2 KORIN 6:1 - OTSAO BAIBEL (BSI)

¹ Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

2 KORIN 6:1 ပူးပေါင်းရင်းမြစ်များ

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

1 KORIN 3:9

Chemthüikoxle kukhi a Zang mwottho ma üitho changle; hünzom a Zang haxtok. Hünzom a Zang shwom Homchu changle.

1 PITAR 4:10

Pangnusae wüi, malom-malom hinghobu twon ang mankya khünak tuita lailaile, Zang tokhange tamsüile kopkya hingho hünzome tata fün amüi ang twonkox.

GALATIA 2:21

Kue Zang chingcha chilax homtoxle münawütüi. Ikoxle khünak tuita wanlom lwot tokya makhange Zang füi muamüi angkya jangchang thüiningle, Khrista zikya a obato zingün?

IBRI 12:25

Kaxzexkya mix kax ma chilaxle chitüi angkya bama hünzom likhün lax, chemthüikoxle chaxwannu ma likhün angkya kax owae zexpuix, ija kax ma chilaxkyabu ngaxchu paole azang ang chitho, jangchangba zangkangting tokhange kaxkhün zexkya mix thüntho angkya tomning chemle paole azang thoüi!

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

GALATIA 3:4

Hünzome apongle hüikya sikngün ibu chemchu münchang texpia? Tütakoxlechu ija a lilita changjao changle!

WANGSHEMBU MWOT 14:3

Pol hia Barnaba nyi ikhato hatdang obibi hex nui. Okhie owa thuachu chizale Jowanpa Jisu bama zangwün. Jowanpa-e kaxkhi ang khomtsikya hia ohünotün mwotbu mok angkya zong koxlaxle hokhie chix chingcha bama zangwünkya otsingtsing changpu le aho.

TITA 2:11

Chemthüikoxle khünaknüsa khosün hanpak ang Zange chix chingcha ngaile ahodaoa.

MATHI 23:37

“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

2 KORIN 10:1

Pol ku jaoe hünzom füi akaxpu, hünzom hama tüipongma ku a zakhut mix ang achang, ikoxle hünzom ha angkya atsaikya zuma ku ang mongchongle le khünakbue akaxle. Khrista ningle ku somdangle tüise texpu.

JEREMIA 8:8

Hünzom a jepabu tamchu hünzome ku wanlombu tikle ngopule chemle thüitsuak? Hulax, wanlombu a otsing chichangkya zatmixbue tüilüidaoa.

1 SAMUEL 14:45

Ikoxle khünaknue Sol ang thüi: “Jonathan owae Israel nok hato ipongpongkya zanhok ma keme wüi anaokya apüipu, ija langle awütüileo? Ija otuechu münchangüi! Kwome ozün ma tüikya Jowanpa mün ma tsaotsütle thüipu, chix khang angkya khangmun pa tuita ngaxchu sam ang müntompu. Anyix chixe chem mokpuix, ija a Zang-e fongkya füi mokpu.” Ile Jonathan mik max angkya atakse pa khünaknue sünle koppu.

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

1 THESALONIKA 3:5

Ikhoma kue Timothi akat angkya laipu. Ku mongto adu ang chitho laxle, hünzom mongong paktik ang kue chix tsanle akatkya changle. Bao-e thwontsing laxle kwom mwot chem angchu chiachangle chang angkya otuechu münfaüi le kwome ongpu.

IBRI 4:1

Athax a, chixe akaxdaokya ija nazak atak angkya kaxtsao Zange kem ang koxle tüile. Hünzom khama ija kaxtsao nazak chikople owawa naktüi le kem pangwüi likhün hax.