2 KORIN 10:5 - OTSAO BAIBEL (BSI)

⁵ Zang Kaxho Müikya füi opüi to alünkya pangnu kwom fang to bele ajole; tutex ma kople thomkyabu pangnu kwome lax üntoxle khünaknu mongjang Khrista tutex füi notom le lüi ang koxle.

2 KORIN 10:5 ပူးပေါင်းရင်းမြစ်များ

IBRI 4:12

Zang kax a ozün ma üntoxle mwot mokle, pangnyichi anaxkya changlo füi ngaxchu sütsexle tüile. Ijae chamua hia chasa apongkya kha, chizit chakzit hia zizao apongkya kha, ibu pangnu apatle hütle. Ijae khünak tutex hia mongjang bama kaxfün fale.

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

ROM NOK HATO ZAKYA POL LAIZA 7:23

Ikoxlechu kue ku tsangtsa ma mama wanlome mwot mokkya ngünle: ija a ku khangkae changle le laxkya wanlom füi azankya wanlom tuita changle. Ijae ku, ma tsangtsa ma mwot mokle ngokya ochax wanlom chak to kople thomkya mix tuita ang achangle.

MATHI 15:19

Chemthüikoxle künmong tokhange iningle mongtex chimüikyabu laile: mix mik amütkya; chinunchakkai; ahuxkya; atsekya; ahaikya; iningkyabu.

ROM NOK HATO ZAKYA POL LAIZA 1:21

Hwome Zang awan, ikoxlechu chix achuak afua le chichang, ilaxle münchongchu tamchifa. Itülüi mongjang samsamsüi le pao ilaxle chem ngax chitüikya hwom khangka zangnake awang.

1 KORIN 3:19

Chemthüikoxle ija chaxwannu je-hwon a Zang zongto ongat changle. Otsao Lai-e thüile: Hwom angangle tsing zai tüipongma, jetüi hwonlangkyabu, Zange tsünle amanle.

JEREMIA 4:14

Jerusalem, nang mongkha angkya ochax sole atsao dao, ikoxtix nang azang ang thoüi. Ochax tutexbue awang laxle nang chemtukux ngole hüiüi?

MÜNCHUAK-TSAI 139:2

Kue mokkya komkaile nange tsingle laxpu; tsai-tokhange nange ku mongtex bakle awan laxpu.

1 KORIN 1:19

Otsao Lai-e ile akaxle, “Jetüikya khünak süttho-mwotlom, mokle pao ang chikoxle kue abaxüi.”

WANWÜNKAX 15:26

Jowanpa a ochax tutex thua anule, ikoxle zuikop zangwün füi chix ang mongmüile.

MÜNCHUAK-TSAI 10:4

Chichangchizangkya khünake Jowanpa bama tuitex chemchu müntüi; hwom mongngam makhange hwome thütle Zang a chem mwot mütüi.

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

EZEKEL 17:24

Haxtok angkya pün pangwüie ku a Jowanpa changpule tikle laxüi. Tsuathakya pünnubu kue dak ilaxle pünsabu tsuale tsong ang tom. Pün ohingbu kue zile zan ang tom ilaxle pünzikbu ohing ang achang ang tom. Jowanpa kue ija akaxdaoa. Kue moküihex-ole akax daokya kue mok angkya changpu.”

2 THESALONIKA 2:8

Ifüima chisumüikya mix sün ahoüi, ikoxle Jowanpa Jisu nguikya zuma chix a zakmütle langüi üntoxle fale nyankya füi chix womkyae chix oli thuüi.

WANWÜNKAX 24:9

Ongatbu mwottho tütalichu ochax changle. Chix ma chemngax chitüi ikoxle mix to kaxma thüilanle ngokya mix thua nok wüi anule.

KAXHO MÜIKYA LUK 1:51

Tsakzong füikya chak chixe thui; ngamkyabu hwom mwotthobu füi, chixe afomle chiak.

2 THESALONIKA 2:4

Chixe zang le athüiüi pangnu füi chichangba shwomkya oli pangnu füi alünüi ilaxle chix hwom pangnu thak tokya ang achangüi. Chix zangshwom-hom to nop ilaxle thungüi üntoxle chix a zang changpu le thüiüi.

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

ISAIA 59:7

Hünzome ojento chimüikya ochax mwot-lomlom wüi zingle ngo, ilaxle ija chimok homtoxle hünzom adule ngo ang chitho. Chemngax chichangkya khünakbu mik amüt angkya bama hünzom ang ojao cha-ao-mongsaokya chitüi. Hünzom apaopao khato hünzome jali olithule amatox,

ISAIA 2:17

Khünaknu mongngam ashuküi, ilaxle khünaknu mongngam amadaoüi. Chapabu a komkaile maxüi, ilaxle ija nyix a Jowanpa, chix tata tix achuak-achenüi.

TSAITONG-KAXTONG 15:9

Hünzome thashe münlaxngole dantox angkya hanpak nguile hüikya ngünlaxle, chix ang tütali kox angkya to taxakhüix. Iningkya haxshix tutex hünzom khangka ma wang ang taxtom. Ija thashe kox ang nang mong chitsule jangchang, chixe nang to mongma kopüi. Ija mongma a Jowanpa hato nguiüi ilaxle nang a thaikya mix ang laxüi.

2 KORIN 9:13

Hünzome mokkya mwottho ijae hünzom ma khristan chingcha mong zaikya ahole, ilaxle hünzome ngaikya hia Khrista Kaxho Müikya kax ma laxkya olom khoma tomwüi khristanbue Zang mün achuaküi. Hwom füi ilaxlechu mama tomwüi mongong mixbu füi hünzome ma ma tüikya mongtsu laxle tom-hanle laxkya chingcha khoma hwome Zang achuaküi.

ROM NOK HATO ZAKYA POL LAIZA 16:26

Ikoxle, athax a, ija otsingtsing a ajebu chakza makhange kotok to angai daoa; ilaxle noke ong angkya hia ija kax ma lax angkya kuxma, oshuk chitüikya Zang kaxtom makhange ija a nok chaxwan longkhoe awan ang koxdaoa.

2 WANGHOMBU 19:22

Nange owa cha nyipuix tamchu owa to adix-adale changpuixle thüt? Nange ku, Israel nok otsao Zang adix-adapu.

ROM NOK HATO ZAKYA POL LAIZA 1:5

Khünaknu pangnu jat-li tokya wüi mongong hia kax ma laxkya hato zunle ahüi angkya hanpakma, Khrista mün hanpakmale, chix makhange Zange ku ang wangshem tuita ang achang angkya osho fa.

ISAIA 60:14

Hünzom to zothuple ngokya putong hwom nguiüi Ilaxle chathua zakya ahole hwom akhuxüi. Tam-a hünzom adix-adale changdaokyabue hünzom chitong ma shwomüi. Hwome hünzom ang ‘Zaion, Israel nok Otsao Zang Jowanpa tingnu’, le nyaküi,

2 WANGHOMBU 19:28

Kue nang shix-male changkya hia mongngam bama kax atatle ngopu, ilaxle athax kue nang nakua makhange jankuix huküi ilaxle ija füi nang wikha ma shaole chang ang tomüi, ilaxle lomtang oja makhange nang nguipuix ija lomtang makhange kue nang chat ang tomüi.”

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

MÜNCHUAK-TSAI 18:27

Nange pui-hi-naikyabu khosünpu, ikoxlechu ongam füikyabu nange fang to ajopu.

JOB LAIPEX 42:6

Ikhoma kue akax daokyabu bama ku tüle azak maxle ilaxle haxbu khato wotle mong alüixpu.

MÜNCHUAK-TSAI 18:44

Mixnokbue ku chitong ma akhuxpu; ku zing atatle changpongma hwome ku kax ma laxpu.

LAIPAO 5:2

Wanghompa-e atüi: “Jowanpa a owa? Kue büthüikoxle chix kax ma lax üntoxle Israel khünakbu danle apao angkya? Kue Jowanpa mün müntsing; ilaxle kue Israel khünaknu pao ang müntom.” Ile wanghompa ang mongtsak.

PONGWANG LAIPEX 8:21

Chemtue Jowanpae ija ongan müikya atumle laxpuix, chixe chix mongto thüi: “Khünak khoma hexle kue tamchatle haxtok to thuakzomle münchangüi; chemthüikoxle khünak mongjang a chix naosün ma tüitan tokhange wüi ochax changle. Kue hwondaokya ningle tamchatle ozün ma tüikya zünmok max ang müntomüi.

JEREMIA 23:29

Ku kaxho a wün lailaile tamchu longnubu thuple akhixkya jantu tuita lailaile changpu.

2 KORIN 11:20

Owae hünzom chix da ang laxlaxpuix chichangba chix lap hanpakma hünzom twonlaxpuix chichangba hünzom tsün ma aman laxpuix chichangba hünzom to ajao afangle hulaxpuix chichangba hünzom to thün ma fitlaxpuix, iningkya mix füito hünzom azuile.

FILIPI 4:7

Üntoxle Zang mongkün oja khünake tsingwankya zia kaile tüipuix, ija Khrista Jisu füikya notom ma nang mongtsang hia tutex sünle thomüi.