2 KORIN 1:10 - OTSAO BAIBEL (BSI)

¹⁰ Ija ningle za-adünkya, mikjao maxse thomzün chak tokya chixe kwom azündaoa, üntoxlechu wüi sün angkya changle; ile hünzome zangjop makhange kwom to fongle ngopongma, chixe kwom chatlechu wüi sünüi le kwom mongong chix ma thomdaoa.

2 KORIN 1:10 ပူးပေါင်းရင်းမြစ်များ

1 TIMOTHI 4:10

Kwom azanpu ilaxle azongle mokpu, chemthüikoxle pangnusa khosün mix tamnüilechu opange ongpuix, hwom hanpakma, kwome kwom monghom ozün Zang ma thompu.

2 PITAR 2:9

Ikhoma, otsao khünakbu chemle thwontsing tokya khosün angkya hex üntoxle chitsaokyabu kaxfünkya nyix hanpakma chemle sikngün ma thomüi hex, ija Jowanpa-e tsing,

MÜNCHUAK-TSAI 34:19

Müikya khünakbu a tingtui malom-malom ma sikngün apongle, ikoxlechu ibu pangnu chak tokya Jowanpae sünle kople;

1 SAMUEL 17:37

Jowanpa-e ku chaxnu hia chepnubu chak tokya khosünle thompu, chixe ku ija Filistia nok chak tokya chu khosün angkya changle.”

ROM NOK HATO ZAKYA POL LAIZA 15:31

Jehudi chaxwan angkya mongong matüikya khünakbu chak tokya ku azün hüile jop hüi, tamchu Jerusalem ma kue mok angkya mwot hwome pongle kop ang tsuak angkya lima chang ang laxkoxle jop hüi.

2 TIMOTHI 4:17

Ikoxlechu Jowanpa ku füi ngo ilaxle ku ang zong kox, ikhoma tix kue mixnok pangnue atat ang tsuak le Kaxho Müikya apuk-apua ang tho; tamchu mik amüt angkya kaxfün chak tokya ku azang.

WANGSHEMBU MWOT 26:21

Ku Zangshwom-Hom ma tüipongma Jehudi khünakbue koplaxle ku lang ang tungkya a ija khoma changle.

ISAIA 46:3

“Ku kax to apalax, Jakop sixli hwome, ku khünaknu kha angkya atatle tokyabu pangwüi. Nang puxkya makhange wüi kue nang to humele hüipu.

1 SAMUEL 7:12

Ifüima Samuel-e long tuita lax, ija Mizpah hia Shen nyi zo ma küi ilaxle thüi: “Jowanpae anyix alople kem to fongle hüidaoa”, ilaxle ijakha ang chixe “Fongkya Longnu”, le nyak.

DANEL 3:17

Nang tsak-zong chak tokya kwom khosünle kop ang kwome shwomle ngokya Zang-e ija okham wünnu hia nang tsak-zong chak tokya kwom khosünle kop angkya tho angkya olom tüile jangchang, chixe naxsünkox.

DANEL 6:16

Ikhoma wanghompa-e Danel a mailange awangle tüikya tswon khato tswonle awüt angkya kax kox. Chixe Danel ang thüi: “Nange owa to mongpak fünthole koxle shwomle ngopuix, ija nang Zang-e nang khosünle naxchangfa.”

2 KORIN 1:9

Kwom ang mik amüt angkya tsaifün kaxfün tsuakdaongachu le kwom mongto texle hüi. Ikoxle ija a, kwome alüile ma to chichangle zidaokya azüntsuakkya to mongong naxtüi ang ile chang.

2 KORIN 6:9

Owaechu chiawankya ningle, ikoxlechu noke wüi kwom mün awan; kwom a omang bütukux, ikoxlechu hünzome ngünle kwom a ozün ma ngo. Sikangün ikoxlechu mik chimax.