2 KORIN 7:7 - OTSAO BAIBEL (BSI)

⁷ Kwom ang mong amüikya chix nguikya tatae chichang, ikoxlechu hünzome chix ang zong adünkya bama chix kaxho khomachu changle. Hünzome ku ngünse le thütkya, jangbahex le hünzom mongto texkya, ku khose ang hünzom atha anyem le tüikya, ibu chixe kwom hama wünle; ibu atatlaxle sisile ku ang mongmüipu.

2 KORIN 7:7 ပူးပေါင်းရင်းမြစ်များ

JUD LAIZA 1:3

Ku mongkün tüinaohom, kue hünzom hato kem tom khosün bama zasele tüle mongtsule ngopongma, mongong oja tamfangma owüiole otsaobu ang koxdao laxpuix, ija mongong hanpakma hünzome zongbakle azong angkya kue hünzom hato zongsaile za angkya laile.

2 KORIN 5:2

Ija tsangtsa tsün ma ngopongma, kem ang mongmüi chitüi ilaxle zoshunpu, chemthüikoxle keme zangkangting tokhange hüikya mama tsangtsa kem ma nyizün ningle awundaose le texpu.

2 JUHAN 1:4

Züizüi nang naosombu Hopa Kaxtom kax ma laxle ngokya ngünlaxle ku ang tüle mongmüipu.

JAKOP 5:17

Elija a kem lailaikya khünak tuita changkya. Chixe zang chiwat angkya bama shingmongle zangjop, üntoxle zanglao azom lyet azok mong ma chaxwannu to zang ojao chiwat.

IBRI 2:1

Ikhoma keme atatle hüidaokyabu otsingtsing to shingmongle künkop angkya changle, ikoxtix kem tswonle münpaoüi.

1 THESALONIKA 3:8

Jowanpa füikya notom ma hünzom tsün shingmongle jangngo thüikoxle, tüta ningkya sikngünchu kwome adu ang thoüi.

1 THESALONIKA 3:6

Athax a Timothi chatüna, ilaxle hünzom mongong hia mongkün bama müikya kaxho chixe kwom hato apüile. Kwom hanpakma hünzom tutex omüi tamchu kwome hünzom ngünse le sungkya kax chixe kwom hama wünle.

KOLOSI 2:5

Chemthüikoxle ku tsangtsa ma hünzom khato chitüi koxlechu chasa ma ku hünzom füi tüile, ilaxle Khrista tokya mongong ma hünzom shingmongle ajongkya ngünlaxle ku ang mongmüipu.

FILIPI 1:20

Zudaole ku mongtsukya hia monghomkya a kue ma mwottho ma otuechu thaile chichang angkya, itülüi thüikox, othuithuima, tamnüilechu ipongkhae, ku ozün ma wüi ngolax chichangba ziwüi-zilax, ku khüzün tsüne komle Khrista hato münchong achuakkya apüi angkya hanpakma ku a mongchyene awangle ngo angkya changle.

2 KORIN 8:16

Hünzom to fong ang kwom mongtsukya ningle Tita angchu mongtsu ang koxkya khoma kwome Zang ang münchong fapu.

2 KORIN 2:9

Hünzom thwontsing apongkya tukma chemle ajongpuix ilaxle kue adangle fakyabu kax ma lax ang achwonle tüilaxma hex le opaktik angkya hanpakma kue ija laiza fapu.

2 KORIN 1:14

izuma hünzome kwom bama komkaile awanle laxüile kue monghompu. Imatix hünzom bama kwom ma tüikya mongngam füi tomwüi hünzomchu kwom bama mongngam tüi ang tsuaküi.

ROM NOK HATO ZAKYA POL LAIZA 1:12

Ku woktex a, ku mongong tokhange hünzom to fong ilaxle hünzom mongong makhange ku to fongle tomwüi afong angkya hanpakma changle.

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

KAXHO MÜIKYA LUK 22:44

üntoxle chix zangmuk ti aji ningle jenle hax to düt.

MATHI 26:75

Ijama Pitar-e chix füi Jisu-e akaxkya: “Awün O haüi thoma wüi nange ku münawan le othom azom ma tsaoüi hexo”, le thüikya kax texle atak ilaxle chix laile paolaxle mong maxle sop.

MATHI 5:4

“Mongmale sopkyabu, mohiman; Zange hwom joxüi!

MÜNCHUAK-TSAI 141:5

Müikya khünakbue chingcha tokhange ku ang sikangün tamchu sa-male chang koxlax, ikoxlechu ochax khünakbue achuak-achenle changkya kue otuechu pongle münlax, chemthüikoxle hwome chichangchizangle mokkya ochax mwotbu hanpakma kue jento zangjople ngopu.

MÜNCHUAK-TSAI 51:1

O Zang, ku to chingcha hüi, tamchu chizakkya nang mongkün tokhange. Nang jaja chongkya makhange ku ochaxbu fwotle amüt hüi!

MÜNCHUAK-TSAI 38:18

Kue ku ochaxbu ngaipu; ibue ku mongkha künsum-mongtuie awang ang tom.

MÜNCHUAK-TSAI 30:5

Chix mongtsik a noxta wüi, chix müikya a tsünjangmasule. Zangnak ma mikfi jenle jukoxlax, ikoxlechu ngainop ningle mongmüi hüile.

1 KORIN 5:2

Hünzom ang mong mazya! Ikoxle hünzom ngam ang mix süt ang hi? Iningkya mwot owae mokdao laxpuix chix hünzom kha angkya atsaidao.

2 KORIN 1:4

Chixe kem sikngün pangnu to fongle hüi. Idaile, fongkya ija Zange kem ang fakya füi, kemechu mix, sikngün ma ngokyabu to fong ang tsuakle.

2 KORIN 7:6

Ikoxlechu Tita hüikya makhange, künmax mongshanle ngokyabu mong achenle fakya Zange kwom mong machu zong adünle fa.

2 KORIN 7:8

Ku laizae hünzom to tübit le akakdaoa le awanlaxle ku mongto jangba hex le texngole, ikoxlechu janba ma kakwüi le awanlaxle athaxpi kue ile müntex.