2 KORIN 2:3 - OTSAO BAIBEL (BSI)

³ Kue hünzom waise chitsu laxle ija lai zapu, chemthüikoxle ipongkhae kue hünzom waikoxle ku ang mongma angkya ataküi. Ku mong amüise a hünzom changhupu ikoxle hünzom mong ama ang ku chemto nguiüi; chemthüikoxle ku mongmüi füi tomle hünzom pangnu ang wüi mongmüi angkya atsingsho.

2 KORIN 2:3 ပူးပေါင်းရင်းမြစ်များ

GALATIA 5:10

Ikoxlechu athax kople kue hünzom to mongaokya müntüi. Kem tsün khüzün Jowanpa füi notomkya tüikoxle, ku mongjang füi apüile bangüi le hünzom to ku mong münao, ilaxle owae hünzom mong ama laxpuix, Zange chix ang sikngün fa angkya tüiüi.

2 KORIN 8:22

Ilaxle kwome hwom füi tomle kwom tüinao tomle apaopu; obi thomthom ma hexle kwome chix to wanle anokoxle chix ma fongtsoxse le tsukyakya wüi ngün ang kople. Üntoxle athax chixe hünzom to mong ojao chiao laxle sisile chix mongto fongtsoxse le tsukya tüile.

FILEMON 1:21

Kue ija zapongma, kue nang ang chemle akaxpuix, ija nange moküile ongpu: ingaxchu nange ifüi sütsexle mokle faüile kue ongpu.

2 KORIN 7:12

Kue ija lai zadaobachu, owae thaile mokdao laxpuix chichangba owae thai ang tomlax puix, hwom kuxmale zakya münchang. Hünzome kwom hanpakma sukya mokle ahose le thütkya, Zange awanle tüile le hünzom bama tsaotha le angai angkya hanpakmale kue ija zakya changpu.

2 THESALONIKA 3:4

Üntoxle Jowanpa-e kwom ang hünzom to mongong chalom tüi angkya fale, ilaxle kwome hünzom hama chem apuapuix, ija hünzome mokle ngole tamchu ija thuithui le mokle leüi le ojao mong chiaole kwome mongong thompu.

2 KORIN 12:21

Ku hünzom hato nguikya zuma, ami pongma changdaokya ningle nakchang; Zange ku ang hünzom khoma zak nak-akople zamaxündai. Amipongma mokle ngokya ochaxbu otya ma mokle ngokyabu opange chinunchakkai; chakzong-kwonte tamchu ma ma thünzak chitüi le mokkyabu danle chitox homtoxle tüilaxpuix, hwom hanpakma ku mikfi ajen angkya to ku zamaxündai.

2 KORIN 12:11

Kue ongat ningle mok ngopu, ikoxle hünzom tokhange kue ile mokpu. Ku bama achuak achenle wün angkya a hünzom changse. Chemthüikoxle ku chemangchu chichangle tüikoxlechu, hünzome “ataxkya wangshembu”, le ekyabu füi ku tütali lom machu ahixkya münchang.

2 KORIN 7:8

Ku laizae hünzom to tübit le akakdaoa le awanlaxle ku mongto jangba hex le texngole, ikoxlechu janba ma kakwüi le awanlaxle athaxpi kue ile müntex.

2 KORIN 7:6

Ikoxlechu Tita hüikya makhange, künmax mongshanle ngokyabu mong achenle fakya Zange kwom mong machu zong adünle fa.

2 KORIN 1:15

Ibu hanpakma mongao ojao chitüi le hünzome thom anyi ma mohiman naxkoplax ang, pongwang ma hünzom shongwaise le ku mong katzua changpu.

1 KORIN 4:21

Ku hünzom hato sansüi füi nguiüi hia, chichangba chasa mongkün füi jonai ma nguiüi? Hünzom zongma opupu suüi?

2 KORIN 1:23

Ku ngui ilaxle sale hünzom mong nak ama le ku Korin to münngui ngole mongzangwünle tsuakkya khoma; ija bama hünzom mongmakya chitüi angkya hanpakma, ku khosele kaxkhi fa ang kue Zang sepu ija chixe awan.

2 KORIN 2:9

Hünzom thwontsing apongkya tukma chemle ajongpuix ilaxle kue adangle fakyabu kax ma lax ang achwonle tüilaxma hex le opaktik angkya hanpakma kue ija laiza fapu.

2 KORIN 7:16

Kue mongao angkya ojao chitüile hünzom ngünlaxle ku ang mong huanuma müipu.

2 KORIN 13:10

Ija khoma ku hünzom füi atsaile tüipongma wüi kue ija lai zapu. Ija a, Jowanpa-e ku ang, hünzom pünle ama ang chichangle, hünzom zingle amüi ang fale thomkya zong, ku nguikya zuma zongma laxle chitwon angkya kuxmale changle.