2 KORIN 6:16 - OTSAO BAIBEL (BSI)

¹⁶ Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

2 KORIN 6:16 ပူးပေါင်းရင်းမြစ်များ

MIKNGÜN-OHÜN 21:3

Chongwang tüntong makhange akhongle akaxkya kaxzing tuita kue ile atat, “Zang hom a athaxpi, khünaknüsa füi tüiüna! Chix hwom füi tomle ngoüi; hwom chix khünaknu ang achangüi. Zang jaojao hwom füi tüiüi; chix a hwom Zang ang changüi.

LAIPAO 29:45

Ku Israel khünaknu füi tomle ngoüi, ilaxle ku hwom Zang ang ngoüi.

IBRI 8:10

Athax ija hanpak hüikya zuma, Kue Israel khünakbu füi mok angkya Tsaotsüt tuita changle; Kue ku wanlombu, hwom mong ma shole faüi; ibu hwom kün mong ma zale faüi, Ku a hwom Zang ang; hwom a ku khünaknu ang changüi.

LIWI 26:12

Ku a hünzom füi ngoüi; ku a hünzom Zang changüi ilaxle hünzom a ku khünaknu ang changüi.

JEREMIA 32:38

Ifüima hwom a ku khünaknu ilaxle ku a hwom Zangle ngo angkya changle.

EZEKEL 11:20

Ifüima hwome ku wanlombu thomüi ilaxle ku kaxtombu kax ma laxle tüiüi. Hwom a ku khünakbu ang changüi, ilaxle ku a hwom Zang ang changüi.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

JEREMIA 24:7

Kue hwom ang ku a Jowanpa changpule awanse tsukya mongtsukya azaile koxüi. Ifüima hwom a ku khünaknu ang changüi, ilaxle ku a hwom Zang ang changüi, chemthüikoxle hwom a ku hato mongpak-fünthole chat angkya changle.

1 KORIN 6:19

Nange tsangtsa a, nange Zang tokhange kopkya, nang mong ma tüikya Otsao Chasa zangshwom-hom changpu le nange münawan hexnyi? Nang a nang kux münchang;

HOSIA 2:23

Ija haxtok ma kue ku khünakbu zingle alaiüi ilaxle hwom ahak-aluale chang ang tomüi. “Mongkün Chikopkyabu”, le wünkya pangnusa hato kue mongkün ahoüi. “Ku khünaknu Münchang”, le awüt thomkyabu hatochu ku mongkün tüiüi. Kue thüiüi: “Hünzom a ku khünaknu changle”, ilaxle hwome lanüi: “Nang a kwom Zang changle.”

ROM NOK HATO ZAKYA POL LAIZA 8:11

Zang Chasa, owae Jisu chatle azang ang koxpuix, chix nang ma jangngo thüikoxle, chix Chasa nang ma ngo ang koxkya tokhange, owae zidaokya Khrista chatle azünpuix, chixe ziün angkya nang tsangtsa angchu tsün khüzün koxüi.

MIKNGÜN-OHÜN 21:7

Owae tholün tsuakpuix, chixe ku angkya ija kopüi: Ku a chix Zang changüi üntoxle chix a ku susa ang changüi.

1 JUHAN 4:15

Owawae Jisu a Zang Hosa changpu le jangngai thüiba, notom ma chix Zang füi tamchu Zang chix füi le ngole.

ZEKARIA 8:8

Jerusalem ma ngo angkya hanpakma kue hwom handün hannop tokya chatle apüi angkya changle. Hwom a ku khünaknu ang ilaxle ku a hwom Zang ang ngoüi. Kue hwom thakma mongong-chalom hia sukya kaxfün füi apün-awangle changüi.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

EFISIA 3:17

üntoxle mongong makhange Khrista-e nang mongtsang ma chix ang nui zing angkya hanpakma kue zangjoppu.

EZEKEL 36:28

Ifüima hünzom a kue hünzom putong hwom ang koxkya haxtok ma ngoüi. Hünzom a ku khünak ang changüi ilaxle ku a hünzom Zang ang ngoüi.

JUHAN 6:56

Owae ku müi sax tamchu ku aji lingüi hex, chix ku ma ngoüi ilaxle ku chix ma ngoüi.

IBRI 3:6

Ikoxle Hosa ningle Khrista a Zang hom ma Opupa changle. Keme monghomkya ma kem mongchyen tamchu mongong jangthom thüiba kem a chix zong to hom tuita changpu.

1 PITAR 2:5

Ozün ma tüikya longbu ningle hünzom chix hato hüilaxle, Jisu Khrista makhange Zange pongle koptsuakkya lima chasa tö koxkya khato otsao nguapabu ang achang ang tamchu chasa zangshwom-hom zing angkya to hünzom twon ang laxkox.

2 TIMOTHI 1:14

Otsao Chasa owa kem ma ngopuix, chix tsakzong makhange, nang ang fale tüikya amüikya oli chiamütle thomlax.

1 JUHAN 4:12

Owaechu Zang tümangün tox, ikoxlechu keme tata to mongkünle jangtuiba, notom ma Zang kem füi tüile, ilaxle kem ma chix mongkün ma okhongui ang tomle.

ROM NOK HATO ZAKYA POL LAIZA 9:26

‘Hünzom a ku khünaknu münchang’ le kue hwom füi akaxkya kax khama wüi; kue hwom ang Khüzün Zang susabu le nyaküi.”

EZEKEL 43:9

Athaxpi hwom ang ibu hwom chapabu hia hwom wanghom hwom mangbu ku füi atsaile pao ang tomkox, hwome ile jangmok, ku a hwom füi tomle jento ngoüi.

ROM NOK HATO ZAKYA POL LAIZA 8:9

Ikoxle otsing tomtata ma Zang Chasa nang ma jangngo thüiba, nang ma müi-hi-aji kax ma laxle münngoüi; ikoxle chasae chemle akaxpuix ija kax ma laxle nang ngoüi.

EZEKEL 43:7

“Ziün angkya khünak, ku ngwotnui ikhama tüile. Ku ikhama Israel khünaknu füi tomle ngo angkya ilaxle othuithuima hwom thakma apünle ngo angkya changle. Athax Israel khünaknue wüi changlax hwom wanghombue wüi changlax owaechu, mixnokbu baozangbu to shwomkya makhange chichangba zan ma maxkya hwom wanghom hwom mangbu akhün laxle ibu chapabu ajongle changkya makhange ku otsao mün amale münchang angkya changle.

EFISIA 2:20

Hünzom chuwüi, homkom-longnu ang Khrista lax üntoxle wangshembu hia ajebue tanle toxkya homting ma athong laxle zingkya changle.

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

TSAITONG-KAXTONG 5:7

“‘Ku to shwomkya boma baozangbu to taxshwom.

MÜNCHUAK-TSAI 90:1

O Jowanpa, nang a jento kwom hom ang chang.

LAIPAO 34:14

“Mama baozang tütatochu taxshwom, chemthüikoxle ku a ma zanpa chishan tsuakkya Jowanpa changle.

LAIPAO 20:3

“Ku to shwomkya boma baozang owatochu taxshwom.

MATHI 6:24

“Owachu hopunu anyi da ang ngo ang müntsuak. Ile changkoxle chixe tuita thua anu ikoxle tuita to a mongkünle changüi. Chixe tuita kax ma laxle tüiüi ikoxle ata kax ma a chilaxle changüi. Hünzome Zang hia Ngun pangnyi thotha ang müntho angkya changle.

LAIPAO 23:13

“Jowanpa kue akaxkax to hünzome nathale apalax. Mama baozangbu to taxjop; ibu mün ngaxchu taxlün.

MIKNGÜN-OHÜN 2:1

“Efisia ma tüikya müimüithom kaxtaimix hato zalax: “Ija kaxho a, lyettsi anüt tsaxchi chak ma koplaxle hun wüntik dannui khato ahamle ngokya mix tokhange hüikya changle.

HOSIA 14:8

Israel khünaknue chapabu füi chem mwot müntüiüi; Hwom zangjop to kue lanüi ilaxle hwom nua kue zingüi. Jento omua müile ngokya pünnu tuita ningle kue hwom ang ngwotnui koxüi; Hwom mohiman pangnu otong a ku tix changpu.”

1 WANGHOMBU 18:21

Elija a khünaknu hato dong ilaxle thüi: “Hünzom ang mongzangwün angkya hanpak chemtukux lole laxlaxüi? Jowanpa a Zang jangchang, chix to shwomkox, ikoxle Bal wüi Zang jangchang chix to shwomkox!” Ikoxle khünaknue kaxfa tuita chilan.

ZEFANIA 1:5

Homkho to donglaxle lyetnu, zanghan, hia lyettsibu to shwomkyabu kue amaüi. Ku to shwomtole tamchu kutsai-kukax ma laxle tüiüihex le tsao laxle Molek baozang mün ma tsaotsütle changkyabu chuwüi kue amaüi.

LAIPAO 25:8

Khünaknue ku hanpakma otsao Nyihom tuita zing angkya wüi changle; ikoxle tix ku hwom khato ngo ang thoüi.

JEREMIA 31:1

Jowanpae thüi: Israel homjen pangnusa hanpakma ku Zang ang ngo angkya tunu nguile hüile, ilaxle hwom a ku khünaknu ang ngoüi.

MATHI 16:16

Simon Pitar-e lan: “Nang a ozün ma tüikya Zang Hosa Messaiah changle.”

JUHAN 14:23

Jisu-e lanle chix ang thüi: “Owawae ku to mongkünkya jangtüi thüiningle, chixe ku kax ma laxle tüiüi. Apae chix to mongkünüi; Apa kukhi chix hato nguiüi ilaxle chix füi ngoüi.

1 KORIN 10:21

Hünzome Jowanpa wansa tamchu bao wansa le anyi ling ang müntho angkya changle. Hünzom Jowanpa tsap ma anaolechu bao tsap ma othom anyi ma süntswon angkya müntüi.

EFISIA 2:22

Chix Chasa ma Zang ngokya khato mamabu pangnu füi tomwüi hünzomchu ngo ang Khrista füikya notom ma zingle alaikya changle.

1 TIMOTHI 3:15

Bachutix ku namshyen thüikoxchu, Zang homkha, oja ozün ma tüikya Zang müimüithom hex tamchu otsingtsing hanpakma thongnu hia tafak hex, ikhama kem lailaile chem ningkya zanglom saikha füi saxmok üihex, ija laiza makhange hünzom ang awan ang tomüi.

JAKOP 4:5

“Zange kem ma ngo ang tomkya chasa to Zange tüle akhüixle”, le thüikya Otsao Lai kax kaxbi ngaoba le taxlax.

KAXHO MÜIKYA LUK 5:36

Anaolechu chixe hwom füi kaxpan tuita akax: “Owaechu nyizün angkya kyetlaxle nyizang to münthap. Ile changkoxle chixe nyizün akyet angkya laiüi, ilaxle nyizün thapkya nyizang füi chiashemüi.