2 KORIN 8:5 - OTSAO BAIBEL (BSI)

⁵ Ija a kwom monghomkya to nüile chang: Pongwang ma hwome ma tsün Zang ang koxle kop; ilaxle Zang mongtex makhange hwome ma alüile kwom chak to dan.

2 KORIN 8:5 ပူးပေါင်းရင်းမြစ်များ

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

2 KORIN 8:1

Khristan tüinaohom, Mesidonia angkya müimüithombu ma Zang chingchae mwot tsuakle ahodaokya bama kwome awanse tsule.

ROM NOK HATO ZAKYA POL LAIZA 6:13

Ichichangba, chichangchizang mwot to thap ang nang tsangtsa ojongkhachu taxdan. Itülüi, omang khatokya ozün hato apüidaokya khünakbu ningle, hünzom tsün Zang ang laxkox, ilaxle nang tsün komkaile otsao mwot ma twon ang dankox.

2 PUKAX-PANGAO 30:12

Wanghompa hia chix nguakax-wangkhobu kaxtom to le chix mongtex kax ma laxle chang angkya bama ma küntsu monglua to hwom pangwüi motomle chang angkya hanpakma Zang-e Judah ma mwot mokle tüikya.

1 PUKAX-PANGAO 12:18

Hwom kha angkya mixsün tuita, Amasai, owa ofüima “Hwom 30” thakma lompa ang achangpuix, chix to Zang Chasae twon ilaxle chix akhong, “Jesse sasün Dawid, kwom a nang hanpak changpu! Nang tamchu nang to asun-azule changkyabu ang tho-lünkya naxtüi! Zang a nangchi ma tüile.” Dawid-e hwom pongle kop ilaxle chix süpahibu khama alixachongbu ang achang.

1 SAMUEL 1:28

Ikhoma kue chix a Jowanpa ang atsaole koxpu. Chix ozün ma ngokya kople chix a Jowanpa kux ang ngoüi.” Ifüima hwome Jowanpa to ikhama shwom.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

2 PUKAX-PANGAO 30:8

Hwom lailaile mong taxtsak, ikoxle Jowanpa kax ma laxlax. Jowanpa, hünzom Zang-e othuithui hanpakma otsao ang zingle tüikya Jerusalem angkya Zangshwom-Hom to nguihüi, ilaxle chix ang otuechu hünzom füi küntsik-mongmakya chitüi angkya hanpakma chix to shwomle changhüi.

2 KORIN 4:5

Kwome apuk-apuakya kwom bama münchang; Jisu Khrista a Jowanpa changle, tamchu kwom a Khrista ma hünzom dabu changpu, le apukwüi.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

1 KORIN 1:1

Khrista wangshem ang Zang mongtex ma nyakle laxkya Pol, ilaxlechu kem tüinao Sosthen makhange: