2 KORIN 6:7 - OTSAO BAIBEL (BSI)

⁷ Otsingtsing tsakzong hia Zang Kaxho makhange tsuak ang tompu. Ma khosün angkya chang hia pax ang kwom ang Zang Otsao tüipu.

2 KORIN 6:7 ပူးပေါင်းရင်းမြစ်များ

2 KORIN 4:2

Zakkop hia huxsa mwot komle kwome tokna to toxdaoa; kwome a mix dyen-nganle münmok, chichangba kwome Zang kax chichangkya ang münachang. Zang miksho ma kwome otsingtsing kaxho ngaitho le apukpu, ilaxle pangnusae wüi kwom to sule le naxhu le texpu.

2 TIMOTHI 2:15

Chiazak le chix thothapa tuita ningle, Zang otsingtsing kaxho Müikya thaikya chitüi le anwot-anokya khünak tuita ningle, Zange sule le lax angkya hanpakma nange otsuaktsuak ma azongle moklax.

JAKOP 1:18

Chix chakzing pangnu khama kem ang pongwang lükya chifün tüi angkya kuxma, chixe kem, otsingtsing kax füi chix mongtex makhange kem ozün ang achangle dan.

2 TIMOTHI 4:7

Zik ma otsuaktsuak ma azongle hüidaoa, oshuk to nguile ku zikdaoa, ilaxle kue mongong thomle hüidaoa.

1 THESALONIKA 5:8

Ikoxle kem a anyixning kux, üntoxle kem a tok-ngakya füi atsaile ngoüi. Mongong hia mongkün keme tata khaxtok khwop jan ang apong angkya changle, ilaxle khosün bama kem monghom khohom tuita ang lax angkya changle.

EFISIA 3:20

Chix owae kem ang zong mwot makhange keme ju-lomkya chichangba ajang apangkya thak to moktsuak angkya tüipuix,

2 KORIN 13:4

Chix pünsak ma takle lang pongma zong shole maxkya otsing tomta changle. Ikoxlechu athax a Zang tsakzong makhange Khrista a ozün ma tüile. Kwom chuwüi chix füikya notom ma, shonai le tüile. Ikoxlechu otue kwom Korin to ngui ilaxle hünzom füi asax-amok, izuma ozün ma tüikya Khrista füi tomle kwom asoxüi ilaxle iningle kwom ma mok angkya Zang tsakzong tüiüi.

EFISIA 1:13

Üntoxle hünzom chuwüi, hünzom hato khosün apüikya Kaxho Müikya bama otsingtsing kaxho otue atatpuix, hünzom chuwüi Zang khünaknu ang achangpu. Hünzome Khrista to ong, üntoxle chixe faüi hexo le tsaokya Otsao Chasa koxlaxle Zange hopupa münwan chix shin tople.

2 KORIN 7:14

Kue chix hama hünzom achuak achenle wündaopu, ikhoma hünzome ku ang thünzak chiakop. Kwome othuithuima hünzom bama changkyakya wünpu, ilaxle kwome Tita bama achuak achenle wünkya otsing tomtata changpu le ahodaoa.

MÜNCHUAK-TSAI 119:43

Othuithuima ku ang otsingtsing kax akaxtsuak ang tomhüi, chemthüikoxle ku monghom a nang kaxfünbu ma tüile.

IBRI 2:4

Tamchu jojüikya ohünotün mokle ahokya üntoxle chix küntsu monglua ma hwom ang chasa hinghobu ahanle koxkya, ibu makhange Zange hwom ma tüikya ibu to bole chix kaxkhi fale.

KOLOSI 1:5

Otue hünzome Kaxho Müikya bama otsingtsing kaxho pongwang ma atat laxpuix, hünzome ijae fakya monghombu bama atatpu. Idaile hünzom hanpakmale oja monghom zangkangting to sünle thomlaxpuix, ija hünzom monghom a hünzom mongong ilaxle mongkün chifün changle.

EFISIA 4:21

Hünzome chix bama atat jaojao daoa, ilaxle chix mantokyabu ningle Khrista ma tüikya otsingtsing hünzom hama anwot-ano daoa.

1 KORIN 1:24

ikoxlechu Zange opang nyakle kopdao laxpuix, Jehudi hia mixnok pangnu wüi, hwom zongto ija kaxho a, owa Zang tsakzong hia je-hwon hex, ija Khrista changpu.

WANGSHEMBU MWOT 11:21

Jowanpa tsakzong hwom füi tüikya, ilaxle khünakbue mongong laxle Jowanpa füito azui.

MARK 16:20

Wangshembue pangnu khato pao ilaxle hwon-ano; ilaxle Jowanpa-e hwom füi tomle mwotmok; ile otsingtsing chix changpule münwan füi kaxkhi alai le, hwom makhange ohünotünbu mwot mok ang tom.

ISAIA 59:17

Sukya kaxfün a chixe khyep-di ningle awunüi ilaxle khosün angkya tsak-zong a khohom ningle sünüi. Jali sukya olom ma apüi angkya ilaxle othai lom to khünaknu ang sikangün angkya mongtsukya janzüi a chixe nyiwun tuita ningle laxüi.

ISAIA 11:5

Chixe chix khünaknu to sukya kaxfün fakya hia müikya mün tüikya füi apünüi.

WANWÜNKAX 3:16

Je-hwone nang ang tsünlwot fale, ifüi tomle tuina hia achuak-achenkya chuwüi fale.

LAIPAO 14:22

Israel khünakbu tinu atatle ija haxkozan makhange le. Hwom tale lepongma tinu a pangnyi chima katuk lailaile tüikya.

2 KORIN 2:17

Kem a, shiksheple thahangkya khünakbu lailaile küzi-küza le Zang kax apukle ahamkya züitabu ningle chichang; ikoxle Zange kwom tsankya khoma, tuita Khrista da ningle, chix miksho ma kwome mongkoxle akaxpu.