2 KORIN 7:10 - OTSAO BAIBEL (BSI)

¹⁰ chemthüikoxle oja mongma Zange twonpuix, ijae khosün hato zun angkya monglüi apüile, ikhoma ija ma mongto aduakkya müntüi! Ikoxle khünak zangjang mongma lanlan jangchang thüiningle ija ma zikmüt mangkho tüile.

2 KORIN 7:10 ပူးပေါင်းရင်းမြစ်များ

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

WANGSHEMBU MWOT 11:18

Otue hwome ija kax atatpuix, hwome ajao ahai ngokya zak ilaxle Zang achuakle thüi: “Jangchangba Zange mixnokbu angchu monglüi le azang angkya osho apüi fadaoa!”

2 SAMUEL 12:13

Dawid-e thüi: “Kue Jowanpa zongto ochax lyendaoa.” Nathan-e lan: “Jowanpae nang to thailak tüidaoa; nang a münzipu.

KAXHO MÜIKYA LUK 18:13

“Ikoxle süisai mix ochu to ajong üntoxle chixe dingchi to thün aho ang chitsu, ikhoma chixe ma khaxtok ma chietle thüi: ‘O Zang ku a ochax khünak tuita changle, ku to chingcha hüi!’

KAXHO MÜIKYA LUK 15:10

Kue hünzom ang thüipu, ilailaile ochax khünak tuita mong chatkya ma zangkang kaxtaimixbu mong huanuma müiüi.”

JONA 3:10

Hwome chem mokpuix ija Zang-e ngünle lax; hwome chichangchizangle tüikya hwom zanglombu dantoxkya Zang-e ngün. Zang-e chix mong alüix ilaxle chixe chem moküihex-ole akax daopuix, ija chimok.

IBRI 12:17

Hünzome awan, ofüima chixe hopa mohiman laxsele tsu; ikoxlechu chixe ija pongle chilax, chemthüikoxle mikfi tunji le chixe ija lomkoxchu, chixe chem mokdao laxpuix, ija alüix angkya olom chiatak.

WANWÜNKAX 17:22

Mongmüile ngokyae nang tsangtsa fanmüile thomüi. Othuithuima mongsik-ngünlanle ngokya a zaze-zazele zi ang tomkya changpu.

JONA 4:9

Ikoxlechu Zang-e chix ang thüi: “Ija pün bama nang ang mongtsik angkya nange sukya mwot chem mokdaopu?” Jona-e lan: “Ku ang mongtsik angkya olom tüile: zikya kople mongtsik angkya a!”

1 SAMUEL 30:6

Dawid hato müimamakya mongthang hüi chemthüikoxle chix khünakbu hwom sa-nu hwom bakle amütkya khoma Dawid füi mongtsik mongmale chang. Hwome chix to long füi thup ang aza-ana; ikoxlechu Jowanpa chix Zang-e chix ang chachen-mongchen kox.

2 KORIN 12:21

Ku hünzom hato nguikya zuma, ami pongma changdaokya ningle nakchang; Zange ku ang hünzom khoma zak nak-akople zamaxündai. Amipongma mokle ngokya ochaxbu otya ma mokle ngokyabu opange chinunchakkai; chakzong-kwonte tamchu ma ma thünzak chitüi le mokkyabu danle chitox homtoxle tüilaxpuix, hwom hanpakma ku mikfi ajen angkya to ku zamaxündai.

MATHI 26:75

Ijama Pitar-e chix füi Jisu-e akaxkya: “Awün O haüi thoma wüi nange ku münawan le othom azom ma tsaoüi hexo”, le thüikya kax texle atak ilaxle chix laile paolaxle mong maxle sop.

JONA 3:8

Khünak noknusae tamchu müi pangnusae nyikhwon awun angkya changle. Khünak pangnusae wüi mongkoxle zangjop angkya changle ilaxle hwom zanglom chimüikya hia thaikya mwot pangwüi dantox angkya oli changle.

EZEKEL 7:16

Haxsha tokya osubu abütle paokya ningle züizüi a haxhua to paole azangüi. Hwom pangwüi hwom ochaxbu khoma mongmaxle changüi.

JEREMIA 31:9

Ku khünaknu a mikfi-tunjile nguiüi, kue hwom zunle changpongma zangjopngale nguiüi. Kue hwom a ti jenle tüikya shuasa hato apüiüi, hwom chikho sua angkya chitüikya lom fünmüi to a. Ku a Israel nok zongto tuita hopa ningle, ilaxle Efraim a ku sasün tüichongsa ningle.”

WANWÜNKAX 18:14

Nang kak-lakle changpongma ozün ma ngose tsukya nang mongjange nang zaksyetle thom ang tomkoxlax, ikoxle nange ija amütle jangchang, nang oshuk monghom maxkya ang changpu.

WANWÜNKAX 15:15

Mixshix-zasa khüzün tuita a tamchu chizakle azankya zanhok changpu, ikoxlechu mongmüi khünakbu ang ma tsün füi mongmüikya tüile.

WANWÜNKAX 15:13

Mongmüi pongma khünakbu nyile, ikoxle chemtue hwom mongmale changpuix, hwom ang mongthangle.

1 WANGHOMBU 21:4

Naboth-e chix kax to lankya kaxlan khoma mongtsik, ikhoma mongmale Ahap a hom to chat. Chixe katuk chito thüne hule ile lyading ma süt chisaxle jiple ngo.

2 SAMUEL 17:23

Chemtue Ahithofel-e chix zünkax-saikax chilaxkya ngün ang koppuix, chix a ma mantsak kho ma nga ilaxle chix tinglong to chatle pao. Chix hom-hax hia süt-mwot pangwüi khuakhomle toxlaxle chix a alüile fünle zi. Chix a hwom homkha zukting ma akhün.

2 SAMUEL 13:4

Jonadab-e Amnon ang thüi: “Nang a wanghom sasün tuita, ikoxle nyixfokya to mongmalanle ngole ngünle. Chemtsai-chemkax tüipu?” Chixe lan: “Kue ku tuita-naopa Absalom honao naocha Tamar to tüle mongzalole.”

PONGWANG LAIPEX 30:1

Ikoxle Rachel-e Jakop ang naosa tuita ngaxchu pux-paile chichang, ilaxle she-e hona to khax-khu laxle Jakop ang thüi: “Ku ang naosom atüihüi, ile chichangba ku ziüi.”

MÜNCHUAK-TSAI 38:18

Kue ku ochaxbu ngaipu; ibue ku mongkha künsum-mongtuie awang ang tom.

HWON-NWOT-JAONO 7:3

Nyikya füi mongma wüi tüichong changle; ijae nang thünza shix ang tomkoxlax, ikoxlechu ija nang tutex anax ang tomle.

2 KORIN 7:9

Ikoxlechu athax ku mongmüipu; kue hünzom mongma ang koxkya khoma münchang, ikoxle hünzome mongmakya tokhange hünzom zanglom saikha lüikya khoma changle. Ija mongma a Zange twon idaile kwome hünzom to okak münkox,