2 KORIN 1:7 - OTSAO BAIBEL (BSI)

⁷ Hünzome kwom sikngünbu tom-hankya ningle kwome kopkya mongsomchu wüi tom-hanle le kwome awanle. Idaile hünzom tokya kwom monghom otuechu münasho.

2 KORIN 1:7 ပူးပေါင်းရင်းမြစ်များ

JAKOP 1:12

Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.

2 TIMOTHI 2:12

Kem adule jangchang thüikoxle, kemechu chix füi tomle apün-awangüi. Keme chix ema chilaxle jangchangba, chixechu kem ema münlaxüi.

2 KORIN 12:20

Ku ikhato nguikya zuma, hünzomchu ku tutex füi opüi ma ilaxle kuchu hünzom zongto hünzom tutex füi opüi to nakbang le ku zamaxündai. Ku thoma ohyet-otsi hia osing nüfux, mongtsik hia saxkün, ajao ahaikya hia zaxhun, mongngam ilaxle tuwuk-lajatbu nakbang le zamaxündai.

2 KORIN 7:9

Ikoxlechu athax ku mongmüipu; kue hünzom mongma ang koxkya khoma münchang, ikoxle hünzome mongmakya tokhange hünzom zanglom saikha lüikya khoma changle. Ija mongma a Zange twon idaile kwome hünzom to okak münkox,

2 KORIN 1:14

izuma hünzome kwom bama komkaile awanle laxüile kue monghompu. Imatix hünzom bama kwom ma tüikya mongngam füi tomwüi hünzomchu kwom bama mongngam tüi ang tsuaküi.

1 KORIN 10:13

Nok hato chihüikya thwontsing nang tata hato ahuakle tüma hüi. Zang to mongao angkya müntüi, ilaxle nang ma tüikya zong tok to tsakkya thwontsing chixe otuechu hüi ang münfa, ikoxle nang to thwonle anokya zuma, chixe nang ang adu tsuak angkya zong faüi, ilaxle paole azang angkya olom daple koxüi.

MATHI 23:30

ilaxle hünzome: ‘Ami pupabu tsün to kwom tüikya hex thüikoxle kwome hwome mokkya mwot chimokse ilaxle ajebu chilangse’, le thüitüi.

2 TIMOTHI 3:11

Ku zothupkya ilaxle ku sikngünkyabu ngünle laxdaoa. Antiok, Ikoniam hia Lastrabu to kue adule hüikya zothup pangwüi nange awanpu! Ikoxlechu ibu chak tokya Jowanpa-e ku khosünle koppu.

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.