2 KORIN 8:6 - OTSAO BAIBEL (BSI)

⁶ Hünzom khama küntsu monglua to koxkya tö sai angkya mwot Tita-e owang wangkya changle, idaile ija mongkün mwot chak ma laxle mokle ashuk aza angkya bama kwome chix wüi tamtompu.

2 KORIN 8:6 ပူးပေါင်းရင်းမြစ်များ

2 KORIN 12:18

Tita ang shongakaxkox le kue tsanpu, ilaxle kue chix füi tomle mama khristan tüinao hwomchu apaopu. Tita-e hünzom to chix fün amüi angkya to hulaxle hwonle le thüiüi hia? Kukhie mongtex tuita makhange mok ilaxle taningle mokkya münchang hex nyi?

2 KORIN 8:19

Chix a noke awankya mix tata le chichangle kwom füi tomle aham angkya hanpakma müimüithom chito khange zünle kopkya mix tuita changle. Kwome saile hüikya mongkün ngunsai to chixe humeüi, ilaxle ijaetix Jowanpa Jisu Khrista fuazangkya tüiüi ilaxle chitüi chinangkya khristan üitho to fongsele tsukya kwom mong ahoüi.

2 KORIN 8:4

Hwom küntsu monglua tokhange Jehudi ma ngokya Zang khünaknu to fong angkya bama hwom süntom tüikoxle müisele kwom ma tsaiju kaxju.

1 PITAR 4:10

Pangnusae wüi, malom-malom hinghobu twon ang mankya khünak tuita lailaile, Zang tokhange tamsüile kopkya hingho hünzome tata fün amüi ang twonkox.

FILIPI 4:18

Ipongkhae ku ma kue alomlom komle tüile: ingaxchu onüi tüile! Epafrodita nguikya zuma hünzome ku ang koxkya hinghobu kopkya tokhange ku okhonguile tüile. Ibu a Zang zongma müikya ongan müile ngankya tö tuita ang achangle.

2 KORIN 9:5

Ikhoma, hünzome koxsese hingho chaktwon achwonle bang angkya kuxmale ku thoma achale ibu tüinao hwom ang kakox le tsan angkya ku mongto texle laxpu. Ilaxle ku nguikya thoma atha anyemle bangüi, üntoxle ile changkyae, atsangle chichangle hünzome koxsele tsukyae koxpule ahoüi.

WANGSHEMBU MWOT 24:17

“Obibi zangpua hexle Jerusalem füi atsai le ngolaxle, ku ikhato ma-mix hato ngun-syen hidaole apong ang tamchu Zang to tö kox angle nguikya changpu.

ROM NOK HATO ZAKYA POL LAIZA 15:25

Athax tomtata a Jowanpa khünakbu to fong ang ku Jerusalem to kaüi.

2 KORIN 2:13

Ikoxle kem tüinao Tita chibangkya khoma ku huanuma abanle mongmax. Ikhoma ikha tokya khünakbu ang ngodao-ole thüilaxle ku Mesidonia to pao.

2 KORIN 8:10

Hünzome müzang otua laole mokle hüikya mwot otua athax ashuk azale mokle hüikoxle müiüile kue texkya changa. Hünzom a mokle hüikya tata ma owang le chichang ikoxle moksele tsuluakya machu wüi owang changle.

2 KORIN 8:23

Tita hanpakma, chix ku üitho ilaxle hünzom to fong ang ku füi tomle thothapa tuita changle; chix füi tomle nguingokya tüinao nyi a müimüithom mün ma hüikyabu ilaxle hwom mwot makhange Khrista hato fuazang apüikyabu changle.