2 KORIN 3:7 - OTSAO BAIBEL (BSI)

⁷ Wanlom a chakza makhange longkhua ma zapu, ilaxle ija koxkya zuma Zang fuazangkya ngün ang koppu. Mosa thünza nyankya juix füima ngaxchu, Israel khünaknue chix to ajingle hu ang chitho le nyan. Zingle dankya füima wanlom ojae zik apüipuix, ija ngaxchu ipong fuazangle ngui,

2 KORIN 3:7 ပူးပေါင်းရင်းမြစ်များ

1 KORIN 13:10

ikoxle otue okhonguikya hüiüihex izuma okho chinguikya dantox dao angkya changle.

ROM NOK HATO ZAKYA POL LAIZA 10:4

Chix to ongkyabu pangnu wüi Zang füi muamüi angkya hanpakma Khrista-e wanlom oli thudaoa.

LAIPAO 31:18

Sinai haxnukho to Jowanpae Mosa füi zangwünkya tsuak füima, Zang chix jaoe wanlom kaxtombu zalaxle tüikya longkhao anyi Mosa ang kox.

2 KORIN 3:6

Zale thomkya wanlom ma chichang le chasa ma hozün tsaotsüt thotha ang tsuakle kwom achangle fakya a chix changle. Zale thomkya wanlome zik apüile, ikoxle chasae khüzün koxle.

2 KORIN 3:3

Kwom makhange thwonkya laiza, ngünkya longkhua ma chichangle mong longkhua ma, khanti füi chichangle ozün ma tüikya Zang Chasa füi Khrista chix tomtatae zakya laiza a hünzom changpu le atsingsho.

LAIPAO 24:12

Jowanpae Mosa ang thüi: “Ku hato haxnukho to oman; nang ikhato tüipongma kue longkhua anyi koxüi. Ijama khünaknu hanpak ang kue adangle fakya wanlombu pangnu zale tüile.”

ROM NOK HATO ZAKYA POL LAIZA 4:15

Wanlome Zang ang mongma apüile; ikoxle ojong khato wanlom chitüi puix, ikhato wanlom kax ma laxkyachu müntüi.

MÜNCHUAK-TSAI 119:97

Kue nang wanlom to chemtukux mongkün puix! Kue ija bama han-ahomle ajangle.

ROM NOK HATO ZAKYA POL LAIZA 7:10

Wanlom ojae hünzom khüzün kox angkya hex, ijae ku a omang changle le ahole.

WANGSHEMBU MWOT 6:15

Nguawangbu tusox ma ngokya khünakbue Stefen to athangle hu ilaxle hwome chix thünza kaxtaimix thünza ningle ngün.

MÜNCHUAK-TSAI 119:174

Jowanpa, kue nang khosün fongkya bama chemtukux sungpuix! Kue nang wanlom ma mongmüi atakle.

TSAITONG-KAXTONG 9:15

“Idaile ku achexle haxhua tokya ju. Ku a Tsaotsüt zalaxle tüikya longkhao anyi koplaxle ju ngokya. Ija haxnu tokhange tüle wünchua laile tüikya.

ROM NOK HATO ZAKYA POL LAIZA 7:22

Ku kün-monge a Zang wanlom füi mongmüi le.

TSAITONG-KAXTONG 4:13

Chixe hünzom ang koxle tüikya Tsaotsüt otya ma thom angkya bama tsingang tomkox: ija a, longkhuabu ma zale tüikya Kaxtom Bün bama.

LAIPAO 34:1

Jowanpae Mosa ang thüi: “Owang pongkya lailaile longkhao anyi zinglax, ilaxle owangpongkya longkhao anyi, oja nange ashixle awütdaopuix, ibu ma tüikya kaxhuakbu kue ija nyi ma zafang.

LAIPAO 32:19

Chemtue Mosa hwom thongnui hato soxle nguipuix, maihupong mua hia khünaknu azüizüithale shwonkya ngünlelax, ipongma chix ang huanuma mongtsik ilaxle chix chak ma koplaxle tüikya longkhao tswonle awütle ashix.

PONGWANG LAIPEX 3:21

Khünak hia chix kakonu hokhi hanpakma Jowanpae müikhwon makhange nyi sing ilaxle ibu füi hokhi tsangtsa to chwople kox.

IBRI 9:4

Ikhama ongan müikya so zok ang hun tsap tüikya manna füi hun suk, osong chui füikya Arun kaithox üntoxle Tsaotsüt zale tüikya hun füi zingkya Tsaotsüt suak tüikya.

NEHEMIA 9:13

Sinai Haxnu ma nang zangkangting tokya ju; nange nang khünaknu füi zangwün ilaxle nange hwom ang müikya wanlombu hia sukya hwon-nwotbu kox.

TSAITONG-KAXTONG 4:8

Jat-li owa angchu, hwom tütatukux chongle tüikoxlechu, anyix kue hünzom ang anwot-ano koxkya ningkya sukya wanlom owa angchu müntüi.

TSAITONG-KAXTONG 5:22

“Ibibi a hünzom pangwüi haxhua ma athütle tüipongma Jowanpae hünzom pangwüi ang koxkya kaxtombu changle. Chemtue wün hia zangfwom makhange chixe akhongle zangwünpuix ipongma chixe ija kaxtom koxle mama münchang. Ifüima chixe ibu longkhao anyi ma za ilaxle ija ku ang koxpu.

ROM NOK HATO ZAKYA POL LAIZA 5:20

Thaikya mwot atsat ang wanlom zingpu; ikoxlechu ojongto ochax lwonle hüi, ifüi sütsexle Zang chingcha tsa le hüi.

ROM NOK HATO ZAKYA POL LAIZA 7:5

Chemthüikoxle kem müi-hi-aji mongtex ma ngopongma, wanlom makhange chüile alaikya ochax lyense tsukya mongzoke kem tsangtsa ma mwot mok, ilaxle ochax hanpakma oziak opua dünle kox.

2 KORIN 3:8

Chasa tsaosüt zingle dankya zuma fuazangkya ifüi sütsexkya changle.

GALATIA 3:10

Wanlom lwot tokya to onglaxle ngokyabu a othuak-ozome awang laxle tüile. Chemthüikoxle Otsao Lai-e akax: “Owae Wanlom Laipex ma zale tüikya pangnuli to othuithuima kax ma laxle chitüi üihex chix a Zang othuak ozom fangma tüile!”

GALATIA 3:21

Ile thüikoxle wanlom a Zang kaxtsao füikya opüi le hia? Ile otuechu münchang! Chemthüikoxle khünaknüsae khüzün koxtsuak angkya wanlom pongle kopkya jangchang thüikoxle, ija kax ma laxkya tokhange pangnusa wüi Zang zongto sukya ang achangse.

IBRI 3:3

Hom popo füi owae ija zingle alai laxpuix chixe wüi achuak achenkya süchongle atakpu. Ilailaile Mosa füi Jisu-e wüi achuak achenkya süchongle kopkoxle asu le tüipu.

IBRI 12:18

Israel khünakbu ningle ma to pole awankya hato wünchua, zangnak üntoxle zangfwom shixkya, zangchei, nyazong ozing üntoxlechu kaxzing, ibu füi tüikya Sinai haxnu to hünzom chingui.