2 KORIN 10:4 - OTSAO BAIBEL (BSI)

⁴ Kwome achax-azan ang twonkya chang-pax a chaxwannu chang-pax münchang ikoxle Zang tsakzong chang-pax changle. Kwome ibu oshing mongle ziakop laxle ngokya tha ama ang twonle. Chichang khato kaxma ma alatkya pangnu tha kwome amale.

2 KORIN 10:4 ပူးပေါင်းရင်းမြစ်များ

2 KORIN 6:7

Otsingtsing tsakzong hia Zang Kaxho makhange tsuak ang tompu. Ma khosün angkya chang hia pax ang kwom ang Zang Otsao tüipu.

JEREMIA 1:10

Anyix kue nang ang jat-li hia wangtingbu thakma, ibu file awüt angkya hia bele athai angkya, pünle ama angkya hia khole awüt angkya, zing angkya hia küi-thwom angkya tsak-zong koxpu.”

1 KORIN 2:5

Idaile nang mongong chifün a khünak je-hwon münchang ikoxle Zang tsakzong changle.

1 TIMOTHI 1:18

Kusa Timothi, ija kaxtom kue nang ang fapu: Nang ile chang angkya hexo le Jowanpa-e kem füi chix ajebu makhange akaxle thom daokya lailaile, Jowanpa zanhok ma nang amüile azankox.

ROM NOK HATO ZAKYA POL LAIZA 13:12

Zangnaknu kai laxle zangngai hax khakha changle. Keme mokle ngokya zangnak mwot dantox daoa, ilaxle zangngai ma azan angkya chang pax laxle koplax.

1 THESALONIKA 5:8

Ikoxle kem a anyixning kux, üntoxle kem a tok-ngakya füi atsaile ngoüi. Mongong hia mongkün keme tata khaxtok khwop jan ang apong angkya changle, ilaxle khosün bama kem monghom khohom tuita ang lax angkya changle.

2 KORIN 4:7

Ikoxlechu Kaxho Müikya zong akhokya a Zang kux changle, kem kux münchang, le aho angkya hanpakma, ija Kaxho Müikya apuk-apua angkya hünlix füi tüikya kwom a tikkuxbu ningle changle.

ROM NOK HATO ZAKYA POL LAIZA 6:13

Ichichangba, chichangchizang mwot to thap ang nang tsangtsa ojongkhachu taxdan. Itülüi, omang khatokya ozün hato apüidaokya khünakbu ningle, hünzom tsün Zang ang laxkox, ilaxle nang tsün komkaile otsao mwot ma twon ang dankox.

2 KORIN 3:5

Ija mwot mok ang tsuaküile akax angkya kwom ma chemchu müntüi. Moktsuak angkya zong Zang tokhange tix hüipu.

MÜNCHUAK-TSAI 110:2

Zaion makhange Jowanpa nange apün angkya zong achenle koxüi. Chixe thüi: “Nange nang zanpabu thakma apünlax.”

IBRI 11:30

Mongong makhange Israel khünakbue nyix anüt akhople ahamkya füima Jeriko pan long katuk tsun ang kox.

2 TIMOTHI 2:3

Kax ma laxle tüikya Khrista Jisu süpahi tuita ningle, nange sikngün ma wom ang thüikox.

WANGSHEMBU MWOT 7:22

Chix ang Ijip nok tsailom-kaxlom hia sütlom-mwotlom pangwüi anole kox, ilaxle chix a tsaikax hia sütmwot pangnu lom ma man-ngünkya tuita chongkya mix ang achang.

ISAIA 30:25

Hünzome zanpabu zanhunui hwople koplaxle hwom khünakbu langle changüihex, ipongma haxkang-haxhua pangnu tokhange tümik fuakle ti jenüi.

JIHUSUA 6:20

Idaile nguapabue nyazong müt. Khünaknue ija atatkya füi tomle tüle sungdünle akhong, ilaxle pan katuk tsun ang tom. Ifüima süpahibu küithole tingnu to dong ilaxle ija tingnu ziakople chang.

2 KORIN 13:10

Ija khoma ku hünzom füi atsaile tüipongma wüi kue ija lai zapu. Ija a, Jowanpa-e ku ang, hünzom pünle ama ang chichangle, hünzom zingle amüi ang fale thomkya zong, ku nguikya zuma zongma laxle chitwon angkya kuxmale changle.

1 KORIN 9:7

Masüt-maling füi süpahi ang achang ngokya owa tüi? Grep haxtok manzai laxle ikha angkya oziak chisaxkya mix owa tüi? Tsomti chiling homtoxle chun nyele ngokya nyetmix owa tüi?

JEREMIA 23:29

Ku kaxho a wün lailaile tamchu longnubu thuple akhixkya jantu tuita lailaile changpu.

2 KORIN 10:8

Jowanpa Jisu Khrista-e ku ang, hünzom ama ang münchang ikoxle zingle amüi angkya hanpakma, hünzom to o angkya zong koxle tüile. Ija ku ang koxle thomkya zong bama ku hidaole onüisa tsaichong-kaxbongle tüidaobachu, ku azak azyen angkya oli müntüi.