1 TIMOTHI 6:4 - OTSAO BAIBEL (BSI)

⁴ Ija a mongngam saxfolwot boma mama awankya chemchu müntüi. Kax bama aling alan angkya ilaxle ahe-atsi angkya chimüikya mongzok kax chix ma paxle, ilaxle ijae miktsak mongngwom, alakya, adix-adakya, ochax mongao, ibu alaile,

1 TIMOTHI 6:4 ပူးပေါင်းရင်းမြစ်များ

2 TIMOTHI 2:23

Ikoxlechu ongat hia chitsing chiwan zangwün füi atsaile ngolax; nange awan ngopu ibu a hyet ma shuüi.

2 TIMOTHI 3:4

hwome tata ale-zak to adütüi, khün chikhiüi, angang le ngamüi; hwome Zang füichu müi-hi-aji mongmüi towüi süluaüi;

1 TIMOTHI 3:6

Chix mongngam ma saxfo lwotkya chitüi angkya üntoxle bao ningle ahaile awütkya chitüi angkya kuxma, chix a mongong ma tsingju kamong le tüikoxle müiüi.

JUD LAIZA 1:10

Ikoxle ibu khünake hwome ngaxchu chitsingkyabu ang kaxma thüi üntoxle hwontüi jezai le chichangkya müibu ningle, pangnu li hwome jaopo makhange awanle laxle ilaxle ibue hwom amütle.

2 PITAR 2:12

Ikoxlechu hwom hwon-je chitüikya mix ningkya khünakbu, jaopo ma hwom müibu ningle koplaxle lang angkya hanpakma puxpaikyabu; mae ngaxchu chitsing chiwankyabu to adix-adale tüile.

2 TIMOTHI 2:14

Hünzome khünakbu ang ija apuale falax, ilaxle kax ma alanle chichang angkya bama Zang thüntho ma hwom ang khünzule kaxkhün laxkox. Kax ma alankyae müikya oli moküile münchang ikoxle ija kax to apakyabu amaüi wüi.

JUD LAIZA 1:16

Ibu khünakbu a jento kax ma alatlanle tamchu mixmo omale wünkyabu changle; hwom a ma ochax küntsu monglua füito azuile; hwome ma bama alüile tsaichong-kaxbongle tüile; ilaxle hwome ma lomtang kop angkya kuxma mix loplüi füt ang tomle.

2 PITAR 2:18

Achax le ngokya khünakbu füi atsaile pao ang owang wangtankyabu tsün angkya hanpakma hwome chilaxli ongam zang wünle, üntoxle müi-hi-aji mongzok zalokya lom to tsangtsa twonle.

1 TIMOTHI 1:7

Zang wanlom ma hwom nwotmixbu ang achangse le tsu, ikoxle mongao ojao chitüi le hwome akaxkya chem hanpak changkya hex, ibu zangwünbu hwome awan ang chitho.

1 TIMOTHI 1:4

Hwom ang ibu pupa zangwün ilaxle putong akiakle lowüilole zale thomdaokya awütdao le thüikox. Ibue kax ma alan angkya wüi chialaiba; ibue mongongle nyakkya Zang mongtex mokle aho angkya münchang.

JAKOP 1:19

Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.

TITA 3:9

Ikoxle ongat to kax ma alankya, pupa hwom mün jenlo le zakya, ahe-atsikya tamchu wüi wanlom bama azankya, ibu a mwot to chihüikya tamchu asukya chichang.

WANGSHEMBU MWOT 15:2

Pol hia Barnaba nyie hwom füi khünzule kax ma alat üntoxle Ija bama ala; idaile Pol hia Barnaba nyi füi tomle Antiok angkyachu khünak züita zünle koplaxle wangshembu hia tüichong mixmüibu füi apongle zangwün azut ang Jerusalem to pao angkya oli changle le zangwün.

MIKNGÜN-OHÜN 3:17

Nange thüile, ‘Ku hakpa changle ilaxle müile ngopu; kue alomlom ku ma komle tüipu.’ Ikoxchu nang chemtukux tuitai le tamchu chingcha ashukle tüipuix nange chiawan! Nang a zasa, ohua tamchu miksut mix changle.

2 THESALONIKA 2:4

Chixe zang le athüiüi pangnu füi chichangba shwomkya oli pangnu füi alünüi ilaxle chix hwom pangnu thak tokya ang achangüi. Chix zangshwom-hom to nop ilaxle thungüi üntoxle chix a zang changpu le thüiüi.

KOLOSI 2:18

Othai to puinai le ahokya üntoxle kaxtaimixbu to shwomkyabu opange ataxkya mikngün ohün tüidaoa le akhokya changpu le thüilaxpuix, iningkya mix owa angchu nang thajao ang taxtom. Chemthüikoxle iningkya mix a tüta khoma lüchu chichangle chix müi-hi-aji mongjang makhange mongngam ahole,

FILIPI 2:14

Jali lom to apüikya hia kax ma alankya chitüi homle mokkox,

FILIPI 2:3

Ma fün müi angkya tata thütlaxle chichangba mixtha naxjao le chemchu taxmok, ikoxle ma füi mix wüi si le thütlaxle tata zongto puinai le tüikox.

FILIPI 1:15

Changle züizüie Khrista-e apuk apuakya a nüfux hia hyet lomle mokkya changle, ikoxlechu mamabue a otsingtsing mong füi mokkya changle.

GALATIA 6:3

Chix a chem ngaxchu chichang khato owawae ma lita changpu le ngamle jangtex, chixe ma alüile dyen ngopu.

GALATIA 5:26

Kem chingamüi, tata mong chiatsiküi tamchu osing-nüfux chitüiüi.

GALATIA 5:15

Ikoxle hünzome faomüi lailaile, tata to chakmok-janlangle jangchang thüiba, tahulax mi; hünzome otam chitoxle tata oli thuüi.

2 KORIN 11:20

Owae hünzom chix da ang laxlaxpuix chichangba chix lap hanpakma hünzom twonlaxpuix chichangba hünzom tsün ma aman laxpuix chichangba hünzom to ajao afangle hulaxpuix chichangba hünzom to thün ma fitlaxpuix, iningkya mix füito hünzom azuile.

1 KORIN 11:18

Pongwang ma, kue atat ang kopkya a, hünzom tu asoxkya zuma tata füi mongtex apüikya tokhange mathom-mathomle zingle tüile, ilaxle ija zangwün to süifi süitex kux otsingtsing changpu le kue ongkya tüile.

1 KORIN 11:16

Shekobue khang akho angkya zangwün bama owawae ku kax ija changbasu le jangtex thüikoxle kue akax angkya ibibi wüi kwomechu ilaxle Zang müimüithomechu Zang shwom pongma twon angkya changkox a le thüi angkya mama olom müntüi.

1 KORIN 3:18

Owaechu ma alüile taxdyen, owawae athaxpongkya chaxwannu chifün ma chix a jetüi hwonzaikya mix tuita changpu le jangtex, otsing tomtata ma je-hwon füikya mix ang achang angkya kuxma, chix a ongat ang achang angkya changle.

1 KORIN 3:3

chemthüikoxle athax kople hünzom chaxwannu khünak ngwot ma ngotan changle. Ongai hünzome tata to atsak akhu puix ilaxle atsi-alaxpuix, ijae hünzom chaxwannu chifün ma ngolaxle zangjang khünak ningle müi-hi-aji ma tüile le ahokya münchang hexnyi?

ROM NOK HATO ZAKYA POL LAIZA 14:1

Mongong ma shonaikya mix hünzom khato pongle koplax, ikoxle chix huak mongtex bama chix füi kax ma alale taxchang.

ROM NOK HATO ZAKYA POL LAIZA 13:13

Chinunchakkai hia jutok saxngat chitüile, müi-hi-aji küntsu monglua lom ma hia chitsaokya lom ma chichangle, ahe atsikya hia afux-alaokya chitüile; anyixningkya zangngai ma ngokyabu ningle kem zanglom saikha müile ngo angkya thüt-hax.

ROM NOK HATO ZAKYA POL LAIZA 12:16

Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

ROM NOK HATO ZAKYA POL LAIZA 2:8

Mamabu khünake, othai füito azui üima ma hanpak tata thütle üntoxle changkya mix a chilaxle awütle; Zange chix mongtsik hia mongma hwom ma khole koxüi.

WANGSHEMBU MWOT 18:15

Ikoxle ija a kaxhuak hia mün ilaxle hünzom ma wanlom bama kaxma alankya zangwün daile, hünzom zome wüi wünle tsuak angkya oli changle. Iningkyabu zangwün bama hexle kue kaxfün münfa ngoüi!”

WANGSHEMBU MWOT 8:9

Ija tingnu ma Simon le amünkya mixsün tuita tüikya. Onox ma chixe Samaria angkya khünaknu chix chajik-muashem makhange azale thom. Chixe alüile achuakle wün.

ISAIA 58:4

Hünzom chisax-chilingle atsaokyae zan alaile, ilaxle hünzom ahe-atsile tamchu achax-azanle. Iningkya chisax-chilingle atsaokya zangjop to kue lanüile hünzome texdaicha?

WANWÜNKAX 26:12

Je-hwon chitüi khato jetüi-hwonlangkya mix ningle thütkya khünak tuita füi a mongkho ojao chinguikya anga tuita wüi sümüi.

WANWÜNKAX 25:14

Chikox angkya khato koxüihex-ole tsaosaxkya khünak a tuita zangngax chiawat angkya to atyenkya zangfwom hia awinkya zangwin ningle changpu.

WANWÜNKAX 13:7

Züizüi khünakbue atsingle hakpa-luapa ningle ahole, ikoxle hwom ma chemchu chitüi. Mamabue atsingle chitüi-chinang mix ningle ahole, ikoxle osho-jawan hwom kux ang achang.