2 KORIN 11:7 - OTSAO BAIBEL (BSI)

⁷ Khosün angkya Otsao Kaxho kue hünzom hato apukkya zuma kue hünzom ma chemchu chiju chilom. Hünzom thak to nwon angkya kuxma kumix fangto jupu. Ija wüi ku zongma ochax ang achang laxcha?

2 KORIN 11:7 ပူးပေါင်းရင်းမြစ်များ

2 KORIN 12:13

Hünzom ang ongun osyen lom ma ku to süfongse le chiju chilomkya wüi chichang thüiba, hünzom to nüile kue mama müimüithombu to chemlom ma hudaopu? Mama müimüithombu ningle ngun syen bama hünzom ang hünlix chifakya bama ku ang thailak laxhüi.

1 THESALONIKA 2:9

Kutüi kunaohom, kwome mokdaokya hia sikngün apong daokya, hünzom mong ma tüiün angpu! Zang tokhange hüikya Kaxho Müikya hünzom hato apuk-apuakya zuma hünzom zongto kwom tuita tingtui dongle nakchang ünkox le kwome zangnak zangngai mwot mokpu.

2 KORIN 10:1

Pol ku jaoe hünzom füi akaxpu, hünzom hama tüipongma ku a zakhut mix ang achang, ikoxle hünzom ha angkya atsaikya zuma ku ang mongchongle le khünakbue akaxle. Khrista ningle ku somdangle tüise texpu.

1 KORIN 9:6

Chichangba mokle ngun achaklaxo lükya a Barnaba kukhi lanwüi hexnyi?

2 THESALONIKA 3:8

Omün chifa homtoxle ngat to owawae fongkya kwome pongle chikop. Itülüi kwome mokpu üntoxle thangpu; hünzom opupu zong tochu kwom tuita thabakkya ang nakchang ünkox le kwome nak-hex ngai-hex mwot mokpu.

WANGSHEMBU MWOT 20:34

Ku hanpakmachu üntoxle ku füikya üithobu hanpakmachu wüi tütalichu kue ija ku chak füitix wüi moklaxle okhongui le lax-twonkya hünzome awan ngopu.

1 KORIN 9:12

Mamabue ngaxchu hünzom bama hwom ang mongtex pangkya süntom tüile le thüi ang jangtsuak thüikoxle, ikhato kwom sisie münthüi tsuaküi hexnyi? Ikoxlechu kwome ija mongtex pankya müntwon. Itülüi, khrista hanpakma Kaxho Müikya apuk-apuakya olom to poxpyen angkya chitüi angkya bama kwome pangnusa adupu.

WANGSHEMBU MWOT 20:33

Kue mixkux, jan, hun, chichangba nyiza tütatochu za münlo tox.

ROM NOK HATO ZAKYA POL LAIZA 1:1

Khrista Jisu da, ilaxle kamle kopkya wangshem tuita tamchu Kaxho Müikya apuk angkya hanpakma Zange nyakle kopkya mixsün Pol tokhange:

2 KORIN 2:12

Khrista bama Kaxho Müikya apuk-apua ang ku Troas to nguikya zuma, kue ikhato chix mwot otua ma süt tsuak angkya hanpakma, Jowanpa-e ku ang lom zangle bang.

2 KORIN 10:16

Ile jangchang thüiningle, Korin kai laxle mama chaxwanbu to paolaxle kwome Kaxho Müikya apuk ang thoüi. Zange chix ang fale thomkya ziamong ma mokle alan daokya owawa mwot khoma kwome ngam angkya münchang.