2 KORIN 3:14 - OTSAO BAIBEL (BSI)

¹⁴ Otsing tomtata ma hwom mongka chidap; ilaxle anyix kople hwome ozang Tsaotsüt laibu ekya zuma, hwom tutex mongtsang ija ozang nyie wüi khung laxle tüile. Khünak tuita Khrista füi notomkya zuma tix ija thünkhung nyi awütüi.

2 KORIN 3:14 ပူးပေါင်းရင်းမြစ်များ

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

ROM NOK HATO ZAKYA POL LAIZA 11:25

Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

WANGSHEMBU MWOT 16:14

Kwom kax apakyabu khama Lidia, Thaitira tokya, baxnat nyinu thalexkya mixcha tuita tüikya. Pol zangwün to mongkoxle apa angkya she ang Jowanpa-e mongka daple kox.

WANGSHEMBU MWOT 13:15

Mosa wanlom angkya hia ajebu lai angkya e üntoxle sinagok angkya alixachonge hokhi hato kaxhole thüi: “tüinao nyi, hünkhi ma zong adün angkya kax chemchem jangtüi thüiningle kwome, khünaknu füi hünkhi tam namakaxbae le textüia.”

JUHAN 12:46

Ku to ongkyabu owachu zangnak to chingo angkya kuxma ku a chaxwannu zangngai ang nguipu.

JUHAN 12:40

“Zange hwom miksutbu ang achang daoa, ilaxle chixe hwom mongtsang atsakdaoa; ile chichang hwome mik füi ngünse; ma mongtsang füi ajang ang those; ilaxle hwom mong chatkoxle, kue hwom müi ang tomse.”

JUHAN 8:12

Anaolechu Jisu-e farisibu ang thüi: “Ku a chaxwannu zangngai; ku füito azuikya khünakbu zangnak ma münaham, ikoxle hwom ma khüzün zangngai tüiüi.”

MATHI 16:17

Jisu-e akax: “Nang a Juna sasün Simon, nang mohiman naxchang; chemthüikoxle khünak makhange chichangle, nang hama ija kax a zangkangting tokya Apae apua fakya changpu.

MATHI 13:11

Jisu-e hwom ang thüi: “Zangkangting huxsa zangwün tsing angkya hünzom ang koxdaoa ikoxlechu khünaknu ang ija chifa.

MATHI 6:23

Ikoxle nang ang mik chimüiba, nang tsangtsa pangnu kha wüi zangnak to ngoüi; ile nang mong ma tüikya zangngai zangnak tukle jangngo thüikoxle ija zangnak otukuxkya zadün tuita hex?

EZEKEL 12:2

“Ziün angkya khünak, nang a alün-aloxle tüikya khünakbu khato ngole. Hwom ma mik tüile, ikoxchu hwome chemchu chingün; hwom ma na zaile, ikoxchu hwome chemchu chiatat, chemthüikoxle hwom a alün-aloxle tüikyabu chang koxle.

JEREMIA 5:21

Na thale apalax, hünzom ongat-ongüi tamchu chemchu chitsingkyabu, hünzom ma mik tüipu ikoxlechu chingün, na tüipu ikoxlechu chiatat.

ISAIA 44:18

Iningkya khünakbu a hwome chem mokpuix ija awan ang ngaxchu chithokya ongatbu changpu. Hwome otsingtsing hanpakma ma mik hia mong ka hakle.

ISAIA 59:10

ilaxle kwom pangwüi mikpwompabu ningle pwomle aham. Tungto-sejale kwom chikho thu; ija a zangnak-kha ningle tamchu amalumfang zangnak fang ningle süt.

ISAIA 56:10

Chixe thüi: “Lompabu pangnu, opange ku khünaknu azale changsepa hex, hwom a miksutbu changle! Hwome chemchu müntik. Hwom a hom nye ang thomkya chitwomkya hi ningle changle — hwome wünmang bama atse zaza ang awanle. Hwome jiple ngosele chemtukux tsupuix!

ISAIA 6:10

Ifüima chixe ku ang akax: “Ija khünaknu kün-mong oba ang achang kox, hwom nabu ba ang tomkox, hwom mikbu apwom ang tomkox, ikoxtix hwome ngün ang chithoüi, atat ang münthoüi, ilaxle tsingle lax ang münthoüi. Hwome ile tsuakle jangchang, hwom ku hato mong lüile hüiüi ilaxle kakmüi angkya ataküi.”

MÜNCHUAK-TSAI 69:23

Hwom to chakmokle mik asut ang tomkox! Hwom tok-khia jento naile max ang tomkox!

2 KORIN 3:6

Zale thomkya wanlom ma chichang le chasa ma hozün tsaotsüt thotha ang tsuakle kwom achangle fakya a chix changle. Zale thomkya wanlome zik apüile, ikoxle chasae khüzün koxle.

ISAIA 25:7

Onokbu khangkho ma ashale tüikya mongtsik zangfwom chixe allele awütüi.

WANGSHEMBU MWOT 15:21

Chemthüikoxle Mosa wanlom a nazak nyix chithaile sinagok ma ekya changle ilaxle chix kax a pangnu ting-hax towüi apua anole tüile.”

2 KORIN 3:15

Anyix kople hwome Mosa wanlombu ekya zuma, hwom tutex mongtsang nyi füi khungle wüi tüile.

EFISIA 4:18

Zange fakya tsün ma hwom hak angkya jao münchang, chemthüikoxle hwom a ojao chitsing chiwan ilaxle kheba chithüikyabu changle.