2 KORIN 7:13 - OTSAO BAIBEL (BSI)

¹³ Ikhoma kwom ang zongdongpu. Kwom ang zong adünkya lan münchang; ikoxle chix mong amüi ang hünzome chix to fongkya olom bama Tita-e wünkya tokhange sisile kwom ang mongmüile.

2 KORIN 7:13 ပူးပေါင်းရင်းမြစ်များ

2 KORIN 7:6

Ikoxlechu Tita hüikya makhange, künmax mongshanle ngokyabu mong achenle fakya Zange kwom mong machu zong adünle fa.

1 KORIN 16:13

Mik-hing le ngolax, mongong ma shingmongle ngolax, mong chonglax, zong tüilax.

1 KORIN 12:26

Tuita sik jangngün thüikoxle omik ochak pangwüi sik tomwüi ngünüi; tuita achuak achenle jangchang thüichu pangnu ang tomwüi mongmüi.

ROM NOK HATO ZAKYA POL LAIZA 15:32

Zang mongtex jangchang thüiba, hünzom hato ku mongmüi atungle nguiüi, ilaxle hünzom waile nazak kop ang tsuaküi.

1 PITAR 3:8

Oshuk ang: Hünzom pangwüi mong tuita ma, chingcha jajakya tüi-hi-nao ningle künkak mongkün füi mong nonai tamchu künsom mongdang le changlax;

FILEMON 1:20

Idaile tüinao, chingchalaxle Jowanpa münma ija ku kax pongle shongkop fa, ilaxle Khrista ma tüinao tuita le ku ang mong shong amüifa!

2 TIMOTHI 1:16

Onesifora hwom homkha ang Zange chingcha naxaho, chemthüikoxle chixe obi thomthom ma hexle ku mong amüi daoa. Ku kun to tüikya bama chix chiazak,

FILIPI 2:28

Ikhoma hünzom hato chix akat angkya ku mong sisi tsule, ikoxletix chix ngün ang koplaxle hünzom ang mongmüiüi, ilaxle ku mongmachu maxünüi.

2 KORIN 7:15

Hünzom pange wüi chix wün müile pongle kopkya hia hünzome chixe adangle fakya hwon-nwot jaono kax ma lax ang achwonle tüikya texle atak laxle Tita mong ma hünzom to mongkünle texkya mong süzu süzule chong.

2 KORIN 2:13

Ikoxle kem tüinao Tita chibangkya khoma ku huanuma abanle mongmax. Ikhoma ikha tokya khünakbu ang ngodao-ole thüilaxle ku Mesidonia to pao.

2 KORIN 2:3

Kue hünzom waise chitsu laxle ija lai zapu, chemthüikoxle ipongkhae kue hünzom waikoxle ku ang mongma angkya ataküi. Ku mong amüise a hünzom changhupu ikoxle hünzom mong ama ang ku chemto nguiüi; chemthüikoxle ku mongmüi füi tomle hünzom pangnu ang wüi mongmüi angkya atsingsho.

ROM NOK HATO ZAKYA POL LAIZA 12:15

Mongmüi mixbu füi tomle mongmüikox, sopkyabu füi tomle sopkox.

1 KORIN 16:18

ilaxle hwome hünzom mong amüikya ningle ku angchu mong amüile. Iningkya khünakbu kaxma hünzome natha le apalax.

2 KORIN 7:14

Kue chix hama hünzom achuak achenle wündaopu, ikhoma hünzome ku ang thünzak chiakop. Kwome othuithuima hünzom bama changkyakya wünpu, ilaxle kwome Tita bama achuak achenle wünkya otsing tomtata changpu le ahodaoa.

FILEMON 1:7

Ku mongkün tüinao, nang mongküne ku ang tüle mongmüi tamchu mongchyen fale. Nange Zang khünaknu kün-mong azünle zo ang tomdaoa.