2 KORIN 5:10 - OTSAO BAIBEL (BSI)

¹⁰ Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

2 KORIN 5:10 ပူးပေါင်းရင်းမြစ်များ

MATHI 16:27

Chemthüikoxle Khünak Hosa ju angkya tüile. Chix a chix kaxtaimixbu füi fuazangle juüi ilaxle pangnusa ang wüi chixe ma mwot-mwot ma thütle hingho koxüi.

MIKNGÜN-OHÜN 22:12

Jisu-e thüi: “Apalax! Ku chwonle nguile! Mae chemle mokdao laxpuix ilailaile pangnusa ang wüi fa angkya hanpakma ku füi tomle kue hinghobu laxlaxle nguiüi.

EFISIA 6:8

Dahaibu wüi changlax, dan-pan thomkyabu wüi changlax, müile mokkya chix mwot khoma, Jowanpa-e pang ang wüi hingho fa angkya mong ma koplax.

HWON-NWOT-JAONO 12:14

Kem mwot pangwüi bama Zang-e kaxfün fa angkya changle, chimüikoxlax müikoxlax, huxsa ma mokle changdaokya bama ngaxchu wüi.

MÜNCHUAK-TSAI 62:12

üntoxle chix mongkün a ojem chifünkya mongkün changle. Jowanpa, nange nang lualuale, pangnusa angwüi ma mwot ma thütle hingho fale.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

1 PITAR 4:5

Ikoxlechu ozün hia omang pangnu kaxfün ang achwonle tüikya Zang ang hwome ma mwot aho angkya changle.

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

WANGSHEMBU MWOT 10:42

Üntoxle chixe kwom ang Kaxho Müikya apuk ang anaolechu ozün hia omang nyi bama kaxfün fa ang Zange kamle kopkya a chix wüi changpu le angai angkya kaxtom fa.

JOB LAIPEX 34:11

Hwome chemle mokpuix ija hingho chixe khünaknu ang koxle, ilaxle hwom to chemle hwonsehex ile hwonle.

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

HWON-NWOT-JAONO 11:9

Tsünzünbu, naocha-naosün pongma mongmüile ngolax. Nang tsongtan tüipongma mongmüi ngolax. Nange chem mokse tsupuix moklax, ilaxle nang mong atsutsu ma lelax. Ikoxlechu nange mokle hüikya pangwüi hanpakma Zang-e kaxfün angkya changpu, ija taxalak.

EZEKEL 18:30

“Athax Jowanpa Khüthak Zang kue hünzom Israel nok füi akax ngopu, kue hünzom pangwüi mae chemle mokle hüidaopuix ija ningle kaxfün faüi. Hünzome mokle ngokya ochax lom pangwüi tokya hünzom mong chatlax, ilaxle hünzome hünzom ochax to ma amüt ang taxtom.

1 WANGHOMBU 8:32

O Jowanpa, zangkangting tokhange apahüi ilaxle nang dabu bama kaxfün fahüi. Chix ma asukya ningle thaikya mix to sikangünkox, ilaxle chithaikya mix a sukya ang achang kox.

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

1 WANGHOMBU 8:39

hwom zangjop to lankox. Nang ngwotnui zangkho-wangting tokhange hwom to apakox, hwom thaikya alakkox ilaxle hwom to asunkox. Khünak tutex-mongtsang nang tatae awanwüi. Pangnusa füi olom ma mokmole changhüi,

1 SAMUEL 2:10

Jowanpa zanpabu a max ang tomüi; zangkhoting tokhange chixe hwom khangkho ma atsak-adung ang tomüi. Jowanpae zangfang pangwüi kaxfünüi; chixe chix wanghom ang tsak-zong koxüi, chixe zünle kopkya wanghompa ang chixe anao ang tomüi.”

ROM NOK HATO ZAKYA POL LAIZA 6:19

Hünzom müi-hi-aji ma zong chitüikya khoma kue khünak zangwün ma wünpu. Tam a chichang-chizangkya mwot hanpakma hünzome chitsaokya hia chichang-chizangkya chak to da ang hünzome ma abakle koxle thomkya. Ija lailaile athax a otsao mwotbu hanpakma hünzome ma abakle otsao ang kox angkya changle.

1 SAMUEL 2:3

Nang mong azaxle ngamle ngokya zakdao; nang mongngam kaxbu adang dao. Chemthüikoxle Jowanpa a chitsing-jawan changpu, ilaxle khünaknue mokkya mwot pangwüi bama kax chixe fünle.

2 KORIN 7:3

Kue ija hünzom tha ajao ang akaxkya münchang; chem ang, amiba wüi kue akaxdaoa, hünzom to kwome huanuma kak-kün le ikhoma zikoxlax chichangba ozün ma wüi ngokoxlax kem a othuithuima tuita.

ROM NOK HATO ZAKYA POL LAIZA 2:16

Üntoxle kue apuk-apuakya Kaxho Müikya olom machu, Jisu Khrista makhange, khünak angkya huxsa mongjang bama Zange kaxfünkya nyixchu wanlom ma tüikya ningle mokkya mixtix sukya ang achangüi.

IBRI 9:27

Tam a pangnusasa wüi zi angkya changle üntoxle ifüima Zange kaxfün faüi.