2 KORIN 3:6 - OTSAO BAIBEL (BSI)

⁶ Zale thomkya wanlom ma chichang le chasa ma hozün tsaotsüt thotha ang tsuakle kwom achangle fakya a chix changle. Zale thomkya wanlome zik apüile, ikoxle chasae khüzün koxle.

2 KORIN 3:6 ပူးပေါင်းရင်းမြစ်များ

JUHAN 6:63

Khüzün koxkya a Zang Chasa changpu, khünak tsakzong a chem angchu münchang ikoxle kax oja kue hünzom füi akaxpuix, ijabue hünzom hato ozün ma tüikya Zang Chasa apüile fapu.

ROM NOK HATO ZAKYA POL LAIZA 7:6

Ikoxlechu tix, amiba kem khale thomkya wanlom zi ilaxle ija khak-kha chak tokya kem dandaoa. Idaile keme zale thomkya ozang wanlom ma chichang homle, Chasa ma lomtang ozün ma keme Zang thothapu.

JEREMIA 31:31

Jowanpae thüi: “Israel hia Judah khünaknu füi mama tsaotsüt hozün thom angkya tunu nguile hüile.

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

IBRI 12:24

Tsaotsüt achongkya Jisu, tamchu Abel aji füi ngaxchu sümüikya tsaosüt aji sakkya hato hünzom ngui.

IBRI 7:22

Zang tsaosüt ija tüikya khoma ija ozün tamchu sümüi le zingle dankya olom ma jento tholünkya tüi angkya bama Khrista-e kaxshing fa ang thoüi.

2 KORIN 3:14

Otsing tomtata ma hwom mongka chidap; ilaxle anyix kople hwome ozang Tsaotsüt laibu ekya zuma, hwom tutex mongtsang ija ozang nyie wüi khung laxle tüile. Khünak tuita Khrista füi notomkya zuma tix ija thünkhung nyi awütüi.

1 KORIN 15:45

Chemthüikoxle Otsao Lai-e thüile: “Pongwang angkya Adam a ozün ma ngokya tuita ang zingle alai; ikoxle oshuk angkya Adam a khüzün koxkya chasa tsün tuita ang changle”.

ROM NOK HATO ZAKYA POL LAIZA 3:20

Chemthüikoxle wanlome alomlom mokkya tokhange khünak owachu Zang füi muamüi angkya le münchang; wanlom mwot a khünak hama chixe achax daokya ochax apuale kox angkya changle.

IBRI 13:20

Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

KAXHO MÜIKYA LUK 22:20

Üntoxle fongsax füima, ile wüi wansa kop laxle thüi: “Ija wansa a hünzom hanpakma ajenkya ku aji ma Zang Tsaotsüt hozün changpu.

1 KORIN 11:25

Ilailaile, fongsax füima wansa kop ilaxle thüi: “Ija a ku aji ma Zang füi hozün Tsaotsüt changpu. Hünzome ija otukux lingpuix itukux ku texle atak angkya hanpakma moklax.”

MATHI 13:52

Idaile chixe hwom ang thüi: “Idaile wanlom nwotmixbu opang Zang Wangting füizuimix ang achangün laxpuix, hwom a ma pung angkya bwotba hozün hozang pangnu alaikya hopunu tuita ningle changpu.”

1 PITAR 3:18

Chemthüikoxle hünzom Zang hato apüi ang, ochax khünakbu khülüix to müikya khünak tuita Khrista, nok hanpakma tamfang ma ochaxbu bama zi. Tsangtsa ma chix lang ang kox, ikoxlechu chasa ma chix azang ang tom,

TSAITONG-KAXTONG 27:26

“‘Zang wanlom hia hwon-nwotbu kax ma chilaxle tüikya mix to Zang-e thuakzomkya tüikox.’ “Noknusae lanüi, ‘Amen!’

1 TIMOTHI 4:6

Nang kaxbu ilaxle nange man tole hüidaokya otsingtsing hwon-nwot füi chasa ma nang tuxle ngopongma, tüinaohom hato nange ibu adangle jangfaba, nang a tuita Jisu Khrista da müikya mix ang changüi.

EFISIA 3:7

Ataxkya chix zong mwot makhange kopkya, tamsüikya Zang hingho tokhange ku a Kaxho Müikya da ang achang.

GALATIA 3:21

Ile thüikoxle wanlom a Zang kaxtsao füikya opüi le hia? Ile otuechu münchang! Chemthüikoxle khünaknüsae khüzün koxtsuak angkya wanlom pongle kopkya jangchang thüikoxle, ija kax ma laxkya tokhange pangnusa wüi Zang zongto sukya ang achangse.

2 KORIN 3:7

Wanlom a chakza makhange longkhua ma zapu, ilaxle ija koxkya zuma Zang fuazangkya ngün ang koppu. Mosa thünza nyankya juix füima ngaxchu, Israel khünaknue chix to ajingle hu ang chitho le nyan. Zingle dankya füima wanlom ojae zik apüipuix, ija ngaxchu ipong fuazangle ngui,

1 KORIN 12:28

Müimüithom ma Zange chifün tankya a: Pongwang angkya chifün ma wangshembu, anyi lükya ma ajebu, azom lükya ma anwot-anokyabu, ifüima ohünotün mwot mokkyabu, ifüima kaklak amüikyabu, mix to fongtsox angkyabu, apün-awang angkyabu, chitsingkya kax ma zangwünkyabu.

1 KORIN 3:5

Jangchang thüiba, Apolo a owa? Üntoxle Pol a owa? Kwom nang, hünzom mongong hato zunle ahüi angkya hanpakma ngokya Zang da muakyabu changwüi. Kwom pangnusasae wüi Zange ma ang akoxkox mwot mokwüi.

ROM NOK HATO ZAKYA POL LAIZA 4:15

Wanlome Zang ang mongma apüile; ikoxle ojong khato wanlom chitüi puix, ikhato wanlom kax ma laxkyachu müntüi.

JUHAN 5:21

Chemthüikoxle chemle Hopae zidaokyabu chatle zo ang tom le hwom ang khüzün hoxpuix, ija ningle chix mongtsukyabu ang Hosaechu khüzün koxtsuak angkya changle.

MARK 14:24

Anaolechu chixe hwom ang thüi: “Ija a ku füi tsaosaxkya aji changpu, oja khünaknu hanpakma chiak laxpuix.

MATHI 26:28

chemthüikoxle ija a Zang Tsaotsüt hozün changle tamchu khünaknue ochax thailak atak angkya hanpakma awütkya ku aji changle.

2 KORIN 3:9

Mikmax angkya zangwün olom ipongpong fuazang; khosün angkya mwotlom tomning ito nüile fuazang changle.

ROM NOK HATO ZAKYA POL LAIZA 4:17

Otsao Lai kax ma akaxkya ningle: “Kue nang chaxwannu hopa ang zingpu.” Idaile, Zang owae zidaokya chatle azang ang kox üntoxle owa kaxtom ma chitüi jaokya oli laile tüi ang koxle changkya Zang owa to Abrahame ongpuix, ija Zang miksho ma kaxtsao a sule ngünle.

ROM NOK HATO ZAKYA POL LAIZA 1:5

Khünaknu pangnu jat-li tokya wüi mongong hia kax ma laxkya hato zunle ahüi angkya hanpakma, Khrista mün hanpakmale, chix makhange Zange ku ang wangshem tuita ang achang angkya osho fa.

1 JUHAN 1:1

Owang tokhange wüi tüikya khüzün kax bama kwome hünzom hato zale ngo. Kwome ija atatpu, üntoxle kwome ija kwom mik füi ngünpu; changle, kwome ija ngündaoa, üntoxle kwom chak füi Ija to twondaoa.

2 TIMOTHI 1:11

Kaxho Müikya apuk-apua angkya hanpakma Zange ku wangshem tuita ang kamle kopkya changle.

EFISIA 2:5

kem kax ma chilaxle ochax ma ngotanto wüi Khrista füi tomle ozün ma ngo ang chixe kem shak. Idaile hünzom khosünle kopkya a Zang chingchae tix changle.

1 KORIN 3:10

Zange ku ang fakya hingho twonlaxle, homzing manpa mwot kue mok ilaxle hom tale toxdaoa, ilaxle mama mixe ija ma zingle ngole. Ikoxlechu pangnunue wüi mae chemle zinglaxpuix, ija bama khünkhi angkya changle,

EFISIA 2:1

Hünzom kax ma chilaxle hüikya ochax khoma amiba hünzom a chasa lom ma omang changkya.

2 KORIN 3:3

Kwom makhange thwonkya laiza, ngünkya longkhua ma chichangle mong longkhua ma, khanti füi chichangle ozün ma tüikya Zang Chasa füi Khrista chix tomtatae zakya laiza a hünzom changpu le atsingsho.

2 KORIN 11:23

Hwom Khrista dabu changpuix nyi? Kue ongat ningle akaxpu: ikoxle ku wüi hwom füi sümüikya da tuita changpu! Hwom füi süchongle kue wüi mokdaoa, ku kun to obi thomthom ma hexle ngodaoa, zu füi ku towüi süchongle fitdaoa ilaxle obi thomthom ma hexle bazizio le azangkya changpu.

IBRI 8:13

Ozün Tsaotsüt zangwün tokhange, Zange owang pongkya mix ozang ang achang; üntoxle chemli ozang ang tamchu oshan ang achangpuix, ija lebama wüi osün chingün le changüi. Le changüi.