2 KORIN 7:11 - OTSAO BAIBEL (BSI)

¹¹ Ija hünzom mongma füi Zange chem mokpuix hulax; ijae hünzom ang otukux khünzai ang koxpuix, chitsing chiwan tomta le changpu le aho ang hünzom otukux tsupuix! Iningle mongto kakkya, na nwonkya, mong ma sungkyabu, mongkoxkya, changle mok ang tsukya, ibu mwotlom makhange hünzom thaikya müntüile ahole.

2 KORIN 7:11 ပူးပေါင်းရင်းမြစ်များ

ROM NOK HATO ZAKYA POL LAIZA 14:18

Üntoxle khünak opange ile Khrista mwottho thaüihex, hwome Zang mong amüi ang tsuaküi ilaxle khünakechu hwom mwot ang changkox a le thüiüi.

2 TIMOTHI 2:15

Chiazak le chix thothapa tuita ningle, Zang otsingtsing kaxho Müikya thaikya chitüi le anwot-anokya khünak tuita ningle, Zange sule le lax angkya hanpakma nange otsuaktsuak ma azongle moklax.

2 KORIN 7:7

Kwom ang mong amüikya chix nguikya tatae chichang, ikoxlechu hünzome chix ang zong adünkya bama chix kaxho khomachu changle. Hünzome ku ngünse le thütkya, jangbahex le hünzom mongto texkya, ku khose ang hünzom atha anyem le tüikya, ibu chixe kwom hama wünle; ibu atatlaxle sisile ku ang mongmüipu.

1 KORIN 5:13

Otsao Lai ma akaxkya ningle: “Chitsaokya khünak hünzom othom kha angkya apaodao.”

MÜNCHUAK-TSAI 2:11

Zakya füi Jowanpa thothalax; abünlax

MIKNGÜN-OHÜN 3:19

Kue akünkün pangto wüi kue sapu üntoxle sikangünpu. Idaile nang mongtsulax üntoxle ochaxbu tokya mong chatlax.

JUD LAIZA 1:23

wün khatokya bele alaile mix khosün kox; ilaxle zakya füi awonle mix ang chingcha ahokox, ikoxlechu hwom ochax mikzalokya füi lyetle ama daokya hwom nyiza thua anulax.

1 PITAR 2:2

Nampux tankya naosasom lailaile, hünzom khosün hato alople tsong angkya hanpakma tsaothakya chasa tsomti ma alankya tüilax.

1 PITAR 1:17

Khünaknu nok ang, mamwot mwot ma thütle, mapai mix chizün homle otya kaxfün fa angkya Zang ang zangjop pongma hünzome “Apa”, le nyaktüi; jangchang thüiba ija chaxwannu ma tsün ngotanto chix chathua zale ngokox.

IBRI 4:1

Athax a, chixe akaxdaokya ija nazak atak angkya kaxtsao Zange kem ang koxle tüile. Hünzom khama ija kaxtsao nazak chikople owawa naktüi le kem pangwüi likhün hax.

TITA 3:8

Ija kax a otsing tomtata changle. Ija bama nange onüi khünzule namwünbae le kue texpu, ikoxletix opange Zang to mongong laxpuix hwome müikya tamchu nok zongto wüi mwot ma hüikya müikya mwot mok ang hanpak fa angkya bama hwom mong ma kakle texüi.

FILIPI 2:12

Ikhoma ku mongkün zuikhuibu, ku hünzom füi tomle tüipongma hünzome ku kax ma laxle ngohomkya ningle, ku hünzom füi atsaile ngopongma sisile hünzome ku kax ma laxle ngokya sümüi. Hünzom khosün okho angui ang za-nga le ilaxle abün ngale omok-omok mokkox;

EFISIA 5:11

Zangnak kux, oja lap chemchu chitüi angkya khünakbue mokpuix, hünzom ibu füi ojao taxtom. Itülüi ibu zangngai to alaikox.

EFISIA 4:26

Nang ang mong jangtsik thüikoxle, ija nang mongtsike nang ochax to zun ang taxtom üntoxle han ahomle mongtsik ma taxngo.

2 KORIN 13:7

Wangshempa tuita ningle ku thaile ngoünkoxlechu naxchangkox; othuithuima ku zangjop a hünzome thaikya chimok angkya hanpakma changle. Hünzom hanpak to ku tutex a, ku mikngün zongto tholünkya ningle chichangle hünzome sukyakya naxmok le changa.

2 KORIN 9:2

Fongtsox angkya bama hünzom mongtsukya kue awanle, ilaxle Mesidonia nok hato kue hünzom achuak achenle wündaoa. Kue thüipu: “Akaia angkya tüinao thome müzang tokhange wüi fong ang achwonle tüikya.” Hünzom küntsu mongluae iningle mok ang hwom pangnu mong towüi pole zong adün.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

2 KORIN 6:4

Itülüi, sikngün tuitai ilaxle thangdangkya pangnu ma adukya tokhange, kwome mokkya oli pangnu lom ma kwom a Zang dabu changpu le ahopu.

2 KORIN 2:6

Ile chix to hünzom othome itukux zothupkya wüi nguidaoa.

1 KORIN 12:25

chem mwot to münthappu le tüikya omik ochak tuita to süchongle apu-achang angkya lima Zange tsangtsa athut apongle zingkya changle.

1 KORIN 5:2

Hünzom ang mong mazya! Ikoxle hünzom ngam ang mix süt ang hi? Iningkya mwot owae mokdao laxpuix chix hünzom kha angkya atsaidao.

ROM NOK HATO ZAKYA POL LAIZA 11:20

Ija changtomtapu. Hwome chiongkya khoma hwom pakle awütpu, hünzome mongongkya khoma hünzom oting ma sütle ngopu. Ikoxlechu ija bama bong-chong le taxtex; itülüi zale mix zalax.

WANGSHEMBU MWOT 17:16

Sila hia Timothi nyi tanle Pol Athen ma ngopongma ija tingsho chapabue awangle ngünlaxle chix mongto tüle kak.

JUHAN 2:17

Chix wangshembue ile zale thomkya Otsao Laikax texle atak: “Nang Hom hanpakma sungkyae ku mong wün ningle achuale.”

MARK 3:5

Üntoxle chixe hwom mongkhüikya khoma mongma laxle mongtsik füi hwom to akhople hu, üntoxle chixe ija mixsün ang thüi: “Nange chak tinkox.” Ija mixsüne chix chak tin. Ijama chix chak owüiole müi.

DANEL 6:14

Chemtue wanghompa-e ija kax atatpuix, chix ang tüle mongma ilaxle tsuakkya tukuxle Danel khose angkya olom lom. Chixe olom atak angchale lomle han ahomle tan.

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

ISAIA 26:8

Kwome nang mongtex man topu ilaxle nang ma kwom monghom thompu; kwome sung-zaokya pangnu a nangtix changle.

TSAITAX-NGAONÜI 8:6

Ku mongkün zongto wüi chichangba mama zongto nang mongka hakdao; Ku boboma nang ahuijak füi owa to chu taxkün. Mongkün a zikmüt-mangkho büta janzüi füikya changle; zao-hi-sungkya zikmüt-mangkho füi tomwüile tsak-zongle tüipu. Ija ma wünnu dong lüjao wünchua laile ilaxle tsanwün lailaile zokle ashunle.

WANWÜNKAX 28:14

Othuithuima Jowanpa kax ma laxlax ikoxle nang mongmüile ngoüi. Ikoxle nang a nakhwop chikexkya mix jangchang, nange thama apongüi.

WANWÜNKAX 14:16

Jetüi-hwonlangkya khünakbu a sikngün füi atsaile ngo angkya bama mik-hingle, ikoxle ongatbu a chem aju-ajangkya chitüile thüile mokle awütle.

MÜNCHUAK-TSAI 145:19

Chix achuak-achenle changkyabu hanpakma laxlili bakle chixe koxle; chixe hwom sopkya zing atatle ilaxle chixe hwom sünle kople.

MÜNCHUAK-TSAI 130:6

Kue Jowanpa tanle nui nyetmixbue huazung zangngai sungkya: hwome sedün-zangngai sungkya füi ngaxchu sütsexle.

MÜNCHUAK-TSAI 119:139

Ku zanpabue nang kaxtombu chixe-chisele tüikya ngünlaxle ku mongtsik kuma wün lailaile chuale tüile.

MÜNCHUAK-TSAI 69:9

Nang Zangshwom-Hom to mongkoxkyae ku to wün füi zokpupule zokle; nang ajao-ahaile akaxkya kaxbu ku khangkho ma dütle.

MÜNCHUAK-TSAI 42:1

Müikhi tuitae shuasa bang to sim sungkya ningle, kue nang sungpu, O Zang.

MÜNCHUAK-TSAI 38:9

O Jowanpa, kue chem sungpuix ija nange awan ngopu; ku wotle akhongkya nange pangnu atatpu.

MÜNCHUAK-TSAI 35:13

Ikoxlechu chemtue hwom kakpuix, kue mangsop nyiwun lax; Kue süt chisax ti chiling; Kue khang akhuxlaxle

NEHEMIA 13:25

Kue ibu khünak to sapu, hwom hato thuakzom hüi angkya akaxpu, hwom to fitpu, ilaxle hwom tüntongbu wüile awütpu. Ifüima kue hwom ang, hwome tamchu hwom su-sa hwome chuwüi, ibobo ma mixnok shekobu füi atu-amaile münchangpu-ole tsaotsüt ang tompu.

2 KORIN 7:9

Ikoxlechu athax ku mongmüipu; kue hünzom mongma ang koxkya khoma münchang, ikoxle hünzome mongmakya tokhange hünzom zanglom saikha lüikya khoma changle. Ija mongma a Zange twon idaile kwome hünzom to okak münkox,

JOB LAIPEX 42:6

Ikhoma kue akax daokyabu bama ku tüle azak maxle ilaxle haxbu khato wotle mong alüixpu.

ROM NOK HATO ZAKYA POL LAIZA 3:5

Ikoxle keme thaile mokkyae Zange ojao chithaile mokkya khünaknue atsingsho le ngün ang jang ahoba keme chemle thüiüi? Kem ang sikngün fapong ma Zang ang thaile mokle le thüiüi hia? (Kue khünak zangwün ma wünpu).

1 THESALONIKA 4:6

Ija olom ma khünak owaechu ma üitho khristan füi thaile chimoküi chichangba dyen-nganle chichangüi. Kwome ija hünzom hama thotochu akaxdaoa, athaxchu kaxkhün koxle akaxpu, iningle mokkya khünak to Jowanpa-e sikngün faüi.

1 TIMOTHI 5:20

Ochax lyenkyabu pangnu to tu ma sakox, ikoxle mamabuchu wüi zaüi.

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.