2 KORIN 11:9 - OTSAO BAIBEL (BSI)

⁹ Ku hünzom füi ngotanto, ngun laxsele thangkhüt pongma kue hünzom to poxbwom le chichang; kue laxsese komle Mesidonia tokhange nguikya tüinao hwome ku hato apüi toxpu. Ami ledaokya ziamachu ilaxle athax mahüikya ziamachu, ku hünzom hanpakma hünlix tuita ang münachangüi!

2 KORIN 11:9 ပူးပေါင်းရင်းမြစ်များ

1 THESALONIKA 2:9

Kutüi kunaohom, kwome mokdaokya hia sikngün apong daokya, hünzom mong ma tüiün angpu! Zang tokhange hüikya Kaxho Müikya hünzom hato apuk-apuakya zuma hünzom zongto kwom tuita tingtui dongle nakchang ünkox le kwome zangnak zangngai mwot mokpu.

1 THESALONIKA 2:6

Kwome owa angkyachu kwom to achuak achenkya chilom, hünzom angkyachu chilom chichangba mamabu angkyachu wüi chilom.

IBRI 11:37

Hwom to long füi thup le lang, hwom anyi ang achangle janzüt-bit füi azüt, hwom changlo füi lang. Hwom a zasabu, fuxtsüikyabu üntoxle chisumüile hwonkyabu: hwom chun-khwon hia zwon-khwonbue baplaxle akhop le aham.

FILIPI 2:25

Epafrodita owae kuchima süt laxle mwot mok üntoxle azanle hüilaxpuix, tamchu hünzome ku to fongkya tukma kaxho mix ang achangle hüidaokya mix, kue chix hünzom hato akat angkya tuita khütkhaxkya mwot changle le texle.

2 KORIN 9:12

Hünzome mokkya mwottho Ija makhange khünaknu chitüi chinang pongthapkya tata chichangle khünaknue Zang ang münchong fale zangjop angkya alai hule.

2 KORIN 6:4

Itülüi, sikngün tuitai ilaxle thangdangkya pangnu ma adukya tokhange, kwome mokkya oli pangnu lom ma kwom a Zang dabu changpu le ahopu.

WANGSHEMBU MWOT 20:33

Kue mixkux, jan, hun, chichangba nyiza tütatochu za münlo tox.

WANGSHEMBU MWOT 18:3

ilaxle hwom tomwüi saxmokle tomle ngo; chemthüikoxle chixechu wüi hwom lailaile nyihombu zingle ma wok tux.

NEHEMIA 5:15

Ku thoma Gowarnor ang ngole hüikya khünakbu a khünaknu zongto hünlit ang achangle tüikya, chemthüikoxle hwome nyixfokya to hwom angkya khop ngunkhix punyi pong, süt hia ju hanpak ang jule lax. Hwom dabue ngaxchu khünaknu to sikangün. Ikoxlechu kue ile chimok, chemthüikoxle kue Zang achuakachenle tüikoxle.

WANGSHEMBU MWOT 18:5

Sila hia Timothi nyi Mesidonia tokya ngui füima, Pol-e Jehudi khünakbu hato Jisu a Messaiah changpu le ahole Kaxho Müikya apuk angkya ma chix hanpak ahom.

ROM NOK HATO ZAKYA POL LAIZA 15:26

Chemthüikoxle Mesidonia hia Grik nok tokya müimüithombue Jerusalem angkya Jowanpa khünak chitüi chinangkyabu to amua le fong angkya zangwün tsuakkya tüile.

1 KORIN 16:17

Stefenas, Forchunata üntoxle Akaia hwom nguile hüikya khoma mongmüipu; ku zongma hwom a hünzom lüilüi ma sütpu,