2 KORIN 5:8 - OTSAO BAIBEL (BSI)

⁸ Kwom a mongchyen füi ngopu ilaxle tsangtsa hom ang laxlaxle ngokya dantoxlaxle Jowanpa hom to tomle ngoünse texpu.

2 KORIN 5:8 ပူးပေါင်းရင်းမြစ်များ

2 KORIN 5:6

Idaile kem a othuithuima mongchongle ngopu. Ija tsangtsa hom ang laxle ngotanto kem, Jowanpa hwom füi atsaile ngokya keme awanpu.

1 JUHAN 3:2

Ku mongkün tüinaohom, athax kem a Zangsu Zangsabu changle, ikoxlechu kem chem ang achangüihex ija pak müntik. Ikoxlechu Khrista nguikya zuma, kem chix lailaile achangüi, chemthüikoxle chix chemle tüipuix ija tsaotha le keme ngün ang kopüi, ija keme awanpu.

JUHAN 14:3

Tamchu ku paolaxle ngwotnui achwon füima, ku tamchatle nguiüi, ilaxle ma hato hünzom laxlax tox angkya changle; ija khoma ku ojongto ngo angkya hex, hünzomchu ikhato ngo angkya changle.

2 KORIN 5:9

Kem hom ikhato wüi changlax chichangba chukha towüi changlax, tüta khato wüi ngokoxlechu, pangnu to nüile keme chix ang mong amüise tsupu.

MÜNCHUAK-TSAI 17:15

Ikoxlechu kue nang ngün ang kopüi, chemthüikoxle kue thaikya mwot chimok; üntoxle chemtue ku zopuix, nang womle tüikya mongmüie ku awangle tüiüi.

MÜNCHUAK-TSAI 16:11

Khüzün lom to alyet angkya lomtang nange ku hama ahoüi; nang womle tüikya ma ku mongmüie awang üntoxle othuithuima ku ang mongmüi apüi.

MIKNGÜN-OHÜN 22:3

Ija tingnu ma Zang thuakzom ma womdaokya chemchu chiatak. Zang chix Chun Hosa chongwang tüntong ija tingnu ma ngoüi, ilaxle chix dabue chix tong shwomüi.

WANGSHEMBU MWOT 21:13

Ikoxlechu Pol-e lan: “Büthüipu! Hünzome ile sople ku mong mix ahikle hi? Jerusalem ma khak angkya ning chem, Jowanpa Jisu kuxma ku zi angkya ngaxchu achwonle tüile.”

JUHAN 17:24

“Apa, nange ibu ku ang koxdaoa, idaile ku ojong to ngoüi hex, hwomchu wüi ija khato ngo angkya a ku mongtex changle. Ile oja fuazang nange ku ang koxdaopuix, ija hwome naxngün; chemthüikoxle chaxwannu mazing tanto wüi nange ku to mongkünpu.

KAXHO MÜIKYA LUK 2:29

“Jowanpa, nang kaxtsao nange changle thomdaoa, athax nang kax ningle, nang da ku mongsom ma pao ang koxhüi;

MATHI 25:23

Opunue chix ang thüi: ‘Müidaoa! Nang müikya tamchu mongong tüikya da changle. Nange ngun hidaole twon ang koxkya otwon manle twondaoa; idaile kue nang ang süluikya twon angkya mwot faüi. Oman, donglax ilaxle ku mongmüi süntswon ma womlax!’

MATHI 25:21

Opunue chix ang thüi: Müidaoa! Nang a müikya tamchu mongong tüikya da changle. Nang ang hidaole wüi koxkya ngun nange otwon manle twondaoa; idaile kue nang ang süluikya mwot twon ang faüi. Donglax ilaxle ku mongmüi süntswon ma womlax.

WANWÜNKAX 14:32

Chichangchizangkya khünakbue ma thomle düt angkya a hwom ochax mwot khoma atakpu, ikoxle müikya khünakbu ziakople ngo ang kopkya a hwom to ngao angkya chitüile ngotsuakkya khoma changpu.

JUHAN 12:26

Owawae ku thothase jangtsuba, chix ku füito azui angkya changle; ikoxtix ku ojong khato ngoüihex, ikhato ku dachu ngoüi. Owae ku thotha laxpuix, Apae chix achuaküi.