2 KORIN 6:4 - OTSAO BAIBEL (BSI)

⁴ Itülüi, sikngün tuitai ilaxle thangdangkya pangnu ma adukya tokhange, kwome mokkya oli pangnu lom ma kwom a Zang dabu changpu le ahopu.

2 KORIN 6:4 ပူးပေါင်းရင်းမြစ်များ

2 KORIN 12:10

Idaile Khrista khoma sikngün angkya to ku mongmüipu. Naxsho naxnailax chichangba naxajao naxahailax chichangba laxli ma khütlechu naxchitüi lax; zothuple hia sikangün lechu naxchangkox; chemthüikoxle otue kue ma tsakzong komle amütüihex, izuma Khrista tsakzong kuma tüiüi.

2 KORIN 4:8

Othuithuima kwom zothup, ikoxlechu kwom akhixle chipao; tampong khosam, ikoxlechu mong chimax;

2 KORIN 11:27

Mwotmok angkya hia fuxtsüi huanuma apongle hüi; obi thomthom ma hexle ku chijip homle le; woknuak tilane ku tüle-tüle jemax hwonsam; süt, zui angkya nui hia nyiza chilax homtoxle ku obi thomthom ma hexle ngole hüi.

2 KORIN 12:12

Adukya füi kue ku mwottho mokle ngopongma, ku makhange Zange ohünotün mwotbu hünzom khato mokle hüidaoa. Ohünotün mwot ibu tokhange ku wangshem tuita changle le kaxkhi fale.

2 KORIN 3:6

Zale thomkya wanlom ma chichang le chasa ma hozün tsaotsüt thotha ang tsuakle kwom achangle fakya a chix changle. Zale thomkya wanlome zik apüile, ikoxle chasae khüzün koxle.

1 KORIN 3:5

Jangchang thüiba, Apolo a owa? Üntoxle Pol a owa? Kwom nang, hünzom mongong hato zunle ahüi angkya hanpakma ngokya Zang da muakyabu changwüi. Kwom pangnusasae wüi Zange ma ang akoxkox mwot mokwüi.

JOEL 2:17

Tötsap hia Zangshwom-Hom nyi bama Jowanpa thothale ngokya nguapabue, “Jowanpa, nang khünaknu to chingchahüi. ‘Hünzom Zang oja?’ le adix-adakya kax füi mixnokbue kwom thajao ang taxtom” le hwome sople zangjop angkya wüi changpu.

MIKNGÜN-OHÜN 3:10

Chemthüikoxle adu ang hünzome ku kaxtom otya ma thom, kuechu wüi chaxwannu angkya khunaknu pangnu hato chaxwannu ma hüiüi tüikya thwontsing sikngün chak tokya nang sünle thomüi.

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

1 KORIN 4:1

Zang huxsa otsao to hume ang kamkya Khrista dabu changpu le hünzome kwom bama ajang angkya changle.

IBRI 12:1

Kem hanpak ang kaxkhi kox angkyabu kem akhople ija chongkya othom tüile. Ikhoma kem lom tsyenkya pangnu li tamchu kem to mongle kün thomkya ochax füi atsaihax, üntoxle kem thüntho ma tüikya zikkya khato monge texkya füi zik-hax.

2 TIMOTHI 4:5

Ikoxlechu nange tütue hex ma akumathum le thom angkya wüi changle; sikngün adukox, Kaxho Müikya apuk-apuakya mwot mokkox, ilaxle Zang da tuita ningle nang mwot pangwüi to thotha le tüikox.

2 TIMOTHI 2:24

Jowanpa da otuechu chiaheüi. Chix nok zongto wüi chingcha füi, tamchu müikya hia adukya füi tüi angkya oli changle.

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

1 TIMOTHI 6:11

Ikoxlechu, nang Zang khünake, ibu lom pangnu tsyakle toxdao. Chasa Otsao, Zang womle tüikya, mongong, mongkün, thuakjokkya, ilaxle somdangkya, tamchu ibu hanpakma azong amongkya tüikox.

1 TIMOTHI 4:6

Nang kaxbu ilaxle nange man tole hüidaokya otsingtsing hwon-nwot füi chasa ma nang tuxle ngopongma, tüinaohom hato nange ibu adangle jangfaba, nang a tuita Jisu Khrista da müikya mix ang changüi.

1 TIMOTHI 2:15

Ikoxlechu she puinaile mongong hia mongkün ma tamchu otsao ma ngole jangchang thüikoxle, naosom puxpaikya makhange she sünüi.

1 THESALONIKA 5:14

Tüinaohom, hünzome chem mwot chimokle ngokyabu ang kaxkhün laxkox, mongchyen chitüikyabu ang mongchyen laxkox, shonaikyabu to asunkox, pangnu füi thuakjokkya tüikox.

1 THESALONIKA 3:7

Kwom sikngün zothup khato, tüinaohom, hünzom kaxho atatlaxle kwom ang mongchongle. Kwom mongchong ang fakya a hünzom mongong changle.

KOLOSI 1:24

Ilaxle hünzom hanpakma kue sikngün apongkya bama ku a mongmüipu, chemthüikoxle ku tsangtsa ma sikngün apongkya tokhange, chix tsangtsa thüikoxle müimüithom bama Khrista sikngün okho angui ang atale tüikya ashuk aza angkya to fongle hüile.

KOLOSI 1:11

Hünzome pangnu li to thuakjokle adu tho angkya hanpakma, chix fuazang zong makhange hüikya zong pangnu füi hünzom tsakzong le naxchang.

2 KORIN 11:23

Hwom Khrista dabu changpuix nyi? Kue ongat ningle akaxpu: ikoxle ku wüi hwom füi sümüikya da tuita changpu! Hwom füi süchongle kue wüi mokdaoa, ku kun to obi thomthom ma hexle ngodaoa, zu füi ku towüi süchongle fitdaoa ilaxle obi thomthom ma hexle bazizio le azangkya changpu.

2 KORIN 11:9

Ku hünzom füi ngotanto, ngun laxsele thangkhüt pongma kue hünzom to poxbwom le chichang; kue laxsese komle Mesidonia tokhange nguikya tüinao hwome ku hato apüi toxpu. Ami ledaokya ziamachu ilaxle athax mahüikya ziamachu, ku hünzom hanpakma hünlix tuita ang münachangüi!

2 KORIN 7:11

Ija hünzom mongma füi Zange chem mokpuix hulax; ijae hünzom ang otukux khünzai ang koxpuix, chitsing chiwan tomta le changpu le aho ang hünzom otukux tsupuix! Iningle mongto kakkya, na nwonkya, mong ma sungkyabu, mongkoxkya, changle mok ang tsukya, ibu mwotlom makhange hünzom thaikya müntüile ahole.

2 KORIN 4:17

Üntoxle ija onox ma kwome apongkya sikngüne, ija sikngün to nüile, kwom hato apyen ang jao chitsuakkya, chibak toxkya fuazang apüi angkya changle.

2 KORIN 4:2

Zakkop hia huxsa mwot komle kwome tokna to toxdaoa; kwome a mix dyen-nganle münmok, chichangba kwome Zang kax chichangkya ang münachang. Zang miksho ma kwome otsingtsing kaxho ngaitho le apukpu, ilaxle pangnusae wüi kwom to sule le naxhu le texpu.

1 KORIN 9:11

Kwome hünzom khama chasa ma oli tsaokya saidaopu. Ikoxle kwome müi-hi-aji lap jangzüt thüikoxle ija a olom ma münchang.

ROM NOK HATO ZAKYA POL LAIZA 16:10

Khrista hanpakma sikngün thwonlop daokya mix, Apolo ang salam. Aritobula homkha pangnu ang salam.

ROM NOK HATO ZAKYA POL LAIZA 14:18

Üntoxle khünak opange ile Khrista mwottho thaüihex, hwome Zang mong amüi ang tsuaküi ilaxle khünakechu hwom mwot ang changkox a le thüiüi.

ROM NOK HATO ZAKYA POL LAIZA 5:8

Ikoxle kem to itukux künle lükya Zang mongkün chixe kem hama ahodao; ija a kem ochax ma wüi ngotanto Khrista kem hanpakma zikya changle.

WANGSHEMBU MWOT 20:34

Ku hanpakmachu üntoxle ku füikya üithobu hanpakmachu wüi tütalichu kue ija ku chak füitix wüi moklaxle okhongui le lax-twonkya hünzome awan ngopu.

WANGSHEMBU MWOT 9:16

Üntoxle ku mün awan ang kox angkya bama chixe sikngün apong angkya pangnu kue chix hama wünle koxüi.”

WANGSHEMBU MWOT 2:22

“Israel khünaknu, kax ibu to apahüi! Zange Nazareth nok Jisu makhange mokle ahokya ohünotün hia khomtsikya mwotbu ilaxle mowanbu tokhange chix a Zange kamle kopkya mix tuita changkya le hünzom hato ahodaoa; hünzom malailaie ija awanle chemthüikoxle ibu a hünzom thüntho ma noke ngünle mokle hüikyabu changle.

KAXHO MÜIKYA LUK 21:19

Shingmongle ajonglax, ikoxle hünzome makho alüile azün ang thoüi.

JOEL 1:9

Athax Zangshwom-Hom ma kox angkya saxziak chichangba grep ziak chemchu chitüi; Jowanpa ang tö kox angkya chemchu chitüikya khoma nguapabu mongma.

ISAIA 61:6

Ilaxle hünzom a Jowanpa nguapabu le awan ang kopüi, Kem Zang dapabu a. Hünzome chaxwannu nok tuina lax ang kopüi Ilaxle ibu a hünzom kux changpule angasomkya tüiüi.

2 KORIN 2:17

Kem a, shiksheple thahangkya khünakbu lailaile küzi-küza le Zang kax apukle ahamkya züitabu ningle chichang; ikoxle Zange kwom tsankya khoma, tuita Khrista da ningle, chix miksho ma kwome mongkoxle akaxpu.

JUHAN 16:33

Ku füikya notom ma hünzome mongsom kop angkya kuxma, kue ibu hünzom füi akax ngopu; chaxwannue hünzom to sikngün zolit ang tomüi, ikoxlechu mong chonglax; chemthüikoxle kue chaxwannu to anao daoa!”

ROM NOK HATO ZAKYA POL LAIZA 3:5

Ikoxle keme thaile mokkyae Zange ojao chithaile mokkya khünaknue atsingsho le ngün ang jang ahoba keme chemle thüiüi? Kem ang sikngün fapong ma Zang ang thaile mokle le thüiüi hia? (Kue khünak zangwün ma wünpu).