2 KORIN 5:11 - OTSAO BAIBEL (BSI)

¹¹ Zang thua zale le chem ang thüipuix ija kwome awanpu, ikhoma kwome Kaxho Müikya füi anom-anai ang azongpu. Zange kwom bama bakle awan ngole ilaxle hünzomechu mamong mongto ku abakle loplaxle ngopule monghompu.

2 KORIN 5:11 ပူးပေါင်းရင်းမြစ်များ

JUD LAIZA 1:23

wün khatokya bele alaile mix khosün kox; ilaxle zakya füi awonle mix ang chingcha ahokox, ikoxlechu hwom ochax mikzalokya füi lyetle ama daokya hwom nyiza thua anulax.

IBRI 10:31

Ozün ma tüikya Zang chak ma dong angkya tüle zadün changle!

MIKNGÜN-OHÜN 20:15

Khüzün Laipex ma opang mün chibang laxpuix hwom pangwüi tinu ningle tüikya okham-wün khato tswonle awüt.

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

2 KORIN 5:20

Zang chixjaoe kwom makhange chix zangwün thwonkya tukux, ikhama kwome Khrista bama zangwün ngopu. Zan ang ngokya chix füi zuikhui ang achangle, Zange hünzom mong alüix ang laxkoxle kwome Khrista mün ma Zang to joppu.

WANGSHEMBU MWOT 18:13

Hwome thüi: “Ija mixsüne wanlom füi opüi Zang shwom angkya bama khünaknu jikshem ang azongle ngole!”

KAXHO MÜIKYA LUK 12:5

Ikoxlechu hünzom owa thua za angkya hex kue hünzom hama apuafang: Zang thua zalax, owama tsangtsa lang füimachu chasa omalum to awüt tsuak angkya zong tüipuix. Anaolechu kue hünzom ang thüipu, Chix thua zalax!

NAHUM 1:6

Chemtue chix mongtsikpuix, ozün ma owa ngothoüi? Khompua-atsikkya chix mongtsik chak tokya owa azang thoüi? Chixe wünle ningkya chix mongtsik thokle adüt; chix tunthoma longnubu haxbu ang achangle akhix.

MÜNCHUAK-TSAI 90:11

Nang mongtsik komkaile owae apongle laxdao? Nang shix-makya thuazale chang koxle chem ahüiüihex owae tsingle ngo?

MÜNCHUAK-TSAI 76:7

Ikoxle Jowanpa, nang thua a pangnusa wüi zale. Nang ngwotnui ma owachu ajong ang chitho, nang mongtsikle changpongma a.

JOB LAIPEX 31:23

Iningkya kue chemtuechu münmok, chemthüikoxle ku a Zang kaxfün thuazapu.

GALATIA 1:10

Khünaknue ku wüi changkoxa naxthüile akax ngopuixle apaünpia? Ile otuechu münchang! Kue, Zange sule le thüi angkya lomwüi! Ku khünaknue zaole naxwün le azong ngole le hia? Athaxchu wüi kue ile azong ngo angkya thatha jangchang thüikoxle, ku Khrista da ang münachang ngose.

2 KORIN 2:17

Kem a, shiksheple thahangkya khünakbu lailaile küzi-küza le Zang kax apukle ahamkya züitabu ningle chichang; ikoxle Zange kwom tsankya khoma, tuita Khrista da ningle, chix miksho ma kwome mongkoxle akaxpu.

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.

WANGSHEMBU MWOT 26:26

Wanghompa Agripa! Nange ibu zangwün komle awan ngokya daile kue nang hama ngaitho le wünpu. Nang miksho ma ibu zangwün pyenkya müntüile ongpu, chemthüikoxle ija a zuile onuk ozong to changkya münchang.

WANGSHEMBU MWOT 19:26

Ija mixsün Pol-e chem mokpuix, hünzome ma hanpakma ngünle lax üntoxle atat apa ang tsuaküi. Khünake zingkyabu zang ang zang münchangle chixe thüile, ilaxle ija Efisia machu anaole Asia haxtok pangnu khato wüi, chixe khünaknu huanuma anom-anaile koptsuak daoa.

WANGSHEMBU MWOT 18:4

Jehudi khünak hia Grik khünak pangnu wüi anom-anai ang azongle, nazakle nuikya nyix chithaile chixe sinagok ma hwom hama kaxkhi fa.

WANGSHEMBU MWOT 13:43

Ile sinagok ma asoxkya khünaknu fan füima, Jehudi khünakbu hia Jehudi nok ang achangkya mixnokbu züizüi Pol hia Barnaba nyi füito hüi. Okhie hwom füi akax üntoxle Zang chingcha ma otya ma ngo angkya hwom ang zong adün.

KAXHO MÜIKYA LUK 16:31

Üntoxle Abrahame chix ang thüi: ‘Hwome Mosa hia ajebu kax ma chilaxba, zidaokya mix chatle nguikoxlechu hwome münongüi.’”

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”

MATHI 10:28

Tsangtsa amüt ang tho koxchu chasa lang ang chitsuak angkyabu thua taxza; itülüi, Zang owae tsangtsa hia chasa pangnyi haolum to amüt ang thopuix, chix thua zalax.

ISAIA 33:14

Zaion angkya ochax khünakbu a zale abün ngole. Hwome thüile: “Zang kaxfün a othuithuima zokle ngokya wünchua ningle changle. Kem kha angkya owawae iningkya wünkham adu ang tho angchami?”

MÜNCHUAK-TSAI 73:19

Hwom a chaktung-chaktung ma amüt; hwom a khomtsile max angkya hato ahüi.

JOB LAIPEX 18:11

Hwom akhople thamae tanle ngole; ijae chikap foto hwom mantole.

JOB LAIPEX 6:4

Khüthak Zang-e ku to sanjunbu füi tople, ilaxle ibu khun-hinge ku tsangtsa awangle. Zang-e chix thamabu thong-thünle ku-zan to ka ang dandaoa.

PONGWANG LAIPEX 35:5

Hwom lomba to ahamle tüipongma, hwom akhople tüikya tingnu pangnu khato wüi, khünaknu hato za angkya ahüi, ikhoma hwom to owaechu achuale chichang.

ISAIA 19:16

Ijip nok a tuita mixnu-sheko ningle zakwot ang achang angkya hanpak nguile hüile. Jowanpa Khüthak Zang-e hwom to sikangün ang chak ahale ngünkya zuma hwom a tüle abüt-abanle zakyae tsangtsa sile anyonüi.

EFISIA 5:21

Jisu Khrista chathua zakya khoma hünzom tata tong to puinai le tüilax.

IBRI 12:29

chemthüikoxle kem Zang a zokle ashun angkya wün changle.