2 KORIN 13:9 - OTSAO BAIBEL (BSI)

⁹ Kwom a shonai ikoxlechu hünzom tsakzong le changkya zuma kwom mongmüile. Ikhoma hünzom chuwüi nguiwangkya ang achang angkya kwom zangjop changle.

2 KORIN 13:9 ပူးပေါင်းရင်းမြစ်များ

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

1 KORIN 4:10

Khrista kuxma kwom ongatbu, ikoxle hünzom a Khrista ma jetüi hwonlangkyabu. Kwom a shonaile ikoxle hünzom a tsakzongle. Kwom a wünhaile ikoxle hünzom a achuak achenle!

1 THESALONIKA 3:10

Kwom huake hünzom ngün ang kop angkya üntoxle hünzom mongong hanpakma chempang laxli hex ibu fatsuak angkya bama kwome zangnak zangngaile kwom monge bakle chix to joppu.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

IBRI 13:21

Chix mongtex mwot mok ang mongsom Zange hünzom hanpakma laxli müikya oli pangnu füi angui awangle naxfa, tamchu Khrista makhange chixe chix mong amüi angkya oli kem ma naxmok. Üntoxle othuithuima Khrista ang fuazangkya naxchang! Amen.

IBRI 12:23

Zangkangting to mün zale tüikya oputwang thom pwonla tusox to hünzom ngui. Noknu kaxfünpa Zang üntoxle nguiwangkya ang achangkya otsao khünak chasabu hato hünzom ngui.

IBRI 6:1

Idaile owang pongkya khristan kaxho füito dantoxlaxle kempi mixmüi zangwün hato thoto lehax. Tüta pongchu chithap angkya mwot füi atsai laxle Zang to mongongle hüikya

2 TIMOTHI 3:17

ikoxletix Zang thothakya mix asukya ang achangüi ilaxle müikya mwot pangwüi mok ang zongmo apongle changüi.

KOLOSI 4:12

Tuita Jisu Khrista da, tamchu hünzom othom kha angkya Epafra tokhange salam. Tsün tsongdaokya tamchu mong komle alüix daokya khristanbu ningle, Zang mongtex kax ma laxlaxle hünzom shingmong le ajong ang koxhüi le Zang ma jule, chixe hünzom hanpakma jento zangjople.

KOLOSI 1:28

Ikhoma kwome nok hato wüi Khrista apuk apua. Khrista ma mixhuak pangnu wüi tsongkya ang achangle Zang ngwotnui to pangnu wüi apüi angkya hanpakma kwome otsuaktsuak ma hwom ang kaxkhün akax ilaxle anwot-anopu.

2 KORIN 11:30

Ku mong a ngam angkya wüi changle, ku ang zongshole ahokya olom bama ku mong ngam angkya wüi changle.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

ROM NOK HATO ZAKYA POL LAIZA 15:2

Itülüi, kem pangnusae wüi, chix zongma naxmüi le, chix mongong ma zong tüikya khristan tuita ang zing ang matüi manao mong amüi angkya changle.

1 KORIN 1:10

Kem Jowanpa Jisu Khrista mün ma kue hünzom füi akaxpu, kutüi-kunaohom, hünzom khama ahak ahanle chitüi angkya kuxma, hünzom tuita ma tsaino-kaxno tomlax;

1 KORIN 2:3

Idaile ku hünzom füi tüipongma ku shonaile hia zakyae pangnu kha abünle süt,

2 KORIN 13:4

Chix pünsak ma takle lang pongma zong shole maxkya otsing tomta changle. Ikoxlechu athax a Zang tsakzong makhange Khrista a ozün ma tüile. Kwom chuwüi chix füikya notom ma, shonai le tüile. Ikoxlechu otue kwom Korin to ngui ilaxle hünzom füi asax-amok, izuma ozün ma tüikya Khrista füi tomle kwom asoxüi ilaxle iningle kwom ma mok angkya Zang tsakzong tüiüi.

2 KORIN 4:12

Ija a kwom ma zik-mwot suapu, ikoxlechu hünzom a azün ang suapu.