2 KORIN 13:11 - OTSAO BAIBEL (BSI)

¹¹ Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

2 KORIN 13:11 ပူးပေါင်းရင်းမြစ်များ

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

1 KORIN 1:10

Kem Jowanpa Jisu Khrista mün ma kue hünzom füi akaxpu, kutüi-kunaohom, hünzom khama ahak ahanle chitüi angkya kuxma, hünzom tuita ma tsaino-kaxno tomlax;

ROM NOK HATO ZAKYA POL LAIZA 12:16

Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

ROM NOK HATO ZAKYA POL LAIZA 15:33

Zang, kem mongsom otong, hünzom pangnusa füi ngohüi! Amen.

ROM NOK HATO ZAKYA POL LAIZA 12:18

Pangnu lito, nangchi makhange, nok füi wüi mongsom ma tumüi le ngotsuak angkya lima mokkox.

MARK 9:50

“Hum a amüikya ikoxlechu ija hum ma tikya jangsamdao thüikoxle hünzome ija chatle chem füi atiküi? “Hum lailaile hünzom a zuikop manle tüilax ilaxle tata füi tumüi le ngokox.”

1 PITAR 3:11

Ochax tokya chix chatlax, üntoxle mwotmüi moklax; mong bakle koxlaxle; mongsom tangchualax.

2 KORIN 13:9

Kwom a shonai ikoxlechu hünzom tsakzong le changkya zuma kwom mongmüile. Ikhoma hünzom chuwüi nguiwangkya ang achang angkya kwom zangjop changle.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

1 PITAR 3:8

Oshuk ang: Hünzom pangwüi mong tuita ma, chingcha jajakya tüi-hi-nao ningle künkak mongkün füi mong nonai tamchu künsom mongdang le changlax;

JAKOP 1:4

Nang chasa tsün tsongle atya angkya hanpakma üntoxle chem machu thaithaxkya chitüi le okhongui angkya hanpakma, adukyae mwot tsuak ang laxkox.

2 THESALONIKA 2:16

Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

1 THESALONIKA 4:1

Oshukma tüinaohom, Zang mong amüikya tsün chemle ngoüihex, ija hünzome kwom makhange awanle laxlax. Hünzom ngole hüikya ija changle. Üntoxle athaxchu Jowanpa Jisu münma ifüi sütsexle mok-hüile kwome hünzom zongsaipu.

FILIPI 4:9

Ku kax-ngao hia süt-mwot makhange hünzome ku angkya awanle laxkya hia kopkya, ibu pangnu hünzome mwot ma twonkox. Üntoxle kwom ang mongsom koxkya Zang hünzom füi ngohüi.

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

ROM NOK HATO ZAKYA POL LAIZA 16:20

Zang, kem mongsom otonge, chwonle wüi bao chix chifa fangto nakdaoüi. Kem Jowanpa Jisu Khrista chingcha nang füi naxngo.

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

MIKNGÜN-OHÜN 22:21

Opunu Jisu chingchajaja Zang khünaknu pangnusa füi ngohüi.

IBRI 13:20

Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

2 TIMOTHI 2:22

Khüse pongma mongzok füi atsaile ngolax, ilaxle sukya, mongong, mongkün, tamchu mongsom hanpakma mong tsaokya tokhange fong angkya hanpakma Jowanpa ahyenkyabu füi tomle azonglax.

2 THESALONIKA 3:16

Jowanpa, chix jaojao, owa kem mongsom otong hex, chixe othuithuima tamchu pangnu lom ma hünzom ang mongsom naxfa. Jowanpa hünzom pangnusa füi ngohüi.

1 THESALONIKA 5:23

Pangnu lom ma hünzom otsao ang achangle Zange kwom ang mongsom naxfa ilaxle hünzom ozün komle, thüikoxle chasa khüzün tamchu tsangtsa pangnu, Jowanpa Jisu Khrista nguipongma othai lili füi atsaile sünle thomüi.

1 THESALONIKA 5:16

Othuithuima mongmüikox,

1 THESALONIKA 5:13

Hwome mokkya mwot khoma chathua zakya hia mongkün ahole hume kox. Hünzom tata füi mongsom ma ngolax.

1 THESALONIKA 4:18

Idaile ibu kax füi tata mong achenle ngolax.

FILIPI 4:4

Jowanpa füikya notom ma hünzom jento mongmüi le ngohüi, anaolechu kue thüipu, mongmüihüi!

FILIPI 4:2

India hia Sintik nyi, kue hünkhi ang thüipu: Chingchalaxle Jowanpa ma na-hi-naohom ningle hünkhi tsaino-kaxno tomhüi.

FILIPI 3:16

Ija atix tütale wüi changlax, anyix kople keme tole hüikya taningkya wanlombu ningle kem thochi to lehax.

EFISIA 6:23

Hopa Zang hia Jowanpa Jisu Khrista-e khristan tüinao hwom ang mongong makhange mongsom hia chingcha mongkün naxfa.

2 KORIN 1:4

Chixe kem sikngün pangnu to fongle hüi. Idaile, fongkya ija Zange kem ang fakya füi, kemechu mix, sikngün ma ngokyabu to fong ang tsuakle.

WANGSHEMBU MWOT 23:30

Jehudi khünak züitabue chix lang ang tungle ngole le atatlaxle kue chix nang hato akat koxwüi müiüi changa le texle atakkya changa. Chix ma kaxhux fekyabu füi, chix to nang pomtho ma angaile salaxle kue akaxdaoa.”

WANGSHEMBU MWOT 18:21

Itülüi, chixe achex üima hwom ang thüi: “Zang mong jangtsuba ku hünzom hato chatle chat-hüi angpuix.” Ilaxle chix Efisia to khua ma ka.

WANGSHEMBU MWOT 15:29

Chapabu ang tö koxdaokya süt taxsax; aji taxsax; aji chiajen homle langkya müi taxsax; üntoxle chinunchakkai mwot füi atsaile ngolax; ile ibu chimok homle nang jangngo thüiba nang wan müiüi. Salam.”

JUHAN 17:23

Ku hwom ma ilaxle nang ku ma, ikoxle hwom owüiole tuita ang naxachang; ile tix nange ku tsanle ajopu tamchu nange ku to chemle mongkün puix ija lailaile hwom tochu wüi mongkünpu le chaxwannue awan angkya hanpakma.

KAXHO MÜIKYA LUK 9:61

Mama mixe thüi: “Nwotmix, ku nang füito azuiüi, ikoxle owangole ku hom to chatlaxle kakonu füi wünzua kax akax toxhüi ang.”

MARK 10:49

Jisu zak üntoxle thüi: “Chix nyakkox.” Ikoxle hwome ija mikduak sün nyakle thüi: “Taxza! Ajonglax, chixe nang nyakle.”

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

MATHI 1:23

Otsao Lai Kax a: “Hulax, naocha tuita ma nao tüiüi, ilaxle lükasa tuita puxüi; IMANUEL”, le chix ang nyaküi. (Zang kem khama tüile).

PONGWANG LAIPEX 45:24

Chixe hotüi-honao hwom hom to chat ang tom ilaxle hwom ang lomba to ahe-akakkya chitüi angkya kaxkhün koxle akaxle awün.

PONGWANG LAIPEX 37:4

Chemtue hotüi-honao hwome, hopa Jakop-e hwom pangnu to nüile Jusep to mongkünkya ngünle laxpuix, chix füi zangwünse ngax chitsule hwom ang mongma.

EFISIA 4:3

Hünzom tuita ang achangle kha thomkya mongsom makhange Chasae fakya notom sünle thom angkya bama tsuakkya apongle azongkox.

ROM NOK HATO ZAKYA POL LAIZA 14:19

Idaile keme othuithuima mongsom apüi ang hia tata ang zong adün ang fong angkya oli pangnu to kem mongjang tüikya changle.

EFISIA 4:12

Khrista tsangtsa zing angkya bama Zang khünakbu pangnu wüi khristan mwottho ma mok ang acha-achwon angkya kuxma chixe ija mok.

1 THESALONIKA 3:10

Kwom huake hünzom ngün ang kop angkya üntoxle hünzom mongong hanpakma chempang laxli hex ibu fatsuak angkya bama kwome zangnak zangngaile kwom monge bakle chix to joppu.

2 THESALONIKA 3:1

Oshuk ma tüinaohom, hünzom khato chemle changdaopuix, ilailaile Jowanpa kaxho thuithui le apukle le angkya üntoxle ija achuak achenle pongle kop angkya bama, kwom hanpakma zangjop hüi.