2 KORIN 4:5 - OTSAO BAIBEL (BSI)

⁵ Kwome apuk-apuakya kwom bama münchang; Jisu Khrista a Jowanpa changle, tamchu kwom a Khrista ma hünzom dabu changpu, le apukwüi.

2 KORIN 4:5 ပူးပေါင်းရင်းမြစ်များ

2 KORIN 1:24

Kwome hünzom mongong thakma apün awang ang azongkya münchang; ikoxle kwome hünzom füi saxmokkya a hünzom mong amüi ang changwüi; chemthüikoxle hünzom mongong ma shingmongle ajongle tüikya kwome awanpu.

1 KORIN 1:23

ikoxle oja Jehudi nok hanpakma chikho thukya hex ilaxle mixnokbu hanpakma ongat hex, Khrista pünsak ma takle langkya ija kaxho kwome apukpu;

GALATIA 5:13

Ikoxlechu tüinaohom, hünzom a khangkho ngaile ngo angle nyakpu. Idaile nange müi-hi-aji mongtex lom ma taxdan. Itülüi, mongkün makhange tata atu-alitkox

FILIPI 2:11

Hopa Zang fuazang ma, Jisu Khrista a Jowanpa changpu le; ngaitho le apuk angkya changle.

FILIPI 1:15

Changle züizüie Khrista-e apuk apuakya a nüfux hia hyet lomle mokkya changle, ikoxlechu mamabue a otsingtsing mong füi mokkya changle.

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

2 TIMOTHI 2:10

ikhoma Zange zünle kopkya khünaknu kuxmale kue pangnu adu, ija a Khrista makhange ahüikya khosün hwomechu naxkoplax ang tamchu oshuk chitüikya fuazang apüi angkya hanpakma changle.

1 KORIN 12:3

Zang Chasae zunlaxle ahamkya mix owaechu “Jisu thomün-mwonün”, le münthüi tsuak ilaxle Otsao Chasae lom chizunkya mix owaechu “Jisu a Jowanpa changpu”, le ngai ang müntsuak. Ija hünzome awan kopkoxle müi angkya oli changpu.

1 KORIN 8:6

kem hanpakma Zang, chix a Hopa, owae zünmok zingle alaipuix, ilaxle owa hanpakma kem ozün ma ngolaxpuix, chix tuita wüi; üntoxle zünmok zingkya mix owa makhange kem ozün ma ngopuix, ija Jisu Khrista Jowanpa chix tata wüi.

1 KORIN 2:2

Ipue ku hünzom füi ngopongma, Jisu Khrista üntoxle tamnüilechu chix pünsak ma zikya boma mama pangnu alakle awüt angkya ku mongto texdaoa.

WANGSHEMBU MWOT 10:36

Khünak noknusa hopunu Jowanpa, Jisu Khrista makhange tumüi bama Kaxho Müikya apukle chixe Israel khünaknu hato fakya kaxho hünzome awanle ngopu.

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

WANGSHEMBU MWOT 2:36

“Israel khünaknu pangnu, Jisu owa hünzome pünsak ma takle lang laxpuix, chix a Zange Jowanpa tamchu Messaiah ang kamle kopkya mix changle le hünzome awanle kop angkya changle.”

JUHAN 7:18

Owae ma mongtex ma zangwün puix, chixe ma münchong lomle; ikoxle ma tsanle ajokya mix bama münchang owae lompuix, chix otsingtsing ilaxle chix ma thaikya müntüi.

MATHI 23:8

Hünzome tata ang ‘Nwotmix’ le nyak angkya oli münchang chemthüikoxle nwotmix a tuita wüi.

MATHI 3:11

Mongchatkya ahole kue hünzom ti ma bapti le fapu. Ikoxle ku füima nguile ngokya mix a ku füi ngaxchu süthak; ku a chix chisox kop mix ang achang ang ngaxchu chiasukya mix; chixe hünzom ang Otsao Chasa ma hia wün ma baptile faüi.

2 KORIN 1:19

Chemthüikoxle Jisu Khrista Zang Hosa, owa bama Sila hia Timothi kwome hünzom hato apuk-apua puix, chix a tuita “Jo, jo” ofüima “Müno” chichang. Itülüi chix a “jo, jo” Zang changpu;

1 KORIN 15:47

Pongwang angkya Adam a, hax makhange zingkya, haxwannu angkya; anyi lükya Adam a zangkangting tokya.

1 KORIN 10:33

Hwom khosün angkya kuxma, ma zongma müikya chithüt homle, ikoxle nok zongma müikya thütlaxle, ku mwottho ma kue nok mong wüi amüipu; ile kue mokkya ningle moklax.

1 KORIN 4:15

Khrista ma hünzom lompabu tüihu koxlax, ikoxlechu hünzom ang hopa obiobi müntüi. Chemthüikoxle Kaxho Müikya tokhange Khrista ma ku hünzom hopa ang achangüna.