2 KORIN 1:23 - OTSAO BAIBEL (BSI)

²³ Ku ngui ilaxle sale hünzom mong nak ama le ku Korin to münngui ngole mongzangwünle tsuakkya khoma; ija bama hünzom mongmakya chitüi angkya hanpakma, ku khosele kaxkhi fa ang kue Zang sepu ija chixe awan.

2 KORIN 1:23 ပူးပေါင်းရင်းမြစ်များ

GALATIA 1:20

Kue chem zalaxpuix ija a otsingtsing changle. Ku münthaile Zange awanle.

1 KORIN 4:21

Ku hünzom hato sansüi füi nguiüi hia, chichangba chasa mongkün füi jonai ma nguiüi? Hünzom zongma opupu suüi?

2 KORIN 13:10

Ija khoma ku hünzom füi atsaile tüipongma wüi kue ija lai zapu. Ija a, Jowanpa-e ku ang, hünzom pünle ama ang chichangle, hünzom zingle amüi ang fale thomkya zong, ku nguikya zuma zongma laxle chitwon angkya kuxmale changle.

2 KORIN 13:2

Amipongma ochax lyenle ngokyabu ilaxlechu mamabu pangnu ang kue kaxkhün fapu; kue othom anyi lükya hünzom waipongma ija kaxkhün fadaoa, ikoxle athax tsaito tüilaxlechu ija kaxkhün chatwüi chatle akaxpu: Tamchatle ku nguikya zuma opupuchu münsho-münnai,

ROM NOK HATO ZAKYA POL LAIZA 1:9

Hosa bama Kaxho Müikya apukle mong bakle koxlaxle Zang owa mwot kue mokle ngolaxpuix, chixe ku zangwün otsingtsing changpu le kaxkhi fa ang thoüi. Kue zangjopkya foto hünzom texle atakkya Zange awanle.

FILIPI 1:8

Ku mongkha to zule hünzom hanpakma sungle tüikya oja Jisu Khrista mongthong tokya hex, ija bama zangwün pongma, ija a otsing tomta changkox a le ku kaxkhi ang Zang changle.

2 KORIN 12:20

Ku ikhato nguikya zuma, hünzomchu ku tutex füi opüi ma ilaxle kuchu hünzom zongto hünzom tutex füi opüi to nakbang le ku zamaxündai. Ku thoma ohyet-otsi hia osing nüfux, mongtsik hia saxkün, ajao ahaikya hia zaxhun, mongngam ilaxle tuwuk-lajatbu nakbang le zamaxündai.

1 TIMOTHI 1:20

Hwom khama Himanai hia Alekjendar hokhi changle, opang to kue bao chak to dankya makhange hwom ang sikngün fadao laxpuix; ijae hwom ang Zang ang omale thüikya zak ang anwot-ano le faüi.

1 THESALONIKA 2:5

Kwom hünzom hato chiajingkya zangwün koplaxle nguikya münchang le hünzome müile tsingpu, tamchu kwom nüfux to chwop-khom angkya kwome zang chiwün, kwom kaxkhi ang Zang tüile!

2 KORIN 11:31

Jowanpa Jisu Zang ilaxlechu othuithuima chix mün mohiman naxchang! Chixe ku münthaile awan ngole.

2 KORIN 11:11

Kue ija a hünzom to chikün chilua laxle akaxpia? Kue hünzom to künkya Zange awan ngopu!

2 KORIN 10:2

Ku ikhato nguikya zuma chingchalaxle ku ang zongzanle hia kheba chithüile tüihüile sütax-akaxünfa! Chaxwannu mongtex ma mokle le ku ma kaxhux fekyabu zongto atix ku zongzanle tüi angkya kue awanle ngopu.

2 KORIN 1:18

Zange otuechu thaikya zang chiwün, ija ningle, ku kaxtsaochu “Jo, jo” thüi üntoxle “Müno”, le chichang.

1 KORIN 5:5

hünzome ija mixsün, chix tsangtsa ama angkya hanpakma bao ang koxdao, ile changkoxle tix Jowanpa Jisu Khrista zanghan dong Nyix chixe chasa khosün ataküi.

ROM NOK HATO ZAKYA POL LAIZA 9:1

Kue chem akaxpuix ija a otsing tomtata changle; Ku Khrista kux changle ilaxle ku münatse. Otsao Chasae awang laxle ngokya ku khangkaechu münatse lüwüi thüile.

WANGSHEMBU MWOT 18:1

Ile Pol-e Areopagas khwa ma zangwün füima Athen dantoxlaxle chix Korin to pao.

WANGSHEMBU MWOT 18:8

Sinagok ma alixachong sün Krispa üntoxle hwom homkha pangnue wüi Jowanpa to ong; ilaxle Korin angkya khünaknue Pol kaxho apa, ija to mongong ilaxle hwom bapti.

2 KORIN 1:1

Zang mongtex makhange Khrista wangshem ang achangkya Pol hia kem tüinao Timothi nyi tokhange: Korin angkya Zang müimüithom, tamchu Akaia angkya Zang khünaknu nok hato:

2 KORIN 6:6

Kwom tsaothakya, tsingwankya, adukya tamchu chingcha jajakya tokhange kwome kwom alüile Zang dabu changpu le ahopu. Ija Otsao Chasa, kwom otsingtsing mongkün, tamchu Otsao Chasae otsingtsing ma mix to künkya mongküne,

2 KORIN 11:10

Ku ma tüikya Khrista otsingtsing ma kue tsaopu: “Akaia ma ojong khatochu ija ku mongngam mündang toxüi.”