2 KORIN 2:14 - OTSAO BAIBEL (BSI)

¹⁴ Ikoxlechu Zang ang münchong naxtüi! Chemthüikoxle Khrista füikya notom ma Khrista ma tholünkya sungdün ngadongle lekya jenthom Zange othuithuima thothut. Khrista bama tsingwankya ongan müile pangnu khato apuk-apua kox angkya Zange kem twonle.

2 KORIN 2:14 ပူးပေါင်းရင်းမြစ်များ

ROM NOK HATO ZAKYA POL LAIZA 8:37

Changle, ibu pangnu ma kem to mongkünkya chix makhange keme anaokya tüile.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

ROM NOK HATO ZAKYA POL LAIZA 6:17

Ikoxlechu Zang ang münchong fahax! Chemthüikoxle hanpak tuita ma hünzom ochax dabu changkya; ikoxle hünzome pongle kopkya hwon-nwot ma bangkya otsingtsing kax ma hünzome kün-mong tokhange bakle lax.

2 KORIN 9:15

Otha chitüikya chix hingho khoma keme Zang ang münchong fahax!

KOLOSI 2:15

Üntoxle Khrista-e pünsak ma chix lailai to chasa ma apün-awangkyabu tamchu akhokya tsakzong chak tokya dan-pan, ilaxle hünzom ochaxbu komle paokya Khrista-e pünsak ma tholünkya tokhange chaxwannu hato angaile aho.

TSAITAX-NGAONÜI 1:3

Nang zui ma ongan müikya nganüntong; nang mün lünlünba ija atum laxle. Nang to mongkün angkya ku owa chamüinuechu abax ang müntho.

MÜNCHUAK-TSAI 106:47

Jowanpa, kwom Zang, kwom khosünfa, ilaxle chaxwannu chak tokya kwom chatle chat ang tomhüi, kwome nang ang münchong fatsuak angkya kuxma tamchu nang otsao mün achuakle tsuak angkya kuxma.

ROM NOK HATO ZAKYA POL LAIZA 15:19

Idaile Jerusalem makhange Elirikam alople ahamkya bama lomjang fole, Khrista bama Kaxho Müikya komkaile apuk-apua daoa.

MIKNGÜN-OHÜN 7:12

hwome thüi: Amen! Achuak achenkya, fuazang, je-hwon, münchong fakya, chathua zakya, tsakzong üntoxle tholünkya, jento kem Zang kux wüi naxchang! Amen!

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

MÜNCHUAK-TSAI 148:14

Chixe chix jat-li tsak-zong ang tom, chix khünaknue chix achuak angkya hanpakma: chixe tüle mongkünkya Israel, chix khünaknue a. Jowanpa achuak kox!

KOLOSI 1:6

Pongwang ole atatkya nyix ijae hünzom mong alüixkya üntoxle Zang chingcha chongkya tsingle lax ang fakya lailaile, hünzom hato hüikya Kaxho Müikya tuitata wüi khünaknu tsün lüile koxle chaxwannu faole aham ngole.

FILIPI 4:18

Ipongkhae ku ma kue alomlom komle tüile: ingaxchu onüi tüile! Epafrodita nguikya zuma hünzome ku ang koxkya hinghobu kopkya tokhange ku okhonguile tüile. Ibu a Zang zongma müikya ongan müile ngankya tö tuita ang achangle.

EFISIA 5:20

Kem Jowanpa Jisu Khrista mün ma, Hopa Zang ang pangnu li towüi jento mongmüikya münchong fakox.

2 KORIN 8:16

Hünzom to fong ang kwom mongtsukya ningle Tita angchu mongtsu ang koxkya khoma kwome Zang ang münchong fapu.

2 KORIN 1:11

Ikhoma kwom hanpakma zangjopkyabu to lanüi, üntoxle Zange kwom to mohimanüi; üntoxle kwom hanpakma münchong fale khünaknue Zang hato ma dingzak nwonüi.

1 THESALONIKA 3:9

Athax a kwome hünzom bama kem Zang ang münchong fa ang thoüi. Hünzom khoma chix chitong ma kwom ma tüikya mongsom bama kwome chix ang münchong fapu.

1 KORIN 15:37

Ilaxle nange küikya a nyem daokya opün küikya chichang, ikoxle tsaxtsang wüi changlax chichangba mama tütali tsang wüi changlax, otsang zaza küiwüi.

EZEKEL 20:41

Hünzom chiakle tüikya haxtokbu tokya kue hünzom apüilaxle asox-atom ang tomkya füima, hünzome apüilaxle zokle ashunle koxkya töbu kue pongle kopüi, ilaxle jatlibue ku a otsao changle le ngün ang kopüi.

JUHAN 16:33

Ku füikya notom ma hünzome mongsom kop angkya kuxma, kue ibu hünzom füi akax ngopu; chaxwannue hünzom to sikngün zolit ang tomüi, ikoxlechu mong chonglax; chemthüikoxle kue chaxwannu to anao daoa!”

ROM NOK HATO ZAKYA POL LAIZA 1:8

Pongwang ma hünzom pangnu hanpakma, Jisu Khrista makhange kue Zang ang münchong fapu; chemthüikoxle hünzome Jisu Khrista to mongongkya zing zangfange atat ang kople ngole.

1 KORIN 12:8

Chasae mixhuak tuita ang je-hwone awang angkya kaxho koxle, ilaxle ata mixsün ang ija chasasae wüi tsingwankyae awangkya kaxho koxle.

1 KORIN 15:57

Ikoxlechu Khrista Jisu makhange kem ang lütkya koxkya Zang ang münchong fakox.

1 THESALONIKA 1:8

Mesidonia hia Akaia makhange hünzom angkya Jowanpa kaxho tata paokya chichang, ikoxle Zang tokya hünzom mongong bamachu wüi pangnu chito pule pao. Ifüima kwome akaxse lükya oli chemchu müntüi.

1 TIMOTHI 2:8

Zangshwom tusox pangnu khato wüi lüka mixmüibue ochax, mongtsik hia kax ma alankya chemchu chitüi homle, otsao chak Zang hato nwonle zangjop koxle müisele kue texpu.

2 TIMOTHI 2:2

Khünak obiobi thüntho ma nange atatle kue apuk-apuakya hwon-nwot koplax, ilaxle mae mongongkyabu opange mamabu hatochu anwot-ano ang thoüihex, ibu ang ija mokle pao ang laxkox.