle atak apong laxle ngaxchu mwot müikya mok ang ziato lyemle tüi angkya hanpakma, Zange nang ang okhonguikya boma ngaxchu onüi kox ang thoüi.

FILIPI 1:9

Tsingwankya hia asukhakkya kaxfün füi tomle hünzom mongkün ma otsün-otsünle tsonghüio le kue joppu;

2 KORIN 8:6

Hünzom khama küntsu monglua to koxkya tö sai angkya mwot Tita-e owang wangkya changle, idaile ija mongkün mwot chak ma laxle mokle ashuk aza angkya bama kwome chix wüi tamtompu.

1 KORIN 13:2

Ku ma je zong tüikoxlax, ilaxle ku ma pangnu je-hwon tüile ngoünkoxlax ilaxle pyenle thomkya otsingtsing awan ang thokoxlax; onüi angchu haxnu apao tsuak tang ku ma mongong tüikoxlax, ikoxlechu ku ma mongkün chitüi thüikoxle ku chem angchu münchang.

1 KORIN 4:7

Hünzom owae süichappu? Nang ma atüitüi pangwüi Zange fakya münchang hichem? Jangchangba nangma tüikya hingho pangnu hingho chichangkya tukux nang ma tsaichong-kaxbong angkya chemtüi?

1 KORIN 1:5

Chemthüikoxle Khrista ma notomkya tokhange, dingdün zangwün hia hwon-je to lünle, hünzom pangnuli mawüi hakpa luapa ang achangüna.

1 KORIN 13:8

Mongkün münashuk tox. Ajekyabu tüihule, ikoxlechu ibu a noxtakya hanpakma; chitsingkya kax ma zangwün angkya hinghobu tüihule, ikoxlechu ibu a zakünüi; je-hwon tüihule ikoxlechu ibu a dantox daoüi.

1 KORIN 12:13

Ija lailaile, kem pangnusa, Jehudi nok wüi changlax chichangba mixnok wüi changlax, tuita Chasa makhange tompo tuita ma bapti laxkyakya wüi changpu; ilaxle kem pangnusa ang wüi tuita Chasa ti ling ang koxle.

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

2 TIMOTHI 2:1

Kusa Timothi, Khrista Jisu füikya notom ma kem tomkux ang tüikya chingcha ma tsakzong le tüikox.

EFISIA 4:29

Nang kax füi, atatkyabu fün amüi angkya hanpakma mix zongto kak angkya zang taxwün, itülüi mix to juafong angkya oli kaxzex zangwünkox.

2 KORIN 9:14

Zange hünzom ang koxkya ataxkya chingchajaja khoma zule künkak mongkünkya füi hwome hünzom hanpakma zangjopüi.

2 KORIN 7:7

Kwom ang mong amüikya chix nguikya tatae chichang, ikoxlechu hünzome chix ang zong adünkya bama chix kaxho khomachu changle. Hünzome ku ngünse le thütkya, jangbahex le hünzom mongto texkya, ku khose ang hünzom atha anyem le tüikya, ibu chixe kwom hama wünle; ibu atatlaxle sisile ku ang mongmüipu.

1 KORIN 14:12

Chasa hinghobu kop ang nang ma mongtsukya tüikya daile, pangnu thakma ibu füi müimüithom zing angkya nang azong among angkya changle.

ROM NOK HATO ZAKYA POL LAIZA 15:14

Kutüi kunaohom, awan-atsingkya pangnu ilaxle tata to anwot-ano ang tsuakle, müikya pangnue hünzom awangle tüile le ku monge ongkya tüile.

MIKNGÜN-OHÜN 3:17

Nange thüile, ‘Ku hakpa changle ilaxle müile ngopu; kue alomlom ku ma komle tüipu.’ Ikoxchu nang chemtukux tuitai le tamchu chingcha ashukle tüipuix nange chiawan! Nang a zasa, ohua tamchu miksut mix changle.

IBRI 12:28

Idaile Zang ang münchong fahax, chemthüikoxle sile alox ang chithokya Wangting keme pongle koppu. Chixe pongle kopkya lima tamchu chix chathua zakya füi keme Zang shwomhax;

FILIPI 1:11

Zang fuazang hia achuak achenkya tüi angkya hanpakma, Khrista-e tix alai tho angkya otsingtsing müikya olie hünzom tsün awangle ngohüi.

1 KORIN 12:8

Chasae mixhuak tuita ang je-hwone awang angkya kaxho koxle, ilaxle ata mixsün ang ija chasasae wüi tsingwankyae awangkya kaxho koxle.

MATHI 25:22

“Hajat anyi kopkya dachu wüi ngui ilaxle thüi: ‘Nange ku ang jat anyi ngun koxpu; hopunu, ikoxle hulax, ikhama kue thalex laxle kopkya olap hajat anyichu wüi tüile!’