2 KORIN 1:14 - OTSAO BAIBEL (BSI)

¹⁴ izuma hünzome kwom bama komkaile awanle laxüile kue monghompu. Imatix hünzom bama kwom ma tüikya mongngam füi tomwüi hünzomchu kwom bama mongngam tüi ang tsuaküi.

2 KORIN 1:14 ပူးပေါင်းရင်းမြစ်များ

FILIPI 2:16

Hünzome ile jangmok thüikoxle, Khrista Hanpak Nyix nguikya zuma hünzom bama ku ang mongngam angkya olom tüiüi, chemthüikoxle ile changkyae ku azongkya hia mwot oba to tomta le chichang khato le ahoüi.

1 KORIN 1:8

Kem Jowanpa Jisu Khrista hanpak nguikya nyix hünzom ojao thaikya chitüile chang angkya hanpakma, chixe hünzom oshuk kople shingmongle ngo angkya koxüi.

1 THESALONIKA 3:13

Ile chixe hünzom tsakzong ang koxüi ilaxle kem Jowanpa Jisu Khrista chix khünaknu füi ngui nyix Hopa Zang thüntho ma hünzom ofwot chitüi le tamchu otsao ang achangüi.

FILIPI 4:1

Idaile ku mongkün tüinaohom, hünzom ku zongto otukux müipuix ilaxle kue hünzom ngünse le tüle-tüle sungle! Hünzome ku ang mong otukux amüipuix, üntoxle hünzom bama ku mong tüle ngamle! Kutüi kunaohom, ija a mama chemchu münchang ikoxle Jowanpa ma hünzom tsün shingmongle ajong ngokya tokhange changle.

FILIPI 1:10

Ija a hünzome amüikya zün ang tsuak angkya kuxma changpu. Ifüima tix Khrista zangngai ngünkya nyix hünzom chitsaokyabu pangnu tamchu oma laikho khakyabu pangnu füi atsaile ngo ang thoüi.

1 THESALONIKA 5:23

Pangnu lom ma hünzom otsao ang achangle Zange kwom ang mongsom naxfa ilaxle hünzom ozün komle, thüikoxle chasa khüzün tamchu tsangtsa pangnu, Jowanpa Jisu Khrista nguipongma othai lili füi atsaile sünle thomüi.

FILIPI 1:6

Idaile Khrista Jisu Hanpak ashukle mahüi tanto, hünzom ma ija mwot müikya owang wangkya Zange ija zunle alyet angkya changpu le kue hünzom ang thüipu.

2 KORIN 5:12

Chatlechu hünzom hato kwom wüi supu le aho ang azong ngokya mix münchang. Itülüi, kwom azong ngokya a, kwom hanpakma hünzom chem bama bong-chong le tüiüihex, ija otong awan kox angkya hanpakma changwüi. Ikoxletix hünzom mong ma chemchu chitüi homtoxle otok sünngün to bong-chong le tüikya khünakbu kax to lan ang thoüi.

2 KORIN 2:5

Athax owawae tututa mong jang amadao thüiba, chixe ija kutata mong amakya chichang ikoxle hidaopong changkoxchu chixe hünzom pangnu mong amapu. (Chix to khünzule nakpo ünkox le kue ija akaxpu).

ROM NOK HATO ZAKYA POL LAIZA 11:25

Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.

1 KORIN 15:31

Kutüi kunaohom, kue zik nyixfole apongle! Jowanpa Jisu Khrista ma kem khüzün tuita ang achangkya tokhange, hünzom bama ku mongngamkyae ija angaile ahopu.

1 KORIN 11:18

Pongwang ma, kue atat ang kopkya a, hünzom tu asoxkya zuma tata füi mongtex apüikya tokhange mathom-mathomle zingle tüile, ilaxle ija zangwün to süifi süitex kux otsingtsing changpu le kue ongkya tüile.

FILIPI 1:26

ikoxle tix otue ku tamchatle hünzom füi ngo ang ataküi hex, izuma Khrista füikya notom ma hünzom tsün ma ku bama mongngam angkya hünzom ang olom sülui le bangüi.

2 KORIN 9:2

Fongtsox angkya bama hünzom mongtsukya kue awanle, ilaxle Mesidonia nok hato kue hünzom achuak achenle wündaoa. Kue thüipu: “Akaia angkya tüinao thome müzang tokhange wüi fong ang achwonle tüikya.” Hünzom küntsu mongluae iningle mok ang hwom pangnu mong towüi pole zong adün.