2 KORIN 10:18 - OTSAO BAIBEL (BSI)

¹⁸ Chemthüikoxle khünak tuita ang müile le thüi angkya a, chixe alüile ma müile le thütkya khoma münchang, ikoxle Jowanpa-e müile le thüikya matix changüi.

2 KORIN 10:18 ပူးပေါင်းရင်းမြစ်များ

KAXHO MÜIKYA LUK 16:15

Jisu-e hwom ang thüi: Hünzome hünzom alüile khünak thüntho ma hünzom chithai kya ang achangle, ibachu Zange hünzom kün-mong awanle; chemthüikoxle khünak zong to thanu-juapa le ekya bwot Zang zongma tüta ziakhochu münngui.

WANWÜNKAX 21:2

Nange amokmok pangwüi changkyakya wüile nange thütkoxlax, ikoxlechu Jowanpae nang tutex to hule le texle ataklax.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

ROM NOK HATO ZAKYA POL LAIZA 2:29

Ikoxle zale thomkya wanlom makhange chichang homtoxle Zang Chasa mwot makhange owa mongtsang ma khwonzüt zom zingdao laxpuix, ija khünak tix mong ma otsingtsing Jehudi khünak changle. Ija khünake achuak achenkya Zang tokhange kople, khünak tokhange münchang.

2 KORIN 10:12

Ibachu kwome, ma alüile achuak achenle changkyabu füi apanle hia apyenle ngose tsukya münchang. Hwom a chem tukuxkya ongatbu hex! Hwome alüile hwom chifün zingle laxle, ilaxle ibu füi hwom athut-apan le.

JUHAN 12:43

Hwome Zange sule le thüikya füi khünake sule le thüikya wüi lom.

WANWÜNKAX 27:2

Mix khünake: mixhing wünpabue to lünle nang achuakle naxchang; otuechu ma alüile achuakle taxchang.

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

2 KORIN 13:7

Wangshempa tuita ningle ku thaile ngoünkoxlechu naxchangkox; othuithuima ku zangjop a hünzome thaikya chimok angkya hanpakma changle. Hünzom hanpak to ku tutex a, ku mikngün zongto tholünkya ningle chichangle hünzome sukyakya naxmok le changa.

2 KORIN 6:4

Itülüi, sikngün tuitai ilaxle thangdangkya pangnu ma adukya tokhange, kwome mokkya oli pangnu lom ma kwom a Zang dabu changpu le ahopu.

ROM NOK HATO ZAKYA POL LAIZA 14:18

Üntoxle khünak opange ile Khrista mwottho thaüihex, hwome Zang mong amüi ang tsuaküi ilaxle khünakechu hwom mwot ang changkox a le thüiüi.

2 TIMOTHI 2:15

Chiazak le chix thothapa tuita ningle, Zang otsingtsing kaxho Müikya thaikya chitüi le anwot-anokya khünak tuita ningle, Zange sule le lax angkya hanpakma nange otsuaktsuak ma azongle moklax.

2 KORIN 5:12

Chatlechu hünzom hato kwom wüi supu le aho ang azong ngokya mix münchang. Itülüi, kwom azong ngokya a, kwom hanpakma hünzom chem bama bong-chong le tüiüihex, ija otong awan kox angkya hanpakma changwüi. Ikoxletix hünzom mong ma chemchu chitüi homtoxle otok sünngün to bong-chong le tüikya khünakbu kax to lan ang thoüi.

2 KORIN 3:1

Ija zangwün chatlechu kwom tsaichong-kaxbong zing ningle atatünpia? Hünzom hato kwom süntsing münwan koxle mix angkya laiza lax angkya kwom ang mwot müntüi, chichangba mix hato kwom süntsing münwan koxle kwome hünzom angkya laiza lax angkya chem mwot müntüi.

1 KORIN 11:19

(Chem mongaoüi, otsingtsing ma sukyabu atsingsho le ngaile aho ang hünzom ile ahak ahan angkya jao changle).

ROM NOK HATO ZAKYA POL LAIZA 16:10

Khrista hanpakma sikngün thwonlop daokya mix, Apolo ang salam. Aritobula homkha pangnu ang salam.

WANGSHEMBU MWOT 2:22

“Israel khünaknu, kax ibu to apahüi! Zange Nazareth nok Jisu makhange mokle ahokya ohünotün hia khomtsikya mwotbu ilaxle mowanbu tokhange chix a Zange kamle kopkya mix tuita changkya le hünzom hato ahodaoa; hünzom malailaie ija awanle chemthüikoxle ibu a hünzom thüntho ma noke ngünle mokle hüikyabu changle.

WANWÜNKAX 12:8

Nang jetüi-hwonlang mix tuita jangchang thüiba, nang achuak-achenle changüi; nang a tuita ongat jangchang, khünaknue nang to asongle huüi.