2 KORIN 5:5 - OTSAO BAIBEL (BSI)

⁵ Ija lüi angkya hanpakma kem achwonle fakya a Zang changle, ilaxle chixe kem hanpakma athünle thomkya pangnu bama münwan ang chix Chasa kem ang koxle.

2 KORIN 5:5 ပူးပေါင်းရင်းမြစ်များ

2 KORIN 1:22

chix kem zongto hopunu changpu le aho ang, tamchu chixe kem hanpak ang athünle thomkya pangnu kox angkya münwan ang, chix Otsao Chasa kem mongto kox.

ROM NOK HATO ZAKYA POL LAIZA 8:23

Ikoxlechu Zang chakzing tata le münchang; kem opange pongwang angkya Zang hingho ningle Otsao Chasa koplaxle tüipuix, Zange kem chix susabu ang achang angkya ilaxle kem ozün abakle dan angkya tanle ngopongma kemechu kem mongsik ngünle akhongle.

EFISIA 4:30

Üntoxle Zang Otsao Chasa mongtsik ang taxtom; chemthüikoxle Otsao Chasa a khosün nyix hanpakmale Zange nang to hopunu münwan chix shintop le thomkya changle.

1 JUHAN 3:24

Zang kaxtombu kax ma laxle tüikyabu Zang füi notom ma ngole ilaxle Zang chix füi notom ma ngole. Zange kem ang fakya chasa makhange chix kem füi notom ma ngokya keme awan ang kople.

EFISIA 2:10

Kem chemle tüipuix ija a Zang chakzing changle, ilaxle Khrista ma kem notom makhange chixe kem müikya mwot mokle ozün ma ngo ang zingpu. Ija a, kem Ija ma aham angkya hexo le Zange acha achwonle thomdaokya changle.

2 KORIN 4:17

Üntoxle ija onox ma kwome apongkya sikngüne, ija sikngün to nüile, kwom hato apyen ang jao chitsuakkya, chibak toxkya fuazang apüi angkya changle.

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

ISAIA 29:23

Chemtue hünzome kue hünzom ang koxkya hünzom naosombu ngünüihex, izuma hünzome ku a Israel nok otsao Zang changle le ngünüi. Hünzome ku achuakachenle changüi ilaxle ku ma abütle ajongüi.

ISAIA 60:21

Hünzom khünak pangnusae chem supuix ija moküi, Ilaxle ija haxtok a hünzome jento kople thomüi. Ibu kue küi-thwompu, kue zingle alaipu, Noknusa hato ku chongkya aho ang.