2 KORIN 10:7 - OTSAO BAIBEL (BSI)

⁷ Hünzom a mongjang ma khünzukya müntüi. Owawae atsingshole chix Khrista da changpu le tex ngo angkya mix jangtüiba, chixe müile ajang ang laxkox, ilaxle ku chuwüi chix bütukuxle Khrista da changpu le chixe tsingle laxüi.

2 KORIN 10:7 ပူးပေါင်းရင်းမြစ်များ

2 KORIN 5:12

Chatlechu hünzom hato kwom wüi supu le aho ang azong ngokya mix münchang. Itülüi, kwom azong ngokya a, kwom hanpakma hünzom chem bama bong-chong le tüiüihex, ija otong awan kox angkya hanpakma changwüi. Ikoxletix hünzom mong ma chemchu chitüi homtoxle otok sünngün to bong-chong le tüikya khünakbu kax to lan ang thoüi.

1 KORIN 14:37

Owawae chix Zang kaxho angkya mix chichang thüiba, chix ma Chasa hingho tüile le jangtex thüiba, kue hünzom hato zakya Zang kaxtom changle le chixe lax angkya changle.

2 KORIN 11:23

Hwom Khrista dabu changpuix nyi? Kue ongat ningle akaxpu: ikoxle ku wüi hwom füi sümüikya da tuita changpu! Hwom füi süchongle kue wüi mokdaoa, ku kun to obi thomthom ma hexle ngodaoa, zu füi ku towüi süchongle fitdaoa ilaxle obi thomthom ma hexle bazizio le azangkya changpu.

JUHAN 7:24

Otok osün to hulaxle kaxfün fakya zakün, ilaxle kaxfün changle fakox.”

1 JUHAN 4:6

Ikoxlechu kem pia Zang kux changle. Opange Zang tsingle tüipuix ibue kem kax apale; Zang kux chichangkyabue kem kax to münapa. Ija makhange keme otsingtsing chasa hia othai chasa nyi ba ajatle awan ang thole.

1 KORIN 9:1

Ku a mongtex ma ngo ang dankya mix münchang hexnyi? Ku a wangshem tuita münchang hexnyi? Kue kem Jowanpa Jisu Khrista mangün hexnyi? Jowanpa ma hünzom ku füi tomle üitho münchang hexnyi?

1 KORIN 3:23

ilaxle hünzom a Khrista kux, Khrista a Zang kux changle.

GALATIA 3:29

Nang Khrista kux jangchang thüiningle, nang Abraham sixli changle ilaxle Zange kaxtsao daokyabu nange ataküi.

2 KORIN 10:1

Pol ku jaoe hünzom füi akaxpu, hünzom hama tüipongma ku a zakhut mix ang achang, ikoxle hünzom ha angkya atsaikya zuma ku ang mongchongle le khünakbue akaxle. Khrista ningle ku somdangle tüise texpu.

1 KORIN 1:12

Ku kax a ija changle: Hünzom noke wüi malom lom to akaxle. Tutae thüi: “Kue Pol man topu” atae thüi: “Kue Apolo man topu” mama mixe thüi: “Kue Pitar man topu”; chatlechu mama mixe thüi: “Kue Jisu man topu.”

2 KORIN 13:3

Khrista-e ku makhange zangwünkya changlax ma ang hünzome lomkya pangwüi hünzom ang faüi. Chixe hünzom füi asax amok pongma, chix shonaikya le münchang; itülüi, hünzom khato chixe chix tsakzong ahole.

2 KORIN 12:11

Kue ongat ningle mok ngopu, ikoxle hünzom tokhange kue ile mokpu. Ku bama achuak achenle wün angkya a hünzom changse. Chemthüikoxle ku chemangchu chichangle tüikoxlechu, hünzome “ataxkya wangshembu”, le ekyabu füi ku tütali lom machu ahixkya münchang.

2 KORIN 11:18

Ikoxlechu müi-hi-aji chifün khoma mongngamle ngokyabu tüihukya daile, kuchu otyatyale ngamle ngoüi.

2 KORIN 11:4

Kwome apuk-apuakya füi malili changkoxlechu hünzome Jisu bama hwome apüikya kaxho to ong! Hünzome kwom makhange kopkya Otsao Chasa oja hex, ija ngax chichang khato, hwome kaxtsao fakya chasa hünzome pongle laxpu! Ilaxle kwome apuk-apuakya füi chixlili changkoxlechu, hwome apuk-apuakya kaxho müikya hünzome pongle lax. Ile hünzom hato nguikyabu chak to hünzome ochwon ma hünzom dankya ngünlaxle ku abüt maxle.

1 KORIN 15:23

Ikoxlechu pangnu wüi olom ma leüi; Pongwang ma Khrista; ifüima chix nguikya zuma, chix to ongkyabu pangnu.

KAXHO MÜIKYA LUK 16:15

Jisu-e hwom ang thüi: Hünzome hünzom alüile khünak thüntho ma hünzom chithai kya ang achangle, ibachu Zange hünzom kün-mong awanle; chemthüikoxle khünak zong to thanu-juapa le ekya bwot Zang zongma tüta ziakhochu münngui.

MATHI 23:5

Hwome tütalichu khünake naxngün le mokle; hwome münwan sükhaokya khale kop ilaxle nyitua ma osutua ashale laxse tsule.

1 SAMUEL 16:7

Ikoxle Jowanpae chix ang thüi: “Nange chix pum-tsa hia osün müikya to taxhu. Kue chix münlax, chemthüikoxle kue khünake hukya lailaile kotok to hukya münchang ikoxle kue kün-hi-mong khato hupu.”