2 KORIN 4:2 - OTSAO BAIBEL (BSI)

² Zakkop hia huxsa mwot komle kwome tokna to toxdaoa; kwome a mix dyen-nganle münmok, chichangba kwome Zang kax chichangkya ang münachang. Zang miksho ma kwome otsingtsing kaxho ngaitho le apukpu, ilaxle pangnusae wüi kwom to sule le naxhu le texpu.

2 KORIN 4:2 ပူးပေါင်းရင်းမြစ်များ

2 KORIN 2:17

Kem a, shiksheple thahangkya khünakbu lailaile küzi-küza le Zang kax apukle ahamkya züitabu ningle chichang; ikoxle Zange kwom tsankya khoma, tuita Khrista da ningle, chix miksho ma kwome mongkoxle akaxpu.

2 KORIN 5:11

Zang thua zale le chem ang thüipuix ija kwome awanpu, ikhoma kwome Kaxho Müikya füi anom-anai ang azongpu. Zange kwom bama bakle awan ngole ilaxle hünzomechu mamong mongto ku abakle loplaxle ngopule monghompu.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

2 KORIN 11:3

Ef to changkya ningle hünzom tochu nakchang ünkoxle ku zamaxle. Pu huanuma atsing ilaxle chixe Ef ochax to adüt. Ilailaile hünzom tutex zia ama ang tsuak, ilaxle hünzom Khrista zongto haxtsao-zangthakya chitüile changüi.

EFISIA 5:12

(Huxsa ma zuile hwome mokkya mwot mo wün angkya tuita thünzak changle).

2 KORIN 7:14

Kue chix hama hünzom achuak achenle wündaopu, ikhoma hünzome ku ang thünzak chiakop. Kwome othuithuima hünzom bama changkyakya wünpu, ilaxle kwome Tita bama achuak achenle wünkya otsing tomtata changpu le ahodaoa.

ROM NOK HATO ZAKYA POL LAIZA 1:16

Kaxho Müikya bama ku münazak; chemthüikoxle ija a opange ongpuix hwom khosün hanpakma Zang tsakzong changle, pongwang ma Jehudi khünakbu hanpakma ilaxle mixnokbu hanpakma.

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

2 KORIN 11:6

Tun ma aluile tsai-kax süchidong lea tüiünkoxlax, ibachu tsingwankya olom ma ile münchang; kwome ija hünzom hama othuithuima üntoxle tütatuehex hünzom hama angai koxdaoa.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

ROM NOK HATO ZAKYA POL LAIZA 6:21

Athax chempang khoma hünzom azakle ngopuix ijabue hünzom ang lap chemchu münfa. Iningkyabu mwot mokkyae khünak zi ang koxle!

2 KORIN 6:8

Kwom a achuak achen ilaxle adix-ada. Kwom ajao ahai ilaxle achuak achen. Kwom a khualop mix ang lax.

1 WANGHOMBU 18:34

Ilaxle chixe thüi: “Ijaningle tamchatlechu ti tam thoklax.” Ilaxle hwome ti füi tam li. Chixe thüi: “Anaole chuwüi tam lilax.” Anaole chuwüi hwome tamchatle li.