2 KORIN 7:4 - OTSAO BAIBEL (BSI)

⁴ Hünzom to ku mong ojao münao; hünzom hanpakma ku mong itukux ngampuix! Kwome apongle hüidao künu sikngüne, otuechu ku ang mong münahik; itülüi, othuithuima ku mongmüie awang laxle ngopu.

2 KORIN 7:4 ပူးပေါင်းရင်းမြစ်များ

2 KORIN 1:4

Chixe kem sikngün pangnu to fongle hüi. Idaile, fongkya ija Zange kem ang fakya füi, kemechu mix, sikngün ma ngokyabu to fong ang tsuakle.

2 KORIN 3:12

Ija monghom tüikya khoma, kwome mongchyen füi zangwünpu.

JAKOP 1:2

Kutüi kunaohom, otue hünzom lomtang ma thwontsing pangnu oli apongüihex, izuma hünzom shomüi mixbu changpu le texlax,

KOLOSI 1:24

Ilaxle hünzom hanpakma kue sikngün apongkya bama ku a mongmüipu, chemthüikoxle ku tsangtsa ma sikngün apongkya tokhange, chix tsangtsa thüikoxle müimüithom bama Khrista sikngün okho angui ang atale tüikya ashuk aza angkya to fongle hüile.

FILIPI 2:17

Ku khüzün aji a kue Zang ang tö koxle ngokya hünzom mongong to li angchu laxtüilax. Ile namchang thünchu ku zongma mongmüimüi wüi changpu ilaxle hünzom pangnusa füi ku mongmüi atom-ahanüi.

1 KORIN 1:4

Khrista makhange chixe hünzom ang koxdaokya chingcha khoma kue othuithuima ku Zang ang münchong fapu.

1 THESALONIKA 2:19

Kwom monghom, kwom mongmüi, ilaxle chix nguikya zuma Jowanpa Jisu Khrista thüntho ma kwome tholünkya bama kwom ngam angkya, ija a owa khoma: Ija a mama owa khomachu münchang, hünzom khoma tix changpu!

1 THESALONIKA 2:2

Kwom Thesalonika to hünzom hato nguiüi thoto Filipi ma kwom to chisumüile tamchu ahai le chemle hwondao laxpuix, ija hünzome awan ngopu. Ile kwom zan to kale mokkyabu tüihu koxlechu, chix makhange hüikya Kaxho Müikya hünzom hama wün ang kwom Zange kwom ang mongchyen fapu.

FILIPI 1:20

Zudaole ku mongtsukya hia monghomkya a kue ma mwottho ma otuechu thaile chichang angkya, itülüi thüikox, othuithuima, tamnüilechu ipongkhae, ku ozün ma wüi ngolax chichangba ziwüi-zilax, ku khüzün tsüne komle Khrista hato münchong achuakkya apüi angkya hanpakma ku a mongchyene awangle ngo angkya changle.

2 KORIN 11:21

Kue thüipu, Kwom a iningkyabu mok ang namazak le zale! Ikoxle lilita khoma owawae mongngam ang tsukya jangtüi; kue ongat ningle akaxpu, ikhoma ku mongchu ngamse tsule.

2 KORIN 8:24

Ibu hato hünzom mongkün aho laxkox. Hwom tsanle apaokya müimüithombue ija zing atatle laxüi, ilaxle ija a kwome hünzom bama achuak achenle lükya kaxkhi ang achangüi.

2 KORIN 2:14

Ikoxlechu Zang ang münchong naxtüi! Chemthüikoxle Khrista füikya notom ma Khrista ma tholünkya sungdün ngadongle lekya jenthom Zange othuithuima thothut. Khrista bama tsingwankya ongan müile pangnu khato apuk-apua kox angkya Zange kem twonle.

2 KORIN 1:14

izuma hünzome kwom bama komkaile awanle laxüile kue monghompu. Imatix hünzom bama kwom ma tüikya mongngam füi tomwüi hünzomchu kwom bama mongngam tüi ang tsuaküi.

ROM NOK HATO ZAKYA POL LAIZA 5:3

Ilaxle sikngün pongmachu kwom mongmüipu, chemthüikoxle sikngünkyae adu angkya olom sümüile awan ang tsuakpu;

WANGSHEMBU MWOT 5:41

Wangshembue nguawangbu tusox danle tox üntoxle Jisu hanpak ang hwomchu mixchak kople sikngün angkya asukya ang e-ma laxkoxle hwom ang tüle mongmüi.

2 KORIN 7:14

Kue chix hama hünzom achuak achenle wündaopu, ikhoma hünzome ku ang thünzak chiakop. Kwome othuithuima hünzom bama changkyakya wünpu, ilaxle kwome Tita bama achuak achenle wünkya otsing tomtata changpu le ahodaoa.

2 KORIN 10:8

Jowanpa Jisu Khrista-e ku ang, hünzom ama ang münchang ikoxle zingle amüi angkya hanpakma, hünzom to o angkya zong koxle tüile. Ija ku ang koxle thomkya zong bama ku hidaole onüisa tsaichong-kaxbongle tüidaobachu, ku azak azyen angkya oli müntüi.

FILIPI 1:14

Üntoxle ku kun to ngokya makhange Khrista ma tüi-hi-naohom süchong tukux ang Jowanpa hanpakma mongao ojao chitüikya mongong fale, ikhoma kaxho apukkya zuma hwom ang mong süchong süchongle chongle.

FILIPI 1:26

ikoxle tix otue ku tamchatle hünzom füi ngo ang ataküi hex, izuma Khrista füikya notom ma hünzom tsün ma ku bama mongngam angkya hünzom ang olom sülui le bangüi.

2 THESALONIKA 1:4

Ikhoma kwom jao Zang müimüithom khato hünzom bama tsaichong-kaxbongpu.

FILEMON 1:7

Ku mongkün tüinao, nang mongküne ku ang tüle mongmüi tamchu mongchyen fale. Nange Zang khünaknu kün-mong azünle zo ang tomdaoa.