2 KORIN 4:9 - OTSAO BAIBEL (BSI)

⁹ zanbu huanuma tüi, ikoxlechu zuikhui chitüi homtoxle kwom otuechu chingo; üntoxle tampong huanuma maklax, ikoxlechu kwom mik chimax.

2 KORIN 4:9 ပူးပေါင်းရင်းမြစ်များ

ISAIA 43:2

Chemtue hünzom tizukyabu makhange leüihex, ku a hünzom füi tüiüi; hünzom sikngüne hünzom to münalumpu. Chemtue hünzom wün mong makhange leüihex, hünzom to münhuaküi; thwontsing chemningkya hüikoxlechu hünzom to po-nokya müntüiüi.

MIKA 7:8

Kem zanpabu ang kem bama ngadong angkya chemchu müntüiüi. Kem a nguakdaoa, ikoxlechu kem a chatle zoüi. Athax kem a zangnak fangto ngopu, ikoxlechu Jowanpae kem ang zangngai koxüi.

WANWÜNKAX 24:16

Thaikya chitüikya khünakbu obithom ma nguakpuix, ibithom ma hwom chatle zole; ikoxlechu chichang-chizangkya khünakbu thama chak to maxle.

MÜNCHUAK-TSAI 42:11

Ku ang büthüikoxle ipongpongle mongma? Büthüikoxle ku ang ipongpongle mongthangpu? Kue ku mongong Zang ma thomüi, üntoxle anaolechu kue chix achuaküi, ku khosünpa üntoxle ku Zang.

IBRI 13:5

Ngun to kün-luakya füi hünzom atsaile ngolax, üntoxle hünzom ma ma tüikya füi mongzom müile ngolax, chemthüikoxle Zange thüile: “Kue nang otuechu danle müntox; kue otuechu nang awütle müntox.”

2 KORIN 7:6

Ikoxlechu Tita hüikya makhange, künmax mongshanle ngokyabu mong achenle fakya Zange kwom mong machu zong adünle fa.

ISAIA 62:4

Nange ang “Awütle thomkya”, le münnyaküi, Chichangba nang haxtok ang “Awüt thomkya kakonu”, le münnyaküi. Nang ang fakya mün hozün a “She füi Zag mongmüikya tüile”, le changüi. Nang haxtok ang “Mongmüi-Pwonlale aju-asomkya”, le nyaküi, Chemthüikoxle Jowanpa ang nang füi mongzom müikya tüile, Ilaxle chix a nang haxtok bama tuipa tuita ang achangüi.

MÜNCHUAK-TSAI 9:10

Jowanpa, opange nang awanle tüipuix, hwome nang to mongong tüiüi; nang hato nguikya khünak owachu nange chilaxle taxüi.

JUHAN 15:20

‘Ma hopunu füi da wüi achongkya münchang’ le kue hünzom füi akaxkya ku kax texle ataklax. Hwome ku ang sikngün fadaokya jangchangba, hünzom sikchu wüi angün angkya changle. Hwome ku hwon-nwot kax ma laxkoxle, hünzom kax machu lax angkya changle.

MÜNCHUAK-TSAI 42:5

Chemkhoma ku ang ipongpongle mongma? Chemkhoma ku ang ipongpongle mongsik-ngün? Kue ku mongong Zang ma thomüi, üntoxle tamchatle kue chix achuaküi, ku khosünpa, ku Zang.

MÜNCHUAK-TSAI 37:28

chemthüikoxle chem supuix ija to Jowanpa mongkünle ilaxle chix to mongong thomkya khünakbu chixe danle müntox. Jento chixe hwom khosele, ikoxlechu chichang-chizangkya su-sabu a jwonle apaoüi.

MÜNCHUAK-TSAI 22:1

Ku Zang, ku Zang, nange ku büthüikoxle danle asampu? ku to fonghüile ku mongmaxle jaojao soppu, ikoxlechu ija ofong-otsox ojao chihüipu.

JOB LAIPEX 22:29

Mong-ngam füikya mix khünak Zang-e athomle athaiüi; puipa-naipa khosünle kopüi.

MÜNCHUAK-TSAI 129:2

“Ku naosa ma tüitan tokhange wüi ku zanpabue ku to mongtsiktsik ma zothuple hüipu, ikoxlechu hwome ku to lüt ang chitho.

HABAKUK 3:17

Fupsa pün ma ngaxchu oziak müntüi ilaxle grep zu ma grep ziakkya chitüi, olip manzai ngaxchu puamün ang chikop ilaxle haxtok ma saxziak chemchu chidün, chunbu to lünle pangwüi zile pao üntoxle maihu kunbu chu ahuasakle dantox,

ROM NOK HATO ZAKYA POL LAIZA 8:35

Jangchang thüiba, Khrista mongkün füi kem owae ajan tsuak angkya? Sikngün tuitai, thang dangkya, zothupkya, chichangba woknuak tilan, otui onuak, thomzün maklax, zikya thama, iningkyabue ajan ang thoüi hia?

2 TIMOTHI 3:12

Jowanpa Jisu Khrista füikya notom ma Zang womkya tsün ngose atsutsu pangnusae zothupkya apong angkya jao changle;