2 KORIN 3:12 - OTSAO BAIBEL (BSI)

¹² Ija monghom tüikya khoma, kwome mongchyen füi zangwünpu.

2 KORIN 3:12 ပူးပေါင်းရင်းမြစ်များ

2 KORIN 7:4

Hünzom to ku mong ojao münao; hünzom hanpakma ku mong itukux ngampuix! Kwome apongle hüidao künu sikngüne, otuechu ku ang mong münahik; itülüi, othuithuima ku mongmüie awang laxle ngopu.

FILIPI 1:20

Zudaole ku mongtsukya hia monghomkya a kue ma mwottho ma otuechu thaile chichang angkya, itülüi thüikox, othuithuima, tamnüilechu ipongkhae, ku ozün ma wüi ngolax chichangba ziwüi-zilax, ku khüzün tsüne komle Khrista hato münchong achuakkya apüi angkya hanpakma ku a mongchyene awangle ngo angkya changle.

WANGSHEMBU MWOT 4:13

Pitar hia Juhan nyi mongchongkya ngünlaxle hokhi a man-ngünkya chemchu chitüikya nyi le awanlaxle nguawangbu pangwüi abüt. Okhi a Jisu füi ngokya nyi changpu le hwome tsingle lax.

JUHAN 16:29

Chix wangshembue akax: “Hulax, athax nange kaxpan füi chichang homtoxle ngaitho le akaxle.

1 TIMOTHI 3:13

Ibu müimüithom ma fongmixbu opange ma mwot müile moklaxpuix, hwome ma chifün oshing amongpu ilaxle Jisu Khrista tokya ma mongong bama hwome mongchongle zangwün ang thoüi.

1 THESALONIKA 2:2

Kwom Thesalonika to hünzom hato nguiüi thoto Filipi ma kwom to chisumüile tamchu ahai le chemle hwondao laxpuix, ija hünzome awan ngopu. Ile kwom zan to kale mokkyabu tüihu koxlechu, chix makhange hüikya Kaxho Müikya hünzom hama wün ang kwom Zange kwom ang mongchyen fapu.

KOLOSI 4:4

Akaxse jaoa le, ija tsingle angaile kue akax tsuak angkya bama kwom hanpak ang zangjop hüi.

2 KORIN 10:1

Pol ku jaoe hünzom füi akaxpu, hünzom hama tüipongma ku a zakhut mix ang achang, ikoxle hünzom ha angkya atsaikya zuma ku ang mongchongle le khünakbue akaxle. Khrista ningle ku somdangle tüise texpu.

2 KORIN 4:13

Otsao Lai-e akax: “Ku mongong tüikya khoma kue akaxpu.” Ija chasa tuita mongong ma kwomechu kwom mongong tüikya khoma akaxpu.

1 KORIN 14:19

Ikoxlechu zangshwom-hom ma mix ang anwot anole fa angkya hanpakma, chitsingkya kax ma kaxkhap hajat akaxkya füi, ku tutex makhange kaxkhap aga wüi akaxüi.

WANGSHEMBU MWOT 14:3

Pol hia Barnaba nyi ikhato hatdang obibi hex nui. Okhie owa thuachu chizale Jowanpa Jisu bama zangwün. Jowanpa-e kaxkhi ang khomtsikya hia ohünotün mwotbu mok angkya zong koxlaxle hokhie chix chingcha bama zangwünkya otsingtsing changpu le aho.

WANGSHEMBU MWOT 9:29

Grik kax ma wünkya Jehudi nokbu füi chix kax machu alat, ikoxlechu hwome chix mik amüt ang azong.

WANGSHEMBU MWOT 9:27

Iponge Barnaba chix to fong ang hüi ilaxle chix wangshembu hato apüi. Sol-e Damaska panja ma Jowanpa apongkya üntoxle Jowanpa-e chix füi akaxkyabu pangwüi chixe hwom hama thutle wün. Damaska to Sol-e mongchyen füi Jisu mün ma hwon-anokya bamachu wüi chixe hwom hama wün.

JUHAN 16:25

“Kue kaxpan füi ibu hünzom hama akaxpu; ikoxle kaxpan chilax homtoxle kue Apa bama hünzom hama ngaitho le akax angkya tunu nguile hüiüi.

JUHAN 10:24

Jehudi khünakbu chix akhople afoxlaxle chix ang thüi: “Nange kwom ang kho otukux asamle thom angkya? Nang Khrista jangchang thüichu angaile akax hüi.”

2 KORIN 3:11

Janba ma ngotox angkya fuazang ngaxchu ipongpongle chang, oshuk chitüi le fuazang angkya tomning otukux fuazangle tüiüi!

FILIPI 1:14

Üntoxle ku kun to ngokya makhange Khrista ma tüi-hi-naohom süchong tukux ang Jowanpa hanpakma mongao ojao chitüikya mongong fale, ikhoma kaxho apukkya zuma hwom ang mong süchong süchongle chongle.

FILEMON 1:8

Khrista ma kue nang ang, nange mok angkya oli mok ang kaxtom kox ang ku ma mongchyen müntüile münchang,