2 KORIN 13:5 - OTSAO BAIBEL (BSI)

⁵ Hünzome ma to alüile wanle anolax üntoxle kaxfün le anolax, izuma hünzom mongong ma ozün ma ngokya chichang changpuixle ataküi hex. Hünzom ma Khrista tüile le hünzome matsing hex nyi? Ile chichang thüiningle hünzom komkaile thaingoüna.

2 KORIN 13:5 ပူးပေါင်းရင်းမြစ်များ

MANGSOP 3:40

Keme kem lomtangbu ajangle anohax ilaxle Jowanpa hato chat-hax.

1 KORIN 11:28

Idaile noke wüi pongwangma ma thwon shongtsing koplax, ilaxletix an sax ilaxle wansa angkya linglax.

1 KORIN 9:27

Ile mix hato apua anolaxle mawüi thaile nakbang le kue ku tsangtsa to chakthome tople atsak laxle akumathum ang tsuakpu.

MIKNGÜN-OHÜN 2:5

Nang otukux atsaile dütünpuix ajangle anohu! Nang ochaxbu tokya chatlax ilaxle owang pongkya ningle sax-mok lax. Ma ochaxbu tokya nang chichat thüiningle, ku nang hato nguiüi ilaxle thomnui angkya nang wüntik dannui laxlax toxüi.

GALATIA 6:4

Pangnusasae wüi mae mokkya mwot chimüi hia müipuix ajangle huno angkya changle. Chixe müikya mwot mokdaokya jangchang thüiba, owawae mokdaokya füi tamchiapyen ngo homle, mae mokdaokya bama chix zongdong ang tsuak.

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

1 KORIN 11:31

Ikoxle keme mathwon müile tsingle jangchang daoba, Jowanpa-e shoma khato uakya khato kem münhak.

TITA 1:16

Hwome Zang tsingle le thüitüia, ikoxlechu hwom mwot makhange chitsing khato le ahole. Hwom a, müikya mwotli tuitachu mok ang chiasukya miktsak füikya hia kax ma chilaxkyabu changle.

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

JUHAN 14:23

Jisu-e lanle chix ang thüi: “Owawae ku to mongkünkya jangtüi thüiningle, chixe ku kax ma laxle tüiüi. Apae chix to mongkünüi; Apa kukhi chix hato nguiüi ilaxle chix füi ngoüi.

MÜNCHUAK-TSAI 26:2

Jowanpa, ku to thwontsingle tamchu wanle anohu; ku mongtsukya hia tutex, ibu to kaxfün fale anohu.

ROM NOK HATO ZAKYA POL LAIZA 8:10

Ikoxlechu Khrista nang ma jangngo thüikoxle, ochax khoma nang tsangtsa zi angkya changkoxlechu, nang Zang füi muamüi daokya daile nang tsün a chasa ma ozün changpu.

MÜNCHUAK-TSAI 119:59

Chemtue kue ku lomtangbu ajangle anopuix, nang bama sakhi fa ang cha tswon angkya kue achatpu.

HAGAI 1:7

Ija ile chemthüikoxle changpuix, hünzome ngün ang tocha?

IBRI 4:1

Athax a, chixe akaxdaokya ija nazak atak angkya kaxtsao Zange kem ang koxle tüile. Hünzom khama ija kaxtsao nazak chikople owawa naktüi le kem pangwüi likhün hax.

1 KORIN 9:24

Azikzik pangnuwüi zik ma apanpu, ikoxle hingho tuitae wüi kople le hünzome münawan hexnyi? Jangchang thüiba nange ija hingho kop ang thole ole zikkox.

1 KORIN 3:16

Nang a zangshwom-hom changle ilaxle Zang Chasa nang ma ngole le nange awanchahex?

HAGAI 1:5

Hünzom to chemle changle ngopuix ija hünzome mün-ngün hexnyi?

JUHAN 15:4

Ku ma ngolax ilaxle ku hünzom ma ngoüi; hopupa ma chimyen thüikoxle pünkangsae oziak chemle ziak ang thoüi? Ija lailaile ku ma myenle chingo thüikoxle hünzomechu oziak ziak ang müntho angkya changle.

MÜNCHUAK-TSAI 17:3

Nange ku mongkha awan ngopu. Nang ku hato zangnak ma nguipu; nange ku to komkaile wanle anopu, ilaxle ku ma ochax lom to mongtsukya chemchu chiatakpu. Mix lailaile

TITA 2:2

Azupabu bama, toknga le chitüi angkya, künli-montang angkya, tamchu ma alüile akumathum angkya; hwom mongong ma, mongkün ma, tamchu thuakjok ma tsaotha le tüi angkya adangle laxkox.

EFISIA 3:17

üntoxle mongong makhange Khrista-e nang mongtsang ma chix ang nui zing angkya hanpakma kue zangjoppu.

JUHAN 17:26

nang ma ku to künkya mongkün oja tüipuix, ija mongkün hwom ma naxngo; ile ku chuwüi hwom ma naxngo ang, kue nang hwom hama apuale fadaoa. Tamchu kue ile othuithuima mokle ngo angkya changle.”

JUHAN 17:23

Ku hwom ma ilaxle nang ku ma, ikoxle hwom owüiole tuita ang naxachang; ile tix nange ku tsanle ajopu tamchu nange ku to chemle mongkün puix ija lailaile hwom tochu wüi mongkünpu le chaxwannue awan angkya hanpakma.

JAKOP 4:4

Hünzom chaxwannu zuikhui ang achangkya a Zang zongto zan ang achangpu le hünzome matsing hia? Hünzome chaxwannu zuikhui ang ngose tsukya a malailai to Zang füi zan ang achangpu.

KOLOSI 2:7

Chix ma hünzom otsing mongle julax, chix ma hünzom khüzün tsün zinglax, ilaxle hünzom hama anwot-ano daokya ningle mongong ma zong südong-südong donglax. Ilaxle münchong fakyae awangle ngolax.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

GALATIA 4:19

Mongkün kusahom, Khrista zanglom hünzom ma zingle machang tanto, honu tuita ang nao ngünpongma kakpupu le ku mongto hünzom khoma kakle maxle.

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

1 KORIN 6:19

Nange tsangtsa a, nange Zang tokhange kopkya, nang mong ma tüikya Otsao Chasa zangshwom-hom changpu le nange münawan hexnyi? Nang a nang kux münchang;

1 KORIN 6:2

Otsao khünakbue chaxwannu kaxfün angkya changle le hünzome münawan hia? Ile hünzome chaxwannu kaxfün angkya jangchang thüiningle, amuaküsa iningkya zangwün azut ang hünzome münthoüihi?

JUHAN 6:56

Owae ku müi sax tamchu ku aji lingüi hex, chix ku ma ngoüi ilaxle ku chix ma ngoüi.

JUHAN 6:6

(Ija a chixe Filip to wanle atwon wüi, chemthüikoxle chixe chem mok angkya hex ija mwot chixe alüile awan ngopu).

1 PITAR 5:9

Hünzom mongong ma shingmong lax üntoxle chix abaxlax, chemthüikoxle chaxwannu ma pangkha towüi mama mongong mixbuchu ilailaikya sikngün akaile lekya hünzome awanpu.

IBRI 6:8

Ikoxlechu ijae hux hia nat jang anyem thüikoxle, ija chem ang münchang; ija a Zang thuakzom kop angkya tamchu oli thule wün to zok angkya thama ma tüile.

EZEKEL 18:28

Chixe chem mokle hüidaopuix ibu chimüikya mwot changpule chixe awanle lax ilaxle ochax lyenle ngokya zak, idaile chix a zi angkya münchang ikoxle ozün ma ngole le angkya changle.

1 KORIN 6:15

Khrista tsangtsa ma nang tsangtsachu olom tuita changpu le nange münawan hia? Ikoxle Khrista tsangtsa angkya olom tuita laxlaxle kue Ija tsahang tsangtsa ma olom tuita ang achangüi hia? Ile otuechu münchang!

ROM NOK HATO ZAKYA POL LAIZA 1:28

Hwome Zang bama tsingwankya otsingtsing mong ma kop ang angamkya khoma Zange hwom oma mong chak to dan, ikhoma chem chimokse hex ija hwome mok.

TITA 1:13

Ikhoma nange hwom to azaxle sa angkya changle, ikoxletix mongong ma hwom owan müiüi,

2 TIMOTHI 3:8

Jani hia Jambri nyie Mosa füi apüile laikya ningle ibu khünakbuechu otsingtsing zan to kale. Ibu khünakbu a khüzi füi mwot chimokkyabu ilaxle ma mongong ma tho chilünkyabu changle.

1 TIMOTHI 2:15

Ikoxlechu she puinaile mongong hia mongkün ma tamchu otsao ma ngole jangchang thüikoxle, naosom puxpaikya makhange she sünüi.

KOLOSI 2:19

ilaxle ma tompo zongto okhang ang owa changlaxpuix, Khrista, chix to shingmongle künkya danle. Khrista-e akumathumkya fangma tix tsangtsa pangwüi tuxtsomle üntoxle ija opong ozit hia ija khak-kha makhange tuita ang athople tüile, ilaxle ija a Zang mongtex ningle tsongle.

JEREMIA 6:30

Hwom ang chilaxli jandix le nyaküi, chemthüikoxle hwom a Jowanpa kue chilaxle awütdaoa.”