2 KORIN 12:1 - OTSAO BAIBEL (BSI)

¹ Ijae ku ang chemchu fün amüi angkya müntüi, ikoxlechu ku mong ngamle ngo angkya wüi changle. Ikoxle athax kue Jowanpa Jisu Khrista-e ku ang fakya mikngün ohün hia ngaile ahokyabu bama akaxüi.

2 KORIN 12:1 ပူးပေါင်းရင်းမြစ်များ

GALATIA 1:12

Ija kue khünak opupu angkya kopkyachu münchang. Ku hato ija angaile fakya mix a Khrista chix tomtata changle.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

2 KORIN 12:7

Ikoxlechu ohünotün jali kue ngünhu daokyabu bama mongngam tüi angkya chikoxle ku abax angkya hanpakma, ku ang tsangtsa ma tsütle kakkya okak tuita fale thomle. Ku to fit ang üntoxle ku ngam ang chikoxle abax ang, ijae bao mwottsan mix tuita ningle mokle.

GALATIA 2:2

Zange ku hama pao angkya wüi changle le ahokya khoma ku ikhato paopu. Lompabu füi huxsa tusox ma kue mixnokbu hato Kaxho Müikya apuk-apuakya bama wünle kox. Ledaokya machu ilaxle athaxchu wüi kue thothojole mokse chitsu.

2 KORIN 12:11

Kue ongat ningle mok ngopu, ikoxle hünzom tokhange kue ile mokpu. Ku bama achuak achenle wün angkya a hünzom changse. Chemthüikoxle ku chemangchu chichangle tüikoxlechu, hünzome “ataxkya wangshembu”, le ekyabu füi ku tütali lom machu ahixkya münchang.

2 KORIN 8:10

Hünzome müzang otua laole mokle hüikya mwot otua athax ashuk azale mokle hüikoxle müiüile kue texkya changa. Hünzom a mokle hüikya tata ma owang le chichang ikoxle moksele tsuluakya machu wüi owang changle.

1 KORIN 10:23

Pangnu li mok ang tsuaküi, ikoxle pangnu li ma lap tüi angkya le münchang. Pangnu li mok ang tsuaküi, ikoxle pangnu lie wüi fün amüiüi le münchang.

WANGSHEMBU MWOT 23:11

Ofüi ja Pol zuima Jowanpa ajong üntoxle akax: “Taxza! Nange ija Jerusalem ma ku bama kaxkhi fadaoa, ilaxle nange Rom tingnu machu fa angkya changle.”

WANGSHEMBU MWOT 18:9

Jata Pol-e mikngün ohün ngün. Ijama Jowanpa-e chix ang thüi: “Taxza! Ikoxle Kaxho Müikya opuk opukle apukkox, tütle dan taxtox;

JUHAN 16:7

Ikoxchu kue hünzom ang otsingtsing akaxpu, ku paokoxle wüi hünzom zongma amüikya ang changüi, chemthüikoxle ku chipao thüikoxle Fongmix hünzom hato chihüiüi; ku jangpao thüikoxle kue chix hünzom hato ahüi ang tomüi.

EZEKEL 11:24

Mikngün-ohün ma ku a Zang-e dingkho to nwon ilaxle zanda ang ngokya Babilon nok to chatle apüitox. Ifüima ija mikngün-ohün sam,

HUAKE LAIPEX 12:6

ija ma Jowanpa akax: “Athax kue chem akaxüihex, ija to na thale apalax! Chemtue hünzom khama ajebu tüipuix kue ku sün hwom hato mikngün-ohün ma aho ilaxle wünmang ma zangwünle changpu.

1 KORIN 6:12

Owawae thüiüi: “Kue tüta ningkyachu mok ang tsuaküile dankya tüile.” Changle, ikoxle nang hanpakma pangnu li omüimüi wüile münchang. Ku angchu pangnu li moktsuak angkya danle tüile le kue thüi ang tsuaküi, ikoxle kue tütali angchu ku ija da ang achang ang münfaüi.

JUHAN 18:14

Jehudi onok hanpakma mixhuak tuita zikya wüi amüikya changüi le pünpa-chongwangbu hama hwon apua ngokya mix a Kaifa changkya.

EFISIA 3:3

Zange chix huxsa mwottho ku hama ngaile aho ilaxle ija kue awan ang koxle. (Ija bama kue amoxle zadaopu,

1 KORIN 14:6

Kue, ma hato ngaile ahokya chichangba je-hwon chichangba Zang kaxho chichangba anwot anole adang fakya chiapüi homle hünzom hato kue chitsingkya kax ma akaxle nguikoxle kue hünzom ang lap chem fase.

2 KORIN 12:5

Ikhoma ku ija mixsün bama mongngam angkya changle, ikoxle ku hanpakma shonaikya ahokya bama ku münngam.

2 KORIN 12:9

Ikoxle chix kaxlan a: “Nang hanpakma ku chingcha wüi nguile ngoüna, chemthüikoxle ku tsakzong omo apong angkya a nang shonaikya ma tix changle.” Ku khose angkya Khrista zong tüikya mongto awün angkya bama, ku shonaikya bama, ku mongngam angkya ku zongma huanuma mongmüi changle.

1 THESALONIKA 4:15

Athax kwome hünzom ang anwot-ano ngokya Jowanpa hwon-nwot a ija changle: Jowanpa nguikya tukma kem ozün ma nuikyabu a, opang zile ngoünpuix, hwom thoto achale dongnui angkya le münchang.