2 KORIN 5:20 - OTSAO BAIBEL (BSI)

²⁰ Zang chixjaoe kwom makhange chix zangwün thwonkya tukux, ikhama kwome Khrista bama zangwün ngopu. Zan ang ngokya chix füi zuikhui ang achangle, Zange hünzom mong alüix ang laxkoxle kwome Khrista mün ma Zang to joppu.

2 KORIN 5:20 ပူးပေါင်းရင်းမြစ်များ

KAXHO MÜIKYA LUK 14:23

Chatlechu hopupae da ang thüi: ‘Ja-lyet lomnu hia faokat-suiwün lom to paokox, ilaxle ku hom nax awang ang, tütale wüi changlax hwom sele apüikox.

EFISIA 6:20

Ipongkhae ku kun to tüikoxlechu ija Kaxho Müikya hanpakma ku Zang khünak tuita changpu. Akax angkya olom ma Kaxho Müikya bama mongchongle naxakax tsuak ang ku bama zangjop-hüi.

MALAKI 2:7

Otsingtsing Zang hwon-je anwot-anole kox angkya a zompu-zangpabu mwot changle. Ku mongtex tsingle lax angkya hanpakma khünaknu a hwom hato apao angkya changpu, chemthüikoxle hwom a Jowanpa Khüthak Zang kaxho mixbu changle.

2 KORIN 5:11

Zang thua zale le chem ang thüipuix ija kwome awanpu, ikhoma kwome Kaxho Müikya füi anom-anai ang azongpu. Zange kwom bama bakle awan ngole ilaxle hünzomechu mamong mongto ku abakle loplaxle ngopule monghompu.

JUHAN 20:21

Jisu-e chatlechu hwom ang thüi: “Hünzom füi mongsom naxtüi! Apae ku chemle tsanle apaopuix ija lailaile kuechu hünzom tsanle apaopu.”

2 KORIN 3:6

Zale thomkya wanlom ma chichang le chasa ma hozün tsaotsüt thotha ang tsuakle kwom achangle fakya a chix changle. Zale thomkya wanlome zik apüile, ikoxle chasae khüzün koxle.

KAXHO MÜIKYA LUK 10:16

Jisu-e chix wangshembu ang thüi: “Owae hünzom kax apapuix hwome ku kax apapu; ilaxle opange hünzom pongle chikop puix hwome ku pongle chikoppu; üntoxle owae ku pongle chikop laxpuix, chixe ku tsankya mix pongle chikopkya changpu.”

1 THESALONIKA 4:8

Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

JEREMIA 38:20

Kue lan: “Nang a hwom chak to koxle münapao. Chingchalaxle nange pi Jowanpa kax ma wüi shong-laxhüi; ile jangchangba nang hanpakma pangnu müile hüiüi, ilaxle nang khüzün chimaxle ngoüi.

JOB LAIPEX 22:21

Job, athaxpi Zang füi tumüi ang thüilax; chix to zanpa tuita lailaile hwonkya zaklax; ile jangchang thüiningle chixe nang to mohimanüi.

ISAIA 27:5

Ikoxle ku khünaknu zanpabue, kue hwom kho-awa angkya to tsukya jangtüi, hwome ku füi tumüi lomzingle naxchang. Changle, hwome ku füi tumüi lomzingle naxchang.”

JOB LAIPEX 33:23

Zang kaxtaimixbu tüihukya kha angkya, hwom hato hwom mwot aho fa ang, kaxtaimix tuita wüi hüi ang tsuak.

JOB LAIPEX 33:6

Zang miksho ma künyi tuitata wüi; künyi pangnyi wüi komhax füi zingpupu wüi.

2 PUKAX-PANGAO 36:15

Jowanpa, hwom putong hwom Zang-e chix khünaknu ang kaxkhün kox angkya hanpakma chizakle ajebu ahüile ngo, chemthüikoxle chixe hwom tamchu Zangshwom-Hom sünle thomsele tsu.

JEREMIA 44:4

Kue chizakle hwom hato ku dapa ajebu ahüile ngopu; ilaxle hwome hünzom hama kue anukya iningle khomtsikya mwot chimok angkya akaxpu.

WANWÜNKAX 13:17

Ong angkya chitüikya kaxhomixe tingtui adünle, ikoxle mongong tüitsuakkya khünakbue mongsom apüile.

NEHEMIA 9:29

Nange hwom ang nang hwon-nwotbu kax ma laxle tüi angkya kaxkhün kox, ikoxlechu mongngam makhange hwome nang hwon-nwot pongle chikop, nang Wanlombu thom angkya a hwom zongto khüzün lomtang changkya. Ngom awyale tamchu künkhüi-mongdüi füi, hwome kax ma münlaxpule angam.

2 WANGHOMBU 17:13

Jowanpae Israel nok hia Judah nok ang kaxkhün kox ang, chix kaxhomixbu hia ajebu ahüilaxle thüi: “Hünzom ochax lombu danle toxdao ilaxle ku kaxtombu kax ma laxlax, ija ku Wanlombu a kue hünzom putong hwom ang koxdaopu, ilaxle ija ku da ajebu makhange hünzom hato tailaile apüile koxkya tüile.”

ROM NOK HATO ZAKYA POL LAIZA 5:10

Kem a Zang zongto zanbu changkya, ikoxle Hosa zikya makhange kem chix zuikhui ang zingpu. Athax a kem Zang füi zuikhui changle, ilaxle Khrista ozün ma ngokoxle chixe kem khosün angkya atsingsho!

2 KORIN 12:10

Idaile Khrista khoma sikngün angkya to ku mongmüipu. Naxsho naxnailax chichangba naxajao naxahailax chichangba laxli ma khütlechu naxchitüi lax; zothuple hia sikangün lechu naxchangkox; chemthüikoxle otue kue ma tsakzong komle amütüihex, izuma Khrista tsakzong kuma tüiüi.

KOLOSI 1:20

Ifüima Hosa makhange zangfang abakle chix hato chat ang tom angkya Zange mongzangwünle tsuak. Chix Hosa pünsak ma zikya tokhange Zange tumüi lomzing ilaxle ding hia hax ma tüikya pangnu li chix hato chat ang tom.