2 KORIN 4:7 - OTSAO BAIBEL (BSI)

⁷ Ikoxlechu Kaxho Müikya zong akhokya a Zang kux changle, kem kux münchang, le aho angkya hanpakma, ija Kaxho Müikya apuk-apua angkya hünlix füi tüikya kwom a tikkuxbu ningle changle.

2 KORIN 4:7 ပူးပေါင်းရင်းမြစ်များ

2 KORIN 5:1

Chemthüikoxle, kem ngokya nyihom: chaxwannu angkya kem pum-tsa pünle amakya zuma, chixjaoe zingkya hom, oja oshuk chitüi le ngo angkya hex, zangkangting to Zange ija hom ma kem ngo ang koxüile keme awanle.

1 KORIN 1:28

Chaxwannue okho le laxkya tha ama angkya hanpakma, chaxwannue afangle hukya hia tüta ma lax angchu münmüi le awütle thomkya Zange zünle kop.

KOLOSI 2:3

Khomle thomkya tuina oja Zang hwon-je üntoxle tsingwankya hex, ibu pangnu ka dap angkya kapatja a chix changle.

MANGSOP 4:2

Zaion angkya naozün thom kem zongto hun büta thalix changkya dai, ikoxle athax ibu a zangjang haxtikbu tha ang changdaoa.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

EFISIA 3:8

Otsao khünakbu khama ahixkya füi ngaxchu sühixkya ku changpu; ikoxlechu hwom hanpakma Khrista tam chibak toxle chix ahak-aluakya Kaxho Müikya mixnokbu hato apuk angkya hanpakma Zange ku zünle kop;

2 KORIN 10:10

Chemthüikoxle hwome thüile: “Pol laiza tüle khünzukya tamchu ahai ang chimüikya changle, ikoxle otue chix kwom füi tomle kun ma tüikyahex, chix ma zong chitüi, ilaxle chix tsai chix kaxbu chem angchu chichang!”

MATHI 13:44

“Zang Wangting a haxmong to khomle thomkya ngun ningle changpu; khünak owae ija ataküi hex, chixe tamchatle pyenüi; ifüima mongmüi atungle paolaxle chix ma atüitüi komle hang laxle ija haxtok shaküi.

2 TIMOTHI 2:20

Homnu chongkya tuita ma sütling hia müi-nyax pangnu li tüile; züizüi a hun hia khop makhange zingkyabu changle; mamabu a pün hia hax makhange zingkyabu changle; züizüi a khütkhaxkya tuke lax ang, mamabu a zangjang to laxle ngo angkya hanpakmale changle.

2 KORIN 4:1

Zange chix chingcha makhange kem ang ija mwot mok le koxdaoa, ikhoma kwom ang mong münhix.

KOLOSI 2:12

Chemthüikoxle baptikya zuma hünzom Khrista füi tomle akhün, ilaxle baptikya ma, zidaokya Khrista chatle azang azwotkya, dangle chingokya Zang zong to hünzome mongongkya makhange, Khrista füi tomle hünzomchu chatle azangle zo.

JOB LAIPEX 4:19

Komhax oja tikkhe lailaile akhixle pao angkya to; ija füi zingkya chix chakzing to, chixe mongong ang thoüile nange thütpia?

1 THESALONIKA 1:5

Chemthüikoxle kwome hünzom hato Kaxho Müikya apüipu, kax tata ma chichang, ikoxle tsakzong ilaxle Otsao Chasa makhange, tamchu ija otsingtsing komle angaikya makhange apüipu. Kwom hünzom füi ngotanto chemle ngokya hex ija hünzome awanpu; ija a hünzom fün amüi angkya kuxma changkya.

EFISIA 2:5

kem kax ma chilaxle ochax ma ngotanto wüi Khrista füi tomle ozün ma ngo ang chixe kem shak. Idaile hünzom khosünle kopkya a Zang chingchae tix changle.

2 KORIN 13:4

Chix pünsak ma takle lang pongma zong shole maxkya otsing tomta changle. Ikoxlechu athax a Zang tsakzong makhange Khrista a ozün ma tüile. Kwom chuwüi chix füikya notom ma, shonai le tüile. Ikoxlechu otue kwom Korin to ngui ilaxle hünzom füi asax-amok, izuma ozün ma tüikya Khrista füi tomle kwom asoxüi ilaxle iningle kwom ma mok angkya Zang tsakzong tüiüi.

KAXFÜNPA-HWOM 7:2

Jowanpae Gideon ang thüi: “Nang füi tüikya khünaknu a Medi nok to lüt angkya hanpakma müimamale tüile. Hwom khünak lüikya khoma hwome ofüima matsak-mazong füi lüt ang thopule texüi tüile, ile chang koxle ku ang münchong chemchu chitüile changüi.

2 KORIN 6:10

Küntsik mongma, ikoxlechu kwom othuithuima mongmüi le ngo; kwom a chitüi chinangkya mix ningle, ikoxlechu kwome khünak ahak alua ang tom; kwom a chemchu chitüikya ningle, ikoxlechu kwom a pangwüi koplaxle ngo.

MATHI 13:52

Idaile chixe hwom ang thüi: “Idaile wanlom nwotmixbu opang Zang Wangting füizuimix ang achangün laxpuix, hwom a ma pung angkya bwotba hozün hozang pangnu alaikya hopunu tuita ningle changpu.”

JOB LAIPEX 10:9

Nange ku kom; füi zingkya changpule texle ataklax; tamchatle ku haxbu ang achangle thuple akhix anghi?

JOB LAIPEX 33:6

Zang miksho ma künyi tuitata wüi; künyi pangnyi wüi komhax füi zingpupu wüi.

JUHAN 16:33

Ku füikya notom ma hünzome mongsom kop angkya kuxma, kue ibu hünzom füi akax ngopu; chaxwannue hünzom to sikngün zolit ang tomüi, ikoxlechu mong chonglax; chemthüikoxle kue chaxwannu to anao daoa!”

1 THESALONIKA 4:4

Lüka mixpa pange wüi, Zang chitsingkya songsaribu ningle, mikza lokya hia asingkya chitüi homle,