2 KORIN 10:1 - OTSAO BAIBEL (BSI)

¹ Pol ku jaoe hünzom füi akaxpu, hünzom hama tüipongma ku a zakhut mix ang achang, ikoxle hünzom ha angkya atsaikya zuma ku ang mongchongle le khünakbue akaxle. Khrista ningle ku somdangle tüise texpu.

2 KORIN 10:1 ပူးပေါင်းရင်းမြစ်များ

2 KORIN 10:10

Chemthüikoxle hwome thüile: “Pol laiza tüle khünzukya tamchu ahai ang chimüikya changle, ikoxle otue chix kwom füi tomle kun ma tüikyahex, chix ma zong chitüi, ilaxle chix tsai chix kaxbu chem angchu chichang!”

MATHI 11:29

Hünzome ku dang ma pailax, ilaxle ku angkya awanle koplax; chemthüikoxle ku a somdangkya mix tamchu chasa ma jonaikya mix changpu; ilaxle hünzome nazak atak ang thoüi.

GALATIA 5:2

Apalax, ku Pol-e thüipu; hünzome alüile khwonzüt mixbu chak to jangdan thüiba, hünzom hanpakma Khrista a chem mwot ang münhüi.

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

2 KORIN 11:30

Ku mong a ngam angkya wüi changle, ku ang zongshole ahokya olom bama ku mong ngam angkya wüi changle.

1 KORIN 2:3

Idaile ku hünzom füi tüipongma ku shonaile hia zakyae pangnu kha abünle süt,

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

1 PITAR 2:11

Kue mongkünle texkyabu, chaxwannu ma mixwünbu tamchu püntüibu ningle kue hünzom ang thüipu: chasa füi alünle azankya müi-hi-aji küntsu monglua füi hünzom atsaile ngolax.

FILEMON 1:9

ikoxlechu nang tokya ku mongkün khoma, kue nang ma tsaiju kaxjupu. Ku, Pol tuita Khrista Jisu ma Zang da tuita tamchu chix mün khoma kun ma ngokya mix changkoxlechu,

2 THESALONIKA 3:17

Ija a ku chak jaofüi zakya changle: Pol makhange salam. Ilele wüi laiza pangnu to kue sohi shingpu; kue ilele wüi zapu.

EFISIA 4:1

Jowanpa mwot mok angkya khoma tuita kople thomkya mix, kue hünzom ang thüipu: Chixe hünzom nyak pongma tyale thoptox daokya chifün füi asule hünzom ahamkox.

GALATIA 4:13

Pongwang ma wai pongma kue Kaxho Müikya hünzom hato büthüikoxle apuk-apua puix ija hünzome texle atak-hu; ija a ku kakkya khoma changle.

2 KORIN 12:5

Ikhoma ku ija mixsün bama mongngam angkya changle, ikoxle ku hanpakma shonaikya ahokya bama ku münngam.

2 KORIN 11:21

Kue thüipu, Kwom a iningkyabu mok ang namazak le zale! Ikoxle lilita khoma owawae mongngam ang tsukya jangtüi; kue ongat ningle akaxpu, ikhoma ku mongchu ngamse tsule.

2 KORIN 10:7

Hünzom a mongjang ma khünzukya müntüi. Owawae atsingshole chix Khrista da changpu le tex ngo angkya mix jangtüiba, chixe müile ajang ang laxkox, ilaxle ku chuwüi chix bütukuxle Khrista da changpu le chixe tsingle laxüi.

2 KORIN 10:2

Ku ikhato nguikya zuma chingchalaxle ku ang zongzanle hia kheba chithüile tüihüile sütax-akaxünfa! Chaxwannu mongtex ma mokle le ku ma kaxhux fekyabu zongto atix ku zongzanle tüi angkya kue awanle ngopu.

2 KORIN 7:4

Hünzom to ku mong ojao münao; hünzom hanpakma ku mong itukux ngampuix! Kwome apongle hüidao künu sikngüne, otuechu ku ang mong münahik; itülüi, othuithuima ku mongmüie awang laxle ngopu.

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

2 KORIN 5:20

Zang chixjaoe kwom makhange chix zangwün thwonkya tukux, ikhama kwome Khrista bama zangwün ngopu. Zan ang ngokya chix füi zuikhui ang achangle, Zange hünzom mong alüix ang laxkoxle kwome Khrista mün ma Zang to joppu.

2 KORIN 3:12

Ija monghom tüikya khoma, kwome mongchyen füi zangwünpu.

1 KORIN 4:10

Khrista kuxma kwom ongatbu, ikoxle hünzom a Khrista ma jetüi hwonlangkyabu. Kwom a shonaile ikoxle hünzom a tsakzongle. Kwom a wünhaile ikoxle hünzom a achuak achenle!

ROM NOK HATO ZAKYA POL LAIZA 15:15

Chemchu chipyen chizyen le kaxmik tuita bama ija lai makhange hünzom mongto texle atak lax ang koxpu. Ku mongchyen a Zange fakya osho khoma changpu,

ROM NOK HATO ZAKYA POL LAIZA 10:20

Ilaxle ija akax ang Isaia mong süchong chongle chong, “Ku lomle chingokyabue ku atak, ku chiatüituakyabu hato ku ngui.”

WANGSHEMBU MWOT 8:32

Chixe ekya Otsao Lai ofong a ija changkya: “Chix a lang ang paokya, chun tuita ningle; omun sexkya ma chingaokya, tuita chun hosa ningle; chixe kaxfa tuita chizex.

MATHI 21:5

“Zaion tingnu ang thüikox; Hulax, nang wanghom, nang hato hüile ngole; Chix somdangle tamchu, Gatho ma ngale hüile!”

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

MÜNCHUAK-TSAI 45:4

Chuak-chongle chix tsaplya khoto nga, otsingtsing hia sukya khose angkya hanpakma!

1 KORIN 4:21

Ku hünzom hato sansüi füi nguiüi hia, chichangba chasa mongkün füi jonai ma nguiüi? Hünzom zongma opupu suüi?

EFISIA 3:1

Ija khoma mixnokbu kuxmale kople thomkya Pol, kue Zang to joppu.

FILIPI 4:5

Pangnu hato jonaikya zanglom saikha tutex ahokox. Jowanpa a chwonle nguile ngole.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

FILEMON 1:19

Ikhama, ija ku chak jao makhange zapu: Pol, kue nang ang ija achatle koxüi. (Changle, nang jao kox angkya ku ang thashe tüile ikoxlechu imo münwün ngohom.)