2 KORIN 3:18 - OTSAO BAIBEL (BSI)

¹⁸ Idaile kem noknusae wüi thünkhung nyi chithom homle, Jowanpa fuazang ocha ngün ang tomhax; üntoxle Chasa owa, Jowanpa tokhange hüipuix, ija fuazang tuitatae wüi, kem chix lailaile otax-onüi fuazangkya ma lüile azün ang koxüi.

2 KORIN 3:18 ပူးပေါင်းရင်းမြစ်များ

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

1 KORIN 13:12

Athax keme chem ngünpuix, ija a chahu mongto ocha ngünkya ningle changpu; ifüima keme thünkhang asaole ngünüi. Athax kue chem tsingpuix ija a süifi-süitex; ifüima kue tsingle ngokya ningle ibu pangnu komkaile tsingle laxüi.

KOLOSI 3:10

ilaxle mixzün awunlaxle ngoüna. Hünzome chix tsingwankya okhonguikya hato ahüi angkya hanpakma, zingpupae chix lailaile zingkya othuithuima azünle zing ngokya a ija tsün hozün changle.

ROM NOK HATO ZAKYA POL LAIZA 8:29

Tüi-hi-naohom khama Zang Hosa puxkya owang ang achang angkya bama, Zange opang kamle kopdao laxpuix, tamchu chix Hosa ningle achang ang süile danle.

1 KORIN 15:49

Keme chemle haxwan makhange zingkya sünjo laxpuix, ija ningle keme zangkangting tokya nguikya khünak tuita sünjochu lax angkya changle.

2 KORIN 5:17

Tüta mix wüi changlax, otue Khrista po ma nyemüihex, chix a tuita hozün khüzün changpu; ozang a toxdaoa, hulax, hozün ang achangle hüile.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

JAKOP 1:23

Kax apa zaza laxle mwot ang achangle chimok thüiningle nang a süntsing to hulaxle, chemle tüipuix ilailaile, ma alüile ngünle laxkyabu füi tuita.

JUHAN 17:24

“Apa, nange ibu ku ang koxdaoa, idaile ku ojong to ngoüi hex, hwomchu wüi ija khato ngo angkya a ku mongtex changle. Ile oja fuazang nange ku ang koxdaopuix, ija hwome naxngün; chemthüikoxle chaxwannu mazing tanto wüi nange ku to mongkünpu.

TITA 3:5

chixe kwom khosün. Ija ma keme lita müikya mwot mokdaokya khoma le chichang, ikoxle chix chingcha tokhange tix chixe kem khosünpu. Ija khosün mwot chixe, kem sole atsaokya ilaxle azünle puxkya hia tsün ozün fakya Otsao Chasa makhange mok.

ROM NOK HATO ZAKYA POL LAIZA 8:7

Idaile khünak tuita khangka müi-hi-ajie apünkya tokhange chix Zang zongto zan ang achangle; chemthüikoxle chixe Zang wanlom kax ma chilax, ilaxlechu ija kax ma laxtsuak angkya münchang.

ROM NOK HATO ZAKYA POL LAIZA 8:4

Khünak müi-hi-aji olom ma chichang homle Chasa mongtex ma ngokya lima wanlome jukya otsao mongtex ma sha angkya hanpakma Zange ija ile mok.

JUHAN 12:41

Isaia-e ija kax Jisu fuazang ngünlaxle chix bama akaxpu.

ROM NOK HATO ZAKYA POL LAIZA 13:14

Ikoxle Jowanpa Jisu chang hi pax koplaxle, ilaxle chix mongtsukya, mongzom amüi ang, ochaxbu zanglom to hünzom mong ko

GALATIA 6:15

Khünak tuita khwonzüt zom ma chiwompuix wompuix, ija tüichongpa münchang, ikoxle tüichongpa a hozün zingkya ang achangkya ma tüile.

1 TIMOTHI 1:11

Mohiman hia fuazangkya Zang tokhange kopkya Kaxho müikya oja apuk-apua angkya ku ang koxle thompuix, ija Kaxho Müikya ma ija hwon-nwot tüile.

MÜNCHUAK-TSAI 84:7

Hwom paole ngopongma sisile tsak-zong tüile chang; hwome Zaion ma baozangbu thak angkya Zang ngün ang kopüi.

JUHAN 17:22

“Künyi chemle tuita hex, ija ningle hwomchu wüi tuita ang naxchangle nange ku ang fakya fuazang tuitata wüi kue hwom ang koxdaoa;

2 KORIN 3:17

Athax: “Jowanpa”, le ija kaxzyen ma akaxkya a Chasa ang thüipu; ilaxle ojongma Jowanpa Chasa tüiüihex, ikhama mongtex pankya tüiüi.

1 JUHAN 3:2

Ku mongkün tüinaohom, athax kem a Zangsu Zangsabu changle, ikoxlechu kem chem ang achangüihex ija pak müntik. Ikoxlechu Khrista nguikya zuma, kem chix lailaile achangüi, chemthüikoxle chix chemle tüipuix ija tsaotha le keme ngün ang kopüi, ija keme awanpu.