1 TIMOTHI 6:5 - OTSAO BAIBEL (BSI)

⁵ üntoxle khüzi ma mwot chikoxkya tamchu otsingtsing chitüikya khünakbu makhange ohyet-otsi janba to alaile. Ibu a zanglom ma ahak-alua angkya olom tuita le hwome thütle.

1 TIMOTHI 6:5 ပူးပေါင်းရင်းမြစ်များ

2 TIMOTHI 3:5

otok to ngün ang kopkya tata twonlaxle zanglom tokya ahole hwome ija ma tüikya otsingtsing zong tomtata a chilaxle ahaiüi. Iningkyabu füi atsaile ngolax.

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

2 TIMOTHI 3:8

Jani hia Jambri nyie Mosa füi apüile laikya ningle ibu khünakbuechu otsingtsing zan to kale. Ibu khünakbu a khüzi füi mwot chimokkyabu ilaxle ma mongong ma tho chilünkyabu changle.

1 TIMOTHI 6:6

Changle, khünak tuita ma ma tüikya füi mongtex shakya jangtüi thüiba, zanglom makhange chix a hakpa luapa ang achangle.

1 TIMOTHI 3:3

chix a tuita jutok saxngakya mix chichangba hyet lom mix ang chichangüi, jonai ma hia mongsom füikya mix ang achang angkya oli changle; chixe ngun syen to mongkünkya chitüi angkya oli changle;

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

MATHI 12:33

“Müikya pünziak kop angkya hanpakma hünzom ma owan müikya pün tüi angkya changpu; opün wan chimüikya pün ma hünzome oziakchu chimüikya kopüi. Pün a oziak makhange tix awan ang kople.

1 TIMOTHI 1:6

Ibu khatokya züizüi a chatle paoüna üntoxle ongat zangwünbu ma hwom lom asam daoa.

MIKNGÜN-OHÜN 18:3

Zangfange she müi-hi-aji mongzok ju, tüle tsakkya tokle lingdaoa; zangfang angkya wanghombue she füi, chinunchakkai mwot mokdaoa; chaxwannu angkya thalex khünakbu, opan chitsyen she müi-hi-aji mongzok; ija füi ahak aluaüna.”

JUD LAIZA 1:11

Hwom a maxsax! Hwome Kain man to. Ngun hanpakma hexle hwom alüile Balam thaikya othai chak to kox. Hwome Korah ningle alün-aloxle ajong, ilaxle chix lailaile hwom amüt.

2 PITAR 2:15

Hwome tangthokya lom dantoxdaoa ilaxle hwome lom asamdaoa. Hwome Beor sasün Balam ahamkya man tole tüiüna. Ochax mwot mokle achakkya ma kopkya chix ngun to chixe tüle mongkün,

1 TIMOTHI 3:8

Müimüithom ma fongmixbu machu müikya zanglom saikha tamchu mongkoxle saxmokkya tüi angkya oli changle; hwome ju aluile chilingüi tamchu ngun-syen to osingkya chitüi angkya changle;

2 THESALONIKA 3:6

Kwom tüinaohom, kwome hwom ang adangle fadaokya olom chitokyabu tamchu zaxkak-fanale ngokya tüinaobu füi atsaile ngo angkya bama kem Jowanpa Jisu Khrista mün ma kwome hünzom ang kaxtom fapu.

MATHI 21:13

Ilaxle hwom ang thüi: “Otsao Lai Kax ma zale thomkya ile tüile: ‘Ku Hom ang Zang Job-Hom le nyaküi.’ Ikoxle hünzome ija ahux mixbu azwonkya nui ang achangle thomle!”

EZEKEL 33:31

Ikhoma nang zangwün to apa ang ku khünakbu asoxle, ikoxle nange hwom ang moklax-ole akaxkya mwot hwome münmok. Hwom tunpün makhange mongkünkaikya zangwünbu laile, ikoxlechu chizakle hwom nüfux lomnu ma wüi ahamle ngole.

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

JEREMIA 6:13

Khünak pangnusae, chongkya-hixkya noke, huxtsing-loptsang lom tokhange ngun-syen athün ang azongle; ile ajebu hia nguapabue ngaxchu wüi khünaknu dyenlale changle.

ISAIA 56:11

Hwom a tamchu wok afwotle sax ang chikopkya nüfux füikya hi tuita ningle. Lompa ibu ma tsing-wankya chemchu müntüi. Hwome pange wüi ma mongtsutsu ma mokle ilaxle ma fünmüimüi lomle.

MIKNGÜN-OHÜN 18:13

püntsya; hingbu-tsyasa; sui to angan püli; so üntoxle ongan müikya münga; ju hia münga; an hia ata; maihu hia chun; man hia man-zyem; dahaibu hia khünak tsün; ibu athaxpi khünak owaechu chishak.

1 KORIN 11:16

Shekobue khang akho angkya zangwün bama owawae ku kax ija changbasu le jangtex thüikoxle kue akax angkya ibibi wüi kwomechu ilaxle Zang müimüithomechu Zang shwom pongma twon angkya changkox a le thüi angkya mama olom müntüi.

1 TIMOTHI 4:7

Ikoxlechu wün ang thakho chinguikya ibu Zang chitüikyabu pupa zangwün füi atsaile ngolax. Zang womle tsün ngo ang mokkya olom ma nange hanpak hia zong ashixlax.

1 TIMOTHI 4:8

Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.