2 KORIN 11:3 - OTSAO BAIBEL (BSI)

³ Ef to changkya ningle hünzom tochu nakchang ünkoxle ku zamaxle. Pu huanuma atsing ilaxle chixe Ef ochax to adüt. Ilailaile hünzom tutex zia ama ang tsuak, ilaxle hünzom Khrista zongto haxtsao-zangthakya chitüile changüi.

2 KORIN 11:3 ပူးပေါင်းရင်းမြစ်များ

KOLOSI 2:8

Khrista makhange chichang homtoxle khünake wünle hüikya tamchu zangfang apünkya chasabu hwon-nwot jaono tokhange nang owaechu üntoxle chemlechu chilaxle khünak owaechu nang da tuita ang chikop angkya bama khünli lax.

GALATIA 1:6

Hünzom ma ku abüt maxle! Khrista chingcha makhange hünzom ahyenle kopkya mix hünzome ochwon ma awüt, üntoxle mama kaxho mix pongle kop!

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

KOLOSI 2:4

Idaile kue thüipu, hwom tüta tukux wüi müile ngün ang thüilax, owaechu kaxthai zangwün tokhange nang dyen ngan ang taxtom.

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

1 TIMOTHI 2:14

Üntoxle dyenle adütlaxle Zang wanlom amakya a Adam chichang, ikoxle shekonu Ef mix changkya.

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

PONGWANG LAIPEX 3:13

Ifüima Jowanpae shekocha ang thüi: “ija ile chemthüikoxle mok?” Shekochae lan: “Ija naxsax ang pue ku dyenkya khoma kue ija saxdaongüna.”

JUHAN 8:44

Hünzom a, hünzom hopa Bao (haxshix) makhange hüikya changpu. Hünzome hünzom hopa haxshix mongtex ma mokse tsule. Ami pongwang tokhange wüi chix a mix mik amütkya mix, ilaxle chix ma sukya chitüi koxle otuechu chixe otsingtsing chima chise. Chixe kaxthai akaxkya zuma, chixe chix jaopo ma chem tüipuix, ija mokpu; chemthüikoxle chix a thaikya mix tamchu thaikya hopa.

GALATIA 3:1

Hünzom Galatia nok ongatbu; hünzom to owae khunpu? Jisu Khrista pünsak ma takle langkya bama kue hünzom hama komkaile wüi wündaopu.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

PONGWANG LAIPEX 3:4

Ikoxlechu pue mixcha ang thüi: “Ija otsing münchang, hünzom münziüi;

1 JUHAN 2:18

Kusu kusahom, oshuk a nguile hüile! Khrista zongto zan hüi angkya bama hünzom hama wündaopu; üntoxle athax Khrista zongto zanbu obiobi laihuüna, idaile oshuk nguile hüile le keme awan ang kople.

2 PITAR 3:17

Ikoxlechu ku mongkün tüinaohom, hünzome ija awandaoa. Idaile wanlom chilax homtoxle thaile ngokya khünakbue, hünzom azangle ngokya chifün angkya adüt ang jikle chipao angkya bama mik-hingle ngolax.

GALATIA 4:11

Hünzom hanpakma mokkya ku mwot chem angchu chichangle tüiüi hia le hünzom khoma ku abüt-aban maxle.

2 KORIN 2:17

Kem a, shiksheple thahangkya khünakbu lailaile küzi-küza le Zang kax apukle ahamkya züitabu ningle chichang; ikoxle Zange kwom tsankya khoma, tuita Khrista da ningle, chix miksho ma kwome mongkoxle akaxpu.

2 PITAR 3:3

Hanpak oshuk ma mikza lokya lom ma ma tsün ngole hüikyabu ngaiüi, pongwang ma hünzome ija awanle koplax.

2 TIMOTHI 3:13

üntoxle chisu chimüikya khünakbu tamchu othai hwon anokyabu zia süma sümale maüi; ile hwome mixdyen-mixnganle tamchu ma alüile dyenle changüi.

1 THESALONIKA 3:5

Ikhoma kue Timothi akat angkya laipu. Ku mongto adu ang chitho laxle, hünzom mongong paktik ang kue chix tsanle akatkya changle. Bao-e thwontsing laxle kwom mwot chem angchu chiachangle chang angkya otuechu münfaüi le kwome ongpu.

EFISIA 6:24

Chizi angkya mongkün makhange kem Jowanpa Jisu Khrista to mongkünkyabu to Zange chingchakya naxtüi.

GALATIA 2:4

Mongong mix-mix wüihexle atsing üntoxle, Khrista füikya notom ma kwome kopkya khangkho zangngai bama opak otua tikle laxsele khwalop mix ibu kwom othom khato zuile ngui.

2 KORIN 4:2

Zakkop hia huxsa mwot komle kwome tokna to toxdaoa; kwome a mix dyen-nganle münmok, chichangba kwome Zang kax chichangkya ang münachang. Zang miksho ma kwome otsingtsing kaxho ngaitho le apukpu, ilaxle pangnusae wüi kwom to sule le naxhu le texpu.

MATHI 24:24

Chemthüikoxle othai Messaiah hia ajebu lwon angkya changle; jangtsuak thüiningle Zange zünle kopdaokyabu ngaxchu dyen angkya hanpakma hwome münwan chongkya hia ohünotün mwotbu mok angkya changle.

JUD LAIZA 1:4

Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

TITA 1:10

Chemthüikoxle hwom tsaingat kaxngui füi mix dyen ang hia alünle ajong angkya, onüi angchu Jehudi nok zanglom tokhange mong alüixle hüikyabu tüihu le.

1 TIMOTHI 1:3

Ku Mesidonia to kaüi lom to kue nang füi akaxkya ningle, kue nang a Efisia ma nuikoxle müisele texpu. Ikhato züizüie othai hwon-nwot apukle ngole, nange hwom ang dang angkya kax kox angkya changle.

KOLOSI 2:18

Othai to puinai le ahokya üntoxle kaxtaimixbu to shwomkyabu opange ataxkya mikngün ohün tüidaoa le akhokya changpu le thüilaxpuix, iningkya mix owa angchu nang thajao ang taxtom. Chemthüikoxle iningkya mix a tüta khoma lüchu chichangle chix müi-hi-aji mongjang makhange mongngam ahole,

2 KORIN 11:29

Otue owawa shonai le changüihex, ima kuchu zong chitüile maxkya ningle chang; owawa ochax to dütkya zuma, thünzak wünchuae ku awang.

ROM NOK HATO ZAKYA POL LAIZA 12:8

Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

MIKNGÜN-OHÜN 20:2

Dragon, owa owang pongkya pu hex, chix a Bao chichangba Haxshix, Ija chixe kop ilaxle zangpua hajat tuita hanpakma janbüi füi khale thom.

MÜNCHUAK-TSAI 119:53

Chemtue chichang-chizangkya khünakbue wanlom pünle changkya kue ngünpuix, ku a mongtsike awangle.

PONGWANG LAIPEX 3:1

Athax Jowanpae zingkya zünmok pangnu thakma huxtsing-loptsang akhokya a pu tüikya. Pue shekocha ma atüi: “Zang-e hünkhi ang tsawatkha angkya pünziak chemchu taxsax-ole thüipu lea?”

PONGWANG LAIPEX 3:20

Adam-e chix kakonu ang Ef le mün kox, chemthüikoxle she a ozün ma tüikya nok honu changle.

2 KORIN 11:20

Owae hünzom chix da ang laxlaxpuix chichangba chix lap hanpakma hünzom twonlaxpuix chichangba hünzom tsün ma aman laxpuix chichangba hünzom to ajao afangle hulaxpuix chichangba hünzom to thün ma fitlaxpuix, iningkya mix füito hünzom azuile.

EFISIA 4:22

Hozang tsün oja dyen-nganse le tsukyae amütle thomtüi puix, ojae nang ami pongkya ningle ngo ang tompuix, ija tsün hozang füi atsailax.

MIKNGÜN-OHÜN 12:15

Ifüima ija mixcha füima azuile, she chwotle pao angkya hanpakma dragone chix wikha angkya tüle chongkya tichen alai.