2 KORIN 4:17 - OTSAO BAIBEL (BSI)

¹⁷ Üntoxle ija onox ma kwome apongkya sikngüne, ija sikngün to nüile, kwom hato apyen ang jao chitsuakkya, chibak toxkya fuazang apüi angkya changle.

2 KORIN 4:17 ပူးပေါင်းရင်းမြစ်များ

ROM NOK HATO ZAKYA POL LAIZA 8:18

Iponge kem sikngünle ngokya a athax füichi ma kem hato angaile aho angkya fuazang füi ojao apyen angkya münchangle keme ele.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

JAKOP 1:12

Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.

2 KORIN 3:18

Idaile kem noknusae wüi thünkhung nyi chithom homle, Jowanpa fuazang ocha ngün ang tomhax; üntoxle Chasa owa, Jowanpa tokhange hüipuix, ija fuazang tuitatae wüi, kem chix lailaile otax-onüi fuazangkya ma lüile azün ang koxüi.

ROM NOK HATO ZAKYA POL LAIZA 8:37

Changle, ibu pangnu ma kem to mongkünkya chix makhange keme anaokya tüile.

1 PITAR 4:7

Pangnu li oshuk hato nguile hüile. Hünzome zangjop ang tho angkya kuxma, malualua to akumathum le tüilax.

1 KORIN 2:9

Ikoxlechu tix zale thomkya tüikya ningle, “Oja mike chingün tsuak, nae chiatat tsuak; Zange chix to künkyabu hanpakma, achwon thomkya; opupu mong tochu, ajangle lax ang chitho.”

JUD LAIZA 1:24

Owae hünzom düt ang thüikya kople thom ang tho, tamchu thaikya chemchu chitüile üntoxle mongmüi pwonla le, fuazangkya chix ngwotnui to hünzom apüi ang tho, chix ang,

ROM NOK HATO ZAKYA POL LAIZA 8:34

Jisu Khrista zikya changpu, ikoxle anaole zolaxle athax chix Zang tsaxchi ma thungle tüile. Chixe kem hanpakma Zang ma chingcha jule ngole. Ingale kem ma owawae oma huxfe ang tsuaküi lea?

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

FILIPI 1:19

chemthüikoxle hünzome zangjopkya makhange ilaxle Jisu Khrista Chasa tokhange hüikyae ku danüi le kue awanpu.

ISAIA 54:8

Onox ma mongtsik laxle kue tok aho, ikoxlechu kue nang hato ku mongkün jento aho ngoüi.” Ile nang khosünkya Jowanpae thüile.

MÜNCHUAK-TSAI 119:71

Ku to sikangünkya ku zongto müikya, chemthüikoxle ijae ku ang nang kaxtombu awan ang tomle.

MÜNCHUAK-TSAI 73:24

Nange adangle fakya füi ku lom azüi ilaxle oshukma nange ku achuakachenle pongle kop angkya changle.

WANGSHEMBU MWOT 20:23

Kun ma sho angkya hia sikngüne ku tanle ngole le tingnu pangkha towüi ku ang kaxkhün fale hüikya tata kue awanwüi.

MATHI 5:12

Mongmüilax; chemthüikoxle zangkangting to hünzom ang hingho tüihule. Hünzom thotokya ajebu tochu hwome ile wüi zothuppu.

ISAIA 64:4

Nang mong mongong thomkyabu hanpakma iningle mwot mokkya mix, nang lailaikya Zang owaechu mangün chichangba atatle machang.

MÜNCHUAK-TSAI 119:67

Nange ku to sikngün faüi thoto, ku a thaile ngohomkya, ikoxlechu athax kue nang kax-kax ma laxpu.

MÜNCHUAK-TSAI 31:19

Nang achuak-achenle tüikyabu hanpakma nange thomle tüikya oli, chemtukuxle ohünotün hex! Nang chemtukux müipuix ija noknusae awan ngopu, nang to mongong thomkyabu nange chemle ziakople kho-awa thompuix!

MÜNCHUAK-TSAI 30:5

Chix mongtsik a noxta wüi, chix müikya a tsünjangmasule. Zangnak ma mikfi jenle jukoxlax, ikoxlechu ngainop ningle mongmüi hüile.

PONGWANG LAIPEX 15:1

Ifüima Abram-e miksho ma tütali mikngünohün ngün üntoxle Jowanpae chix füi ile akaxkya atat: “Abram, nang ojao taxza chemthüikoxle kue nang to o-le thomüi tamchu hingho chongkya koxüi.”

1 JUHAN 3:2

Ku mongkün tüinaohom, athax kem a Zangsu Zangsabu changle, ikoxlechu kem chem ang achangüihex ija pak müntik. Ikoxlechu Khrista nguikya zuma, kem chix lailaile achangüi, chemthüikoxle chix chemle tüipuix ija tsaotha le keme ngün ang kopüi, ija keme awanpu.

2 THESALONIKA 1:6

Zange oja supuix ija moküi; hünzom sikngün ang tomkyabu hato Zange sikngün apüi koxüi;

2 THESALONIKA 1:4

Ikhoma kwom jao Zang müimüithom khato hünzom bama tsaichong-kaxbongpu.

KAXHO MÜIKYA LUK 6:23

Ile changkya zuma mongmüikox, pwonla tungle azüikox, chemthüikoxle hünzom hanpakma zangkang to hingho chongkya thomle. Ibu hopu hopa hwomechu ajebu to ile wüi hwonpu.

ISAIA 26:20

Hünzom ma homkhabu to dongkox, ku khünakbu, ilaxle hünzom tokfüi ma kabu hakdao. Zang mongtsik akaile hünzom onox ma azwonle ngokox.

2 TIMOTHI 2:10

ikhoma Zange zünle kopkya khünaknu kuxmale kue pangnu adu, ija a Khrista makhange ahüikya khosün hwomechu naxkoplax ang tamchu oshuk chitüikya fuazang apüi angkya hanpakma changle.

HUAKE LAIPEX 5:28

Ikoxlechu she ma thaikya chitüi thüiningle, she to chem münthüi ilaxle she-e otia ma naosom pux-paile chang ang thoüi.