2 KORIN 4:4 - OTSAO BAIBEL (BSI)

⁴ Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

2 KORIN 4:4 ပူးပေါင်းရင်းမြစ်များ

JUHAN 12:40

“Zange hwom miksutbu ang achang daoa, ilaxle chixe hwom mongtsang atsakdaoa; ile chichang hwome mik füi ngünse; ma mongtsang füi ajang ang those; ilaxle hwom mong chatkoxle, kue hwom müi ang tomse.”

2 KORIN 3:14

Otsing tomtata ma hwom mongka chidap; ilaxle anyix kople hwome ozang Tsaotsüt laibu ekya zuma, hwom tutex mongtsang ija ozang nyie wüi khung laxle tüile. Khünak tuita Khrista füi notomkya zuma tix ija thünkhung nyi awütüi.

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

ISAIA 6:10

Ifüima chixe ku ang akax: “Ija khünaknu kün-mong oba ang achang kox, hwom nabu ba ang tomkox, hwom mikbu apwom ang tomkox, ikoxtix hwome ngün ang chithoüi, atat ang münthoüi, ilaxle tsingle lax ang münthoüi. Hwome ile tsuakle jangchang, hwom ku hato mong lüile hüiüi ilaxle kakmüi angkya ataküi.”

1 JUHAN 5:19

Chaxwannu abakle tuita haxshix fangma, keme kem a Zang kux changpu le awanpu.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

EFISIA 2:2

Ija pongma hünzome chaxwannu ochax manto; ding hia hax angkya chasa zongma apün-awangkyabu chasa owae athax Zang kax ma chilaxkya khünakbu akumathum le ngopuix, hünzome ija chasa kax ma lax.

EFISIA 6:12

Chemthüikoxle kem a khünak füi chichangle ding hia hax nyi ba angkya chasa zong, apün-awangkyabu, chapu-lwompabu, ilaxle chaxwan angkya zangnak zong füi azan ngopu.

JUHAN 12:31

Ija chaxwannu kaxfün angkya athax changle; athax ija chaxwannu wanghom chilaxle awütüi.

JUHAN 8:12

Anaolechu Jisu-e farisibu ang thüi: “Ku a chaxwannu zangngai; ku füito azuikya khünakbu zangnak ma münaham, ikoxle hwom ma khüzün zangngai tüiüi.”

JUHAN 12:35

Ikoxle Jisu-e hwom ang thüi: “Zangngai a noxta bama hünzom füi ngoüi. Zangnaknue chilop angkya kuxma, hünzom füi zangngai tüi pongma ahamlax; zangnak to ahamkya mixe, chix le ngokya lom müntsing.

JUHAN 14:30

Hünzom füi ku aluile akax ngo ang müntho; chemthüikoxle chaxwannu wanghom hüile ngole.

2 KORIN 3:18

Idaile kem noknusae wüi thünkhung nyi chithom homle, Jowanpa fuazang ocha ngün ang tomhax; üntoxle Chasa owa, Jowanpa tokhange hüipuix, ija fuazang tuitatae wüi, kem chix lailaile otax-onüi fuazangkya ma lüile azün ang koxüi.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

KOLOSI 1:15

Khrista a mike ngünkya tuita mike chingünkya Zang ocha changpu. Chix a pongwang ole puxkya nao, chakzing pangnu thakma akhokya changpu.

1 JUHAN 2:8

Ibachu athax kue hünzom hato zale ngokya kaxtom a hozün tuita changle, chemthüikoxle ija otsingtsing a Khrista machu tamchu hünzom machu ngo ang kople. Chemthüikoxle zangnaknu kaile leüna, ilaxle zangngai tsingtsinge nyanle tüile.

FILIPI 2:6

Jento chix ma Zang jaopo tüikya, ikoxlechu Zang füi tomwüi ang, achang angkya changle le, chix mongto zongma laxle, otuechu chithüt.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

JUHAN 16:11

kaxfün bama thaile ngo, chemthüikoxle ija chaxwannu wanghom hanpak ang kaxfün fadaoa.

2 PITAR 1:19

Ikhoma ajebue apukkya kaxho to otsing changpu le kwome sisile mongongpu. Anyixningkya zangngai ang machang tanto, üntoxle hünzom mong ma nyankya lyettsi malai tanto, zangnakle ngokya khato zangngai fakya wüntik tuita ningle, ija kax to hünzome mongkox koxle müi angkya changle.

2 KORIN 3:11

Janba ma ngotox angkya fuazang ngaxchu ipongpongle chang, oshuk chitüi le fuazang angkya tomning otukux fuazangle tüiüi!

1 KORIN 10:20

Münchang! Kue a, tö oja songsaribue koxpuix, hwome Zang ang koxkya münchang ikoxle bao ang koxpu, le thüiwüi. Idaile hünzom baobu füi üitho ang achang angkya to kue münlua.

JUHAN 12:45

tamchu owae ku ngünpuix, chixe ku tsanle ajokya mix ngünkyachu changpu.

JUHAN 15:24

Otuechu tamchu owaechu mamokkya mwot kue hwom khama münmok hex thüikoxle hwom ma ochax chemchu chitüise; ikoxle athax a hwome ngünle kopdaoa tamchu Apa kukhi pangnyi thua anudaoa.

JUHAN 1:18

Owaechu Zang ongaichu mangün tox; ikoxle Hopa hama chix füi tomwüi ngokya, tuita wüi tüikya Hosa etix chix apuale fapu.

MÜNCHUAK-TSAI 50:2

Zang-e, osün müikya ma okhonguile tüikya Zaion makhange fale.

1 TIMOTHI 1:11

Mohiman hia fuazangkya Zang tokhange kopkya Kaxho müikya oja apuk-apua angkya ku ang koxle thompuix, ija Kaxho Müikya ma ija hwon-nwot tüile.

1 WANGHOMBU 22:22

Jowanpae atüi: ‘Ija chemle?’ Ikoxle chasae lan: ‘Ku paolaxle Ahap ajebu pangwüi ang othai aje ang tomüi.’ Jowanpae thüi: ‘Paokox üntoxle chix dyenkox. Nange thoüihex.’”

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

WANGSHEMBU MWOT 26:23

Ija a: Jehudi nok hia mixnok pangnu hato khosünkya zangngai apuk ang Messaiah e sikngün apong angkya wüi ilaxle azangle zokya khama chix owangpa ang achang angkya changle.”

2 KORIN 2:11

Ile chichang thüikoxle haxshixe kem to anaoüi; chemthüikoxle chix mong katzuabu keme awanpu.

2 KORIN 2:12

Khrista bama Kaxho Müikya apuk-apua ang ku Troas to nguikya zuma, kue ikhato chix mwot otua ma süt tsuak angkya hanpakma, Jowanpa-e ku ang lom zangle bang.

GALATIA 1:4

Athax pongkya ochax tsün chak tokya kem khangkho angai angkya kuxma, Zang tamchu kem Hopa mongtex kax ma laxle, Khrista-e chix tomtata kem ochax hanpakma kox.

IBRI 6:4

Chichang thüikoxle hwom mongong dantox daokyabu tamchatle mong zangwün angkya hato chemle chat ang tomüi? Tam a hwom Zang zangngai ma ngokya; hwome zangkangting hingho wanle anodao üntoxle hwom süntom Otsao Chasachu wüi pongle hüidao;

1 JUHAN 2:11

Ikoxlechu owawae matüi manao to anukya jangtüi; chix ikhama ahampu ilaxle ochichi to paoüihex chixe münawan, chemthüikoxle zangnaknue chix mik apwom ang tomdaoa.